Shoqata Edukative ''Vllaznia''

05/06/2026

Fëmijë, a jeni gati për një verë ndryshe? Shkolla Verore 2026 po ju pret!

30/05/2026

Shoqata Edukative "Vllaznia" organizon koktej Bajrami me nxënësit e mektebit

Në një atmosferë festive, plot gëzim, Shoqata Edukative "Vllaznia" ka organizuar një koktej solemn për nder të Bajramit të Kurbanit, kushtuar posaçërisht nxënësve të mektebit.

Ky aktivitet, i cili tashmë po shndërrohet në një traditë të bukur, mblodhi bashkë fëmijët, mualimet, ashtu si edhe përfaqësuesit e Shoqatës për ta ndarë së bashku gëzimin e kësaj feste të madhe.

Gjatë këtij kokteji, nxënësit patën mundësinë të bashkëbisedojnë, të argëtohen dhe t'i shijojnë ëmbëlsirat e përgatitura me shumë dashuri për ta. Për t'ua bërë festën edhe më të paharrueshme, për të gjithë nxënësit u shpërndanë dhurata dhe pako festive, si një shenjë motivimi dhe falënderimi për përkushtimin e tyre të treguar gjatë mësimeve në mekteb.

Shoqata Edukative "Vllaznia" mbetet e përkushtuar që, përveç mësimbesimit dhe edukimit të rregullt, t'u ofrojë nxënësve edhe aktivitete sociale e kulturore që forcojnë lidhjet mes tyre dhe krijojnë kujtime të bukura nga fëmijëria.

Veç dhënies së dhuratave, fëmijët patën rastin t'i shprehin talentet e tyre për recitim e këndim.

Kumanovë, 30 maj 2026

29/05/2026

Sot, në ambientet e Shoqatës edukative “Vllaznia” u bë ndarja e trofeve për tre vendet e para nga aktiviteti “Kampionët e Bajramit”! Prezent ishin nxënësit fitues që nxënë vendin e tretë, nga Shkolla fillore “Kongresi i Manastirit” nga fshati Llopat, pastaj ata të Shkollës fillore “Naim Frashëri” të cilët fituan trofeun e vendit të dytë dhe fituesit e vendit të parë, nxënësit e Shkollës fillore “Faik Konica” nga fshati Sllupçan! Vlen të potencohet se u ndanë mirënjohje edhe për trainerët dhe mësimdhënësit e lëndëve të edukatës fizike të cilët gëzojnë një meritë të pamohueshme për përgatitjen e nxënësve! Shpërndarja e tillë e trofeve, fjalët e rastit me këshilla dhe komplimente për fëmijët si dhe solemniteti i këtij eventi, janë pjesë përbërëse e qëllimit të këtij aktiviteti e që është edukimi, ngritja dhe kultivimi i shpirtit garues e sportiv, ambicjes dhe pozitivitetit te fëmijët!

28/05/2026

Shoqata "Vllaznia" shpërndan kurbanë për familjet në nevojë

Shoqata Edukative "Vllaznia" ka vazhduar misionin e saj të bamirësisë duke shpërndarë sot kurbanë për familjet nevojtare në territorin e Kumanovës dhe të Likovës. Ky aktivitet vjen si pjesë e angazhimit të vazhdueshëm të shoqatës për t'u dalë në ndihmë shtresave më të ndjeshme të shoqërisë dhe për të sjellë gëzim në vatrat e tyre.

Mishi i kurbanëve u ndaj dhe u shpërnda me rregull dhe kujdes te familjet që kanë më së shumti nevojë, duke respektuar plotësisht dinjitetin e secilit përfitues.

Ky aksion u realizua falë besimit dhe mbështetjes së donatorëve, të cilët zgjedhin që përmes kësaj shoqate ta shtrijnë dorën e solidaritetit. Ata falënderuan të gjithë ata që kontribuan dhe u lutën që kjo sakrificë dhe bamirësi të pranohet nga Zoti i Madhërishëm.

Aksione të tilla dëshmojnë edhe një herë se fryma e humanizmit dhe e ndihmës reciproke mbetet e gjallë dhe e fortë në mesin tonë, duke zbutur sado pak vështirësitë ekonomike me të cilat përballen shumë familje.

Kumanovë, 28 maj 2026

27/05/2026

Me rastin e festës së madhe të Kurban Bajramit, Shoqata Edukative “Vëllaznia” ua uron të gjithë besimtarëve myslimanë këtë festë të bekuar.
Allahu ua pranoftë kurbanin, lutjet dhe çdo vepër të mirë, duke sjellë paqe, shëndet, begati dhe harmoni në familjet tuaja.

Gëzuar Kurban Bajramin! 🌙✨

26/05/2026

Kampionët e Bajramit

Shoqata Edukative “Vllaznia”, për të pestin vit me radhë, organizoi me sukses aktivitetin tradicional “Kampionët e Bajramit”, në kuadër të festës së Kurban Bajramit.

Ky aktivitet u zhvillua në Qendrën Sportive “Sokollana” në Kumanovë dhe përfshiu nxënës nga klasa e tretë deri në të gjashtën, nga pesë shkolla fillore të komunave të Kumanovës dhe Likovës. Fëmijët garuan në disa disiplina sportive, përfshirë vrapimin në 60, 100 dhe 200 metra, vrapimin me stafetë, kërcimin, hedhjen e gjyles dhe tërheqjen me litar. Garuesit ishin të përzgjedhur dhe të udhëhequr nga arsimtarët e edukatës fizike dhe trajnerë profesionistë.

Në organizim morën pjesë anëtarët e Shoqatës “Vllaznia”, trajnerë sportivë dhe mësues të edukatës fizike. Organizatorët falënderuan të gjithë kontribuuesit për përkushtimin e treguar.

Një falënderim i veçantë iu dedikua futbollistit Ardon Jashari me prejardhje nga Kumanova, i cili mbuloi shpenzimet e këtij aktiviteti, si dhe ekipit mjekësor nga Shtëpia e Shëndetit për përkujdesin dhe mbështetjen gjatë aktivitetit, si dhe pjesëtarëve të policisë që u përkujdesën për rendin dhe sigurinë gjatë gjithë organizimit.

Qëllimi i këtij aktiviteti është promovimi i vlerave edukative dhe komunitare të sportit si pjesë e traditës festive të Bajramit, duke nxitur te të rinjtë një mënyrë të shëndetshme jetese dhe largimin nga veset negative.

Kumanovë, 26 maj 2026

25/05/2026

Shoqata Edukative Vllaznia
Gara sportive me nxenesit e shkollave fillore per nder te festes se Kurban Bajramit

09/05/2026

22/03/2026

Program festiv me nxënësit e Shoqatës VLLAZNIA