Бистри Умови - Bright Minds of Macedonia

14/03/2026

Денес се одржува Регионалниот натпревар по Математика за основно образование!
На сите ученици кои ги посетуваа бесплатните курсеви по Математика во „Бистри умови“ им посакуваме многу среќа, мирна глава и успешен настап на натпреварот.
Особено сме среќни што до сега над 2000 ученици поминаа низ системот на бесплатни курсеви и подготовки на „Бистри умови“. За нас тоа не се само бројки, туку млади таленти и идни успеси на Македонија.
Голема благодарност до Виктор Симјаноски, поранешен Македонски натпреварувач по Математика, а денес успешен човек кој живее и работи во САД, кој со својата финансиска поддршка помогна да се реализираат бесплатните курсеви по Математика. Неговата поддршка е пример каков што би сакале да следат и други наши поранешни натпреварувачи, кои денес се успешни луѓе ширум светот.
Огромна благодарност и до компанијата Кодхем, која во повеќе наврати ја поддржува работата на „Бистри умови“ и вложува во развојот на младите таленти.
Среќно на сите натпреварувачи! Трудот, знаењето и љубовта кон математиката секогаш носат резултати.

17/02/2026

17/02/2026

ИЗВЕСТУВАЊЕ – БИСТРИ УМОВИ

Драги ученици и почитувани родители,
Со голема радост и гордост ве информираме дека Здружение на информатичари на Македонија (ЗИМ) – Association of Computer Scientists of Macedonia, како официјален организатор на натпреварите по информатика во нашата држава, веќе ги објави термините за одржување на училишниот и регионалниот натпревар по информатика за 2026 година.
Истите можете да ги погледнете на нивната официјална веб-страница:
https://cs.org.mk
или директно на следниот линк:
https://cs.org.mk/preliminarni-informacii-za-regionalen-natprevar-2026/
Ги повикуваме сите ученици кои се дел од Бистри умови и кои во изминатите месеци беа дел од бесплатните курсеви по информатика, започнати во ноември 2025 година, да се пријават на натпреварите по информатика. Ова е вистинска можност да го проверите и измерите своето знаење, да ја почувствувате атмосферата на предизвик, да стекнете самодоверба, искуство и да направите нов чекор напред.
Со овие натпревари симболично ги завршуваме и неколкумесечните бесплатни курсеви, во кои вложивме многу труд, љубов и верба во вашите способности. Горди сме на секој ученик, на секој напредок, на секоја решена задача и на секој сон што почнува да се претвора во реалност.
Веруваме во вас. Веруваме во вашите таленти. И знаеме дека иднината ѝ припаѓа на младите кои храбро учат, создаваат и се надминуваат себеси.
Со почит,
Бистри умови – Bright Minds of Macedonia

За здружението Граѓаните се здружуваат во Здружение на информатичарите на Македонија заради вршење дејности и активности со цел за негување, популаризација и уна....

26/11/2025

СООПШТЕНИЕ

До сите ученици пријавени за бесплатните курсеви по математика и информатика:
Испратени се мејлови со детални инструкции за следење на наставата.
Ве молиме проверете ја вашата е-пошта, вклучително и Spam/Junk папката.
Доколку не го имате добиено мејлот ниту таму, контактирајте не на 078 416-164 за да ви помогнеме.

Со почит,
Бистри умови

24/11/2025

ВАЖНО ИЗВЕСТУВАЊЕ ЗА БЕСПЛАТНИТЕ КУРСЕВИ

Драги ученици и родители,

На сите што се пријавија за бесплатните курсеви по математика и информатика веќе им испративме инструкции на мејл за начинот на следење, најавување, како и терминот и денот за следење.
Доколку некој од вас се пријавил, а не добил мејл со инструкции, ве молиме да ни се јавите на:
📞 078 416 164
📧 [email protected]

Ви благодариме за огромниот интерес и довербата!
Продолжуваме заедно да ја градиме иднината на талентираните деца од Македонија.

17/11/2025

Кога талентот ќе се спои со мајчинската љубов и решителност – тогаш се раѓа нешто многу поголемо од една приказна. Се раѓа мисија. Така започна „Бистри Умови“ – зд...

12/11/2025

Јас, мојот син Владимир Грчев и приказната за „Бистри умови“.

Во ова гостување на Алфа телевизија ја споделуваме нашата приказна – како од љубовта на мајка и талентот на едно дете се роди визија што веќе трета година ја менува иднината на илјадници деца во Македонија.

АлфаТвУтринска

22/10/2025

Продолжуваме и со БЕСПЛАТНИТЕ курсеви по Информатика (Почетен C++) кои ке започнат крајот на месец Ноември 2025. Овие курсеви се однесуваат за ученици кои имаат минимално или немаат предзнаење во програмирање во C++.
Сите кои сакаат да се пријават нека ја пополнат следната форма: https://forms.gle/hTx2FFh2vs8pyZ8h7
Краен рок за пријавување: 21.11.2025
Една недела пред започнувањето на бесплатните курсеви ќе ви бидат испратени инструкции за следење на истите.

22/10/2025

Бистри Умови и оваа година продолжува со БЕСПЛАТНИТЕ курсеви по Математика кои ке започнат крајот на месец Ноември 2025. Сите кои сакаат да се пријават нека ја пополнат следната форма: https://forms.gle/Ed22CgboCoWtMu9D7
Краен рок за пријавување: 21.11.2025
Една недела пред започнувањето на бесплатните курсеви ќе ви бидат испратени инструкции за следење на истите.

04/09/2025

Со гордост и неизмерна радост ја споделуваме веста што ни ги исполнува срцата!
Нашиот Владимир Грчев – момчето поради кое и беше создадено здружението „БИСТРИ УМОВИ“ освои Европски ЗЛАТЕН медал по Информатика!
Владимир својот сон го претвори во реалност – сон што го сонуваше уште од мал, а денес го живее со злато околу вратот.
Овој успех е доказ дека трудот, истрајноста и љубовта кон знаењето секогаш се исплатуваат. Тој е патоказ за сите деца кои сонуваат еден ден да застанат на големата сцена со медал околу вратот.
Ништо не е невозможно кога веруваш во себе и кога имаш поддршка!
Токму ова постигнување ни дава уште поголема сила и мотивација да продолжиме да им помагаме на сите деца од Македонија.
БИСТРИ УМОВИ постои за сите деца. Затоа и понатаму ќе бидеме нивна најсилна поддршка, а со бесплатните курсеви по трет пат ќе продолжиме во месец Ноември.
Ние веруваме дека секое дете има потенцијал за големина.
Нашата мисија е да им помогнеме да го откријат и да блеснат!