03/11/2026
Оризова вечер 2026 – пријателство што нè поврзува, хуманост што нè обединува!
Годинешната Оризова вечер уште еднаш покажа колку е силно ротаријанското пријателство и колку многу можеме да постигнеме кога сме обединети околу заедничка цел.
Имавме чест да бидеме домаќини на ротаријанци од 32 клубови од Македонија и Балканот, актуелни и поранешни гувернери, ротари координатори, претставници на дипломатскиот кор, локалната самоуправа и бројни пријатели на Ротари.
Особено сме горди што оваа вечер, покрај дружењето и зацврстувањето на пријателствата, беше посветена и на поддршката на проектот Феникс 2.0, со кој продолжуваме да вложуваме во луѓето, младите и нашата заедница.
Хуманитарната лицитација беше уште еден доказ дека ротаријанската солидарност не познава граници и дека зад нашето мото „Service Above Self“ – Служење над сопствениот интерес, стојат вистински дела.
Искрена благодарност до сите клубови што беа дел од оваа вечер, до нашите донатори и поддржувачи, а особено до сите членови на Ротари клуб Кочани – Виница кои со заеднички труд придонесоа за успешната организација.
Од ваквите средби се раѓаат нови пријателства, идеи и соработки кои прераснуваат во дела со трајна вредност.
Ви благодариме што бевте наши гости. Се гледаме повторно, во духот на ротаријанското пријателство!
Ротари клуб Кочани – Виница