Еко Пчиња

19/04/2026

📍 Депонијата кај с. Пчиња повторно гори.
Повторно чад. Повторно труење.

Ова НЕ е инцидент, ова е системски неуспех.

Години наназад истото:
🔥 Дива депонија
🌫 Токсичен чад
🤐 Тишина од надлежните

Колку пати треба да се запали за некој да реагира?
Колку уште треба да вдишуваме отров?

Локалната власт е иста, и резултатите се исти.
Игнорирање. Неодговорност. Нула акција.

Инспекцијата за животна средина, каде сте?

Ова е директна закана за здравјето на луѓето.

Бараме:
❗ Итна реакција
❗ Трајно решение
❗ Јавна одговорност

📢 Споделете, нека стигне до сите надлежни.

06/01/2026

05/01/2026

Утре ќе биде убав и голем ден за нас Пчињаните, утре за прв пат по улиците на село Пчиња ќе се слушне најубава детска песна посветена на нашиот најголем празник Божиќ. Во 09:30 часот сите учесници пријавени за поворката се должни да дојдат во објектот Инфо-центар за Бислимска клисура или Задруга каде ќе бидат поделени потребните риквизити за учество во истата. Поворката ќе појде од крајот на селото Пчиња од страна на Бислимска Клисура во 10:00 часот, ќе се движи кон "сред село" во Пчиња. Од таму продолжуваме по нашиот "долен пат", потоа пресекуваме по улицата кај продавница "Логкап" и по "горниот пат" продолжуваме се до црквата Свети Спас каде ќе биде нашата завршна точка и каде ќе се оддржи нашиот централен настан проследен со убави песнички, оро и пригодни подароци за нашите дечиња. Ве известуваме дека во одредени интервали на кратко ќе биде стопиран сообраќајот на наведениве локации. Ве покануваме сите да ги поддржиме нашите Коледарчиња и да уживаме во овој прекрасен настан на кој како за прв пат се пријавени околу 100 дечиња! 🙏❤️⛪️

04/01/2026

🎶Депонијо, депонијо порасни уште две три педи..🎶

Среќни новогодишни и Божиќни празници од Еко Пчиња и депонија Пчиња!

18/12/2025

Својата долгогодишна традиција, Коледари Куманово оваа година заедно со тимот на Еко Пчиња и Let's Spread Love за прв пат ќе ја пренесат во с.Пчиња.

На ден 21.12.2025 година, со почеток во 10:30 часот, ќе се одржи традиционално берење на бадникови гранчиња.

Во 13:00 часот ќе се споделуваат новогодишни пакетчиња за најмалите, кои и оваа година ги обезбеди фирмата Ристовски.

Весела дружба и пријатна атмосфера ќе го збогатат денот, со цел да се зачува и одржи нашата традиција.

Ве очекуваме во што поголем број за да го најавиме Христовото раѓање!

28/11/2025

Доколку го пропуштивте годинашниот „Саем на автохтони сорти Везенка“, ви носиме краток поглед на тоа како помина настанот!
Имаше прекрасна атмосфера, многу љубопитни посетители, изложби и разговори за зачувување на нашето растително богатство.

Ви благодариме на сите што беа дел од овој ден и помогнаа да го одбележиме значењето на автохтоните сорти и домашната традиција.
А за оние што не стигнаа - не грижете се! Следната година ве очекува уште поголемо и подобро издание. Не го пропуштајте! 💚

Погледнете го видеото тука 👇
https://youtu.be/eSh4Lcufh0c?si=mOhXSeiwBtdU8bep
#везенка #саемвезенка #автохтонисорти

За сите што не успеаја да присуствуваат на настанот „Саем на автохтони сорти Везенка“, ви пренесуваме дел од атмосферата!Годинава заедно го прославивме богат...

25/11/2025

Повик до сите дечиња од Село Пчиња, Вакв, Студена Бара и пошироко!🎄✨

На 6-ти јануари 2026 во 10:00 часот ќе се одржат Бадниковите поворки, и ги покануваме сите дечиња да ни се придружат во празничната прошетка!

Да го донесеме заедно духот на мир, љубов, топлина и добрина низ нашето село ❤️

📞 Контакт за информации: 072 689 309

Ајде да создадеме прекрасна Бадникова атмосфера!

25/10/2025

Голема благодарност до Let's Spread Love и сите волонтери! ❤️

Со ваша поддршка и огромна енергија, Саемот на автохтони сорти и сите останати настани што ги реализиравме оваа година беа вистински успех! 🙌
Вашата посветеност, насмевки и добрина се доказ дека заедно можеме да создадеме многу повеќе за нашата заедница, за традицијата и за природата. 🌿

Од срце благодариме!

07/10/2025

Каков ден, луѓе!
Саемот на автохтони сорти „Везенка“ во Пчиња помина повеќе од одлично! Толку голем интерес, позитивна енергија и убава атмосфера одамна немаше.

Имавме над дваесет излагачи од цела Македонија со пиперки, домати, зелка, зимница, мед, домашна ракија и многу други добрини. На масите се најдоа и домашен ајвар, слатка, зимница, банички и разни специјалитети подготвени од жителите на Пчиња - вистински вкус на традицијата!

Голема благодарност до сите што дојдоа, учествуваа и не поддржаа, а посебно до тимот на Let's Spread Love за поддршката и помошта!

Ова ни е поттик да го направиме настанот уште поголем следната година.

04/10/2025

🕚11:00, Ве очекуваме!

Во селото Пчиња утре во период од 11 до 16 часот ќе се одржи традиционалниот Саем за автохтони сорти везенка.

25/09/2025

🌱✨ Подготовките за Саемот за автохтони сорти – Везенка се во полн ек! ✨🌱

Оваа година со гордост ја користиме приликата да ја претставиме и нашата нова веб-страница на Еко Пчиња 🌍💚

👉 На неа ќе најдете информации за програмата, датумот и местото на одржување, а преку официјалната страница за настанот можете директно да се информирате и да останете во тек со сите новости.

🔗 Веб-страница: https://ekopchinja.mk
🔗 Страница за настанот: https://ekopchinja.mk/vezenka-2025

Да ја славиме традицијата, семето и љубовта кон природата – заедно на Везенка! 🌾💫
#Везенка #ЕкоПчиња #СаемЗаАвтохтониСорти