Хуманитарно Здружение Мајка - Куманово

03/06/2026

📍 Граѓанската иницијатива донесе конкретна акција во с. Романовце.

На барање на женската неформална група од с. Романовце и како резултат на иницијативата- собирање потписи од жителите на селото, во петок (05.06.2026) ќе се реализира акција за чистење на покрајпатната инфраструктура во с. Романовце.

🚜 АД "Водостопанство на РСМ" Подружница Кумановско-Липковско Поле
и ЈП ВОДОВОД Куманово ќе спроведат чистење на каналите и одводните површини каде што се акумулираат атмосферски води, а за кои постои потреба од редовно институционално одржување.

Оваа активност произлегува од теренската иницијатива за собирање потписи и мислења од жителите на селото, преку која беа идентификувани повеќе локални проблеми и потреби што бараат институционален одговор.

✅ Уште еден пример дека кога граѓаните се организираат и активно ги застапуваат своите потреби, а институциите покажуваат подготвеност за соработка, можни се конкретни и видливи промени во заедницата.

Оваа активност е дел од проектот „Жените го преземаат водството во локалните заедници“, финансиран од Европската унија Delegation of the European Union to North Macedonia и ко-финансиран од Шведска, имплементиран од The Kvinna till Kvinna Foundation во партнерство со Akcija Zdruzenska и Хуманитарно здружение Мајка Куманово.

03/06/2026

♻️ Заедно за почиста и поодговорна заедница! ♻️

На иницијатива на неформалната женска група од населба Карпош, а во соработка со Општина Куманово – Сектор за животна средина и ЈП „Чистота и зеленило“, денес во ООУ „Магдалена Антова“ се одржа едукативна работилница со учениците од VI до IX одделение.

Преку интерактивна дискусија и едукативни содржини, учениците имаа можност да се запознаат со важноста на правилното селектирање на отпадот, заштитата на животната средина и улогата што секој поединец ја има во одржувањето на чиста и здрава заедница. Целта на активноста беше да се подигне свеста кај младите за одговорното управување со отпадот и значењето на добрите еколошки навики во секојдневниот живот.

Оваа работилница претставува вовед во пошироката еколошка иницијатива што ја предводат жените од населба Карпош. Следен чекор е организирањето на акција за чистење на просторот околу стадионот „КАРПОШ“, со која заеднички ќе придонесеме кон почиста и поуредена локална средина.

🌱 Малите чекори создаваат големи промени – да продолжиме заедно да градиме заедница во која грижата за животната средина е заедничка одговорност. 🌱

Оваа средба се реализираше во рамки на проектот „Активни жени“, кој го спроведува Хуманитарно здружение „Мајка“ Куманово во партнерство со Регионален центар за соработка Спектар / RCC Spectar , Здружение Регионален центар за одржлив развој - Кратово и Фондација за развој на мали и средни претпријатија - Куманово, со финансиска поддршка од Владата на Швајцарија преку програмата Civica Mobilitas .

#АктивниЖени #ГласотНаЖените

02/06/2026

Денеска во Туристичко информативен центар (поранешен задружен дом) во с.Пчиња ја одржавме традиционалната културно – уметничка манифестација „Детска ликовна колонија Пчиња 2026“. Манифестацијата ја одржуваме по пети пат со поддршка на Општина Куманово, од програмата за Културни настани. Посетителите имаа можност да ги разгледаат уметничките дела на тема: “Убавините на реката Пчиња и Бислимската Клисура”, изработени во разни ликовни техники од страна на 22 ученици од 10 општински основни училишта, кои твореа под водство на своите наставници/ментори. На завршната манифестација беа поделени награди и дипломи за првопласираните три места и благодарници за сите учесници на овогодинешната ликовна колонија.

28/05/2026

26/05/2026

Денеска по пети пат се спроведе дел од активноста „Детска ликовна колонија Пчиња 2026“ која е финансиски поддржана од Програма за културни манифестации на Општина Куманово за 2026 година.
22 ученика од основните училишта заедно со своите ментори твореа во Бислимската клисура и со своите вешти раце ја пренесоа убавината на реката Пчиња и клисурата на платно.

23/05/2026

💜Конец по конец – Овој израз ја симболизира постепената
изградба на една идеја, наратив или заедница. Како што
таписериите се создаваат со внимателно вплетување на секој
конец, така и процесот на оснажување и лидерство на жените во заедниците се гради чекор по чекор, со заеднички напор и
континуирана поддршка.
-----------------------------------------------------
💜Thread by Thread – This expression symbolizes the gradual construction of an idea, narrative, or community. Just as tapestries are created by carefully weaving each thread, the process of empowering and leading women in communities is built step by step, with collaborative effort and continued support.

👇 Now take a moment to explore the creativity and power behind these inspiring works!

https://zdruzenska.org.mk/kampani/vtkaena-zhenska-vizija-zhenite-od-lokalnite-zaednitsi-se-omokuvaat-preku-kreativnost/

Delegation of the European Union to North Macedonia
The Kvinna till Kvinna Foundation
Embassy of Sweden in Skopje
Хуманитарно Здружение Мајка - Куманово

#тааводи, #тааправиразлика

22/05/2026

Со активистките од населба Иго Тричковиќ денес одржавме работна средба посветена на идентификување на приоритетните потреби и предизвици со кои секојдневно се соочуваат жителите на заедницата.

Преку заедничка анализа и размена на мислења беа дефинирани конкретни иницијативи за кои е потребна поддршка и соработка од надлежните институции:

🔹 Подготвено е барање до директорот на основното училиште во населбата за одржување средба на која ќе се разговара за можностите за соработка и заедничко дејствување во насока на подобрување на условите за учениците и училиштето.

🔹 Подготвено е и барање до Општина Куманово за унапредување на јавниот превоз во населбата, со цел жителите да имаат полесен и посигурен пристап до образовни, здравствени и други јавни услуги.

Ваквите средби се значајна можност жените од локалната заедница активно да учествуваат во процесите на донесување иницијативи и застапување за прашања што директно влијаат врз квалитетот на животот во нивната средина.

Заедно продолжуваме да градиме поактивни, поврзани и посилни локални заедници.

Оваа средба се реализираше во рамки на проектот „Активни жени“, кој го спроведува Хуманитарно здружение „Мајка“ Куманово во партнерство со Регионален центар за соработка Спектар / RCC Spectar , Здружение Регионален центар за одржлив развој - Кратово и Фондација за развој на мали и средни претпријатија - Куманово, со финансиска поддршка од Владата на Швајцарија преку програмата Civica Mobilitas.

#АктивниЖени #ГласотНаЖените

18/05/2026

Денес одржавме средба со нашите активистки од населба Карпош, на којашто заедно разговаравме за секојдневните предизвици и потребите на жителите во населбата.

Преку отворена дискусија и заедничко учество беа изготвени конкретни барања кои ќе бидат доставени до надлежните институции:

🔹 До ЈП Чистота и Зеленило Куманово – барање за собирање на кабаст отпад на три локации во населбата, со цел подобрување на хигиената и зачувување на животната средина.

🔹 До ЕВН – подрачна единица Куманово – барање за поткастрување на дрвјата кои претставуваат потенцијален ризик за електричната мрежа и безбедноста на граѓаните.

Средбата покажа колку е важно жените од заедницата активно да се вклучуваат во препознавањето на локалните проблеми и иницирањето решенија кои придонесуваат за подобри услови за живот.

Организацијата е простор за поддршка, информирање и зајакнување.

Оваа средба се реализираше во рамки на проектот „Активни жени“, кој го спроведува Хуманитарно здружение „Мајка“ Куманово во партнерство со Регионален центар за соработка Спектар / RCC Spectar , Здружение Регионален центар за одржлив развој - Кратово и Фондација за развој на мали и средни претпријатија - Куманово, со финансиска поддршка од Владата на Швајцарија преку програмата Civica Mobilitas.

#АктивниЖени #ГласотНаЖените

18/05/2026