InoYouth-Innovation and Youth

14/05/2026

Што е „јаглероден отпечаток“ (carbon footprint)? 🌍

Јаглеродниот отпечаток е вкупната количина на стакленички гасови што ги создава човек, компанија или држава со своите секојдневни активности. Овие гасови, како јаглерод диоксид (CO₂) и метан (CH₄), се ослободуваат при горење на горива, производство на стока, транспорт, грење, па дури и при потрошувачка на храна и облека. Колку повеќе енергија користиме од фосилни извори (јаглен, нафта, гас), толку поголем е нашиот јаглероден отпечаток. Тој е директно поврзан со климатските промени, што значи дека секое намалување на емисиите помага во заштита на планетата.

Како можеме да го намалиме јаглеродниот отпечаток?
✅ Користи јавен превоз, пешачи или вози велосипед.
✅ Намали ја потрошувачката на струја и вода.
✅ Купувај локални и сезонски производи.
✅ Сади дрвја - тие впиваат CO₂ од воздухот.
✅ Промовирање и користење на обновливи извори на енергија.
✅ Одвојувај отпад и рециклирај.

Проектот е поддржан преку Green Agenda Multiplier Support Program и Beogradska otvorena škola.

14/05/2026

Сончевото зрачење стига до Земјата и сончевата енергија ја загрева Земјата, но дел од топлината природно се враќа назад во вселената. Стакленичките гасови, како јаглерод диоксид (CO₂), метан (CH₄), азотен оксид (N₂O) и озон (O₃), создаваат слој во атмосферата кој ја задржува дел од оваа топлина, процес познат како ефект на стаклена градина. Човечките активности, како индустријата, транспортот и земјоделството, значително ја зголемуваат концентрацијата на овие гасови. Како резултат на тоа, се задржува повеќе топлина отколку што е природно, што доведува до пораст на глобалната температура. Овој процес е главна причина за климатските промени, кои се манифестираат преку почести екстремни временски настани, како топлотни бранови, поплави, суши и шумски пожари.

Намалувањето на емисиите на стакленички гасови преку декарбонизација е клучно за враќање на балансот во атмосферата и за заштита на климатскиот систем.

Проектот е поддржан преку Green Agenda Multiplier Support Program и Beogradska otvorena škola.

28/04/2026

Усвоен e Националниот план за енергија и клима 2025–2030 🌱⚡

Владата го усвои стратешкиот документ со 61 конкретна мерка за енергетска трансформација и зелена иднина.

Што следува? Инвестиции во сончева, ветерна и хидроенергија, постепено напуштање на јагленот, развој на складирање енергија и модерна инфраструктура, усогласување со европските стандарди и воведување цена на јаглерод.

Планот е изработен низ транспарентен процес со учество на институции, експерти, академската заедница и меѓународни партнери, со јасна цел: почист воздух, поголема енергетска стабилност, нови инвестиции и забрзана зелена транзиција.

Проектот е поддржан преку Green Agenda Multiplier Support Program и Beogradska otvorena škola.

01/04/2026

Нето-нула емисии (или Net Zero) значи постигнување баланс помеѓу количината на стакленички гасови што се испуштаат во атмосферата и количината што се отстранува од неа. Тоа не значи целосно запирање на емисиите, туку нивно значително намалување и компензирање преку природни и технолошки решенија.

Главни извори на емисии се индустријата, транспортот и енергетскиот сектор, додека нивното намалување се постигнува преку користење на обновливи извори на енергија, енергетска ефикасност и одржливи практики. Истовремено, јаглерод диоксид може да се отстрани преку шуми, почви или технологии за складирање јаглерод.

Постигнувањето на нето-нула емисии е клучно за ограничување на глобалното затоплување и за исполнување на меѓународните климатски цели, како што е ограничувањето на порастот на глобалната просечна температура на 1.5 °C. Тоа претставува еден од најважните чекори кон одржлива и климатски стабилна иднина.

Проектот е поддржан преку Green Agenda Multiplier Support Program и Beogradska otvorena škola.

19/03/2026

Климатските промени се еден од најголемите предизвици за општеството.

Зголемените емисии на стакленички гасови, како јаглерод диоксид (CO₂), метан (CH₄) и азотен оксид (N₂O), се главен двигател на климатските промени. Овие гасови се ослободуваат најчесто од согорување на фосилни горива во индустријата, транспортот, производството на електрична енергија и одредени земјоделски активности.

Како резултат на тоа, просечната глобална температура на Земјата се зголемува, што доведува до почести и поинтензивни екстремни климатски појави како топлотни бранови, суши, поплави и шумски пожари. Овие промени имаат директно влијание врз природните екосистеми, економијата и квалитетот на живот на луѓето.

Декарбонизацијата претставува процес на намалување на емисиите на јаглерод преку користење обновливи извори на енергија, подобрување на енергетската ефикасност и премин кон поодржливи технологии и начини на производство. Овој процес е клучен за ограничување на глобалното затоплување и за постигнување одржлив развој.

Проектот е поддржан преку Green Agenda Multiplier Support Program и Beogradska otvorena škola

05/03/2026

https://youtu.be/oaxYZgaIgbc?si=4YHZlhZlhj619LAu

Пред Центарот за култура денеска се одржа хуманитарен базар по повод 8 Март. Целта е да се соберат кои ќе бидат донирани за малиот Леон кој за неколку дена з...

05/03/2026

Вчера пред Дом на културата во Куманово се случи нешто навистина посебно. Хуманитарниот базар организиран преку проектот Од Остатоци до Вредност - Кора, од ИноМлади и Infinity Divine ,поддржан од Европската Унија и ЕУ за тебе, People in Need, ARNO , LEAD, Ekovita, беше повеќе од настан - беше доказ дека кога заедницата се обединува, се раѓа вистинска магија.
Насмевки, музика, рачно изработени производи, топли прегратки и искрена желба да се помогне…🤍
Благодарност до сите учесници кои изложуваа и донираа од срце.
Штандот на Infinity Divine и Кора сите средства во целост ги донираа за малиот Леон.
Посебна благодарност до нашата поддршка од People in Need- PIN, Сунчица Костовска, која не почести со нејзиното присуство и енергија.
Огромна благодарност до сите волонтери кои со искрена насмевка, посветеност и огромно срце несебично ни помогнаа денешниот настан да биде организиран достоинствено, топло и со вистинска хуманитарна вредност. 🤍
Благодарност до учениците од ООУ Толи Зордумис, вашата енергија и чистота се нашата надеж.
И посебна благодарност до учениците од ООУ Крсте Мисирков, музичката група "Нема назад" - ја направивте атмосферата жива, искрена и незаборавна.
Вчера покажавме дека хуманоста не е само збор - туку дело.
Кога сме заедно, можеме многу повеќе.
Ви благодариме на сите што бевте дел од оваа приказна.
People in Need North Macedonia
InoYouth-Innovation and Youth
infinitydivine.com
Artistic Accessories Lace
Срмен Филигран
Jang Yang
balona.mk
Zivka Veliskovska
Medenjaci Kumanovohomemade
Handmade T & M
Handmade Paper World

03/03/2026

Дел од производите кои ќе се најдат утре на хуманитарниот базар на штандот КОРА, од 12 до 16 часот пред Домот на културата- Куманово, преку проектот " Од Остатоци до Вредност - КОРА.
КОРА е проект за циркуларна економија и едукација на млади,
реализиран како иницијатива на ИноМлади и Infinity Divine од Куманово.

• користиме дрвени остатоци од локални фирми и занаетчии
• од материјал што не бил искористен, создаваме вредносни, декоративни, едукативни и функционални предмети
• работиме со рачна доработка преку Infinity Divine, со почит кон материјалот
• соработуваме со локални компании
• едуцираме млади лица од средните и основните училишта во Куманово,
вклучувајќи ги во процесот на создавање, учење и одговорно користење ресурси.
Целта на КОРА е едноставна, но значајна:
➡️ минимален отпад
➡️ повеќе знаење
➡️ поголема вредност за заедницата
Проектот „Граѓанското општество и младите за инклузивен и одржлив развој преку циркуларна економија во Северна Македонија“ е финансиран од Европската Унија преку програмата EU Support to Civil Society and Media Organizations in the Republic of North Macedonia – IPA Civil Society
Facility Programme 2022-2023.
Проектот се спроведува од страна на организацијата People in Need (PIN) од Чешката Република, во партнерство со АРНО, Leaders for Education, Activism, and Development (LEAD) и Ековита од Република Северна Македонија.
Целта на проектот е да ja поддржи транзицијата кон зелена и одржлива економија и ресурсно ефикасен раст во Северна Македонија преку зајакнување на улогата, капацитетите и отпорноста на граѓанското општество и овозможување на младите да се вклучат во циркуларната економија и едукација и намалување на отпадот.
🙏 Благодарност до нашите партнери и поддржувачи:
👉 People in Need
👉 ARNO
👉
👉 Ekovita
👉 infinitydivine.com

www.facebook.com/PIN northmacedonia/ 🇲🇰, 🇲🇰, #КружнаЕкономија or #ЦиркуларнаЕкономија

03/03/2026

📢 Отворен повик за учество во фокус групи за декарбонизација

Во рамки на проектот „Гласови на декарбонизацијата: Од политики до луѓе“, отвораме повик за учество во фокус групи за жителите на Куманово, Скопје и Кичево. Преку овие фокус групи сакаме директно да ги слушнеме вашите мислења, искуства и препораки за локални политики и мерки за декарбонизација на локално ниво.

Ве охрабруваме да се пријавите и бидете дел од фокус групите како граѓани или претставници од јавен, приватен или граѓански сектор. Особено ни се важни гласовите на младите, жените и оние кои се дел од некоја ранлива или маргинализирана група.
Сите сте добредојдени!

📍 Единствен услов за учество е да бидете од Скопје, Куманово или Кичево.
По една фокус група ќе биде организирана онлајн за учесници од секој од градовите, и тоа:
Фокус група Куманово: 12.03.2026 од 14:00
Фокус група Скопје: 16.03.2026 од 14:00
Фокус група Кичево: 16.03.2026 од 17:00

📝 Пријавување:
Пополнете ја кратката форма: https://forms.gle/L9YwqGrMzMZPWhhW6
Краен рок за пријава: 10.03.2026

Зошто да учествувате?
- Ќе придонесете во креирање на препораки за подобри локални политики
- Ќе ги споделите вашите искуства и предизвици
- Ќе бидете дел од процес кој директно влијае врз зелената транзиција во регионот

Проектот е поддржан преку Green Agenda Multiplier Support Program и Beogradska otvorena škola.

01/03/2026

https://www.facebook.com/share/r/15ks4RE29pA/