28/09/2026
⚖️ Правната поддршка продолжува да биде поблиску до граѓаните.
На 25 септември 2026 година во Општина Кривогаштани го реализиравме четвртиот Мобилен правен ден, со цел граѓаните да имаат полесен пристап до правни информации, советување и поддршка во остварувањето на своите права.
💬 Граѓаните имаа можност да добијат бесплатно и доверливо правно советување, информации за своите социјални и други права, како и насоки и поддршка при административни постапки.
📍 Мобилните правни денови се можност правната поддршка да биде достапна директно во заедницата - поблиску до граѓаните, нивните потреби и секојдневните предизвици со кои се соочуваат при остварувањето на своите права.
🤝 Продолжуваме да работиме на тоа правните информации и поддршката да бидат достапни, разбирливи и навремени за секој граѓанин.
*Активноста се спроведува во рамки на проектот „Правна поддршка и едукација за социјални права на ранливи граѓани во Пелагонискиот регион“, кој е финансиран од програмата за грантови на проектот „Иницијатива за административна социјална правда“, финансиран од Европската Унија, а спроведуван од Институт за човекови права ИЧП / Institute for Human Rights IHR.