Lahmei Vak Ministry - LVM

12/05/2026

RISE AND GIVE THANKS FELLOWSHIP - REPORT

Pathian in hun hoih leh thoveng hon bawlsak a, Aman lem hon sakpih bang in hun manpha leh nuamtak kizang hi. Program hun zat dan hiai a nuai a bang ahi.

Amun: Pa Nengkhanlian Phaipi Inn, Bungmual, Lamka
Ani: May 2, 2026
Ahun: 2:00 PM (IST)
Hun-uk - Sang Phaipi
Field Report - Field Director, LVM
Fund-raised piak khiakna hun – Sang Phaipi
Hasawtna & Thumsakna : Pa Nengkhanlian Phaipi
Hun honna - If any
Annkuang Thumna - Evan LK Muan (IEM Missionary)

Pathian phatna la “Toupa hoih hi Toupa lian hi” chih nuamtak in kisa khawm zaizai a tua khit in hun kem in hun zat ding te Pathian kiah lat khiakna nei in hun pat na ki nei hi. Hun kem’ Sang Phaipi in innteek lam te mel lahna leh LVM hong pian khiak dan tomkim tak in pulakna hon nei a huai khit in Field Director, Ngaihlian in LVM nasepna paidan leh naupangte mel lahna hon nei zom hi.

Huai te zoh in, fund-raised a kibawl piak khiakna Sang Phaipi in Pathian gam nasem IEM Missionary Evan LK Muan kiang ah piak khiakna hon nei hi. Azom in, innteek lam a pat Pa Nengkhanlian Phaipi in LVM hong pian khiak dan asau zaw leh chiang zaw sem in hon nei a, tuni d**g a Pathian pi na ana tan dan te, amah mimal kia hilou a tate hinkhua a Pathian nasep thupi na ana d**g te hon suut in Pathian tung ah akipah dan kipahna khitui toh hon gen hi. Tuate pansan in haksat hun ah Pathian ah kinga top apoimoh dan, tanau-laina, innkiim-innkiang a lam-etna I neih sungteng khasiatna ding lel ahih dan te, Pathian ah I ki ngak ngam chia Pathian in koilam hiam ah lam-et phak louh tan ah huhtu ding leh panpihtu ding hon pezel ahih dan amah mimal in ana tuah khakte gen in naupangte hasotna lungmuan huai tak hon nei in Pathian kiang ah thumsakna hon nei hi. Naupang ten leng hiai dan lemetna Pathian ah hon neih ngei uh I lam-en ahi.

Hiai hun zoh in, gen ut neite ading a hun hon in om a, huai hun ah Evan LK Muan in leng huhna leh awlmohna atante Pathian tung leh LVM tung ah kipahthu hon gen a, Pathian gam nasepna a haksatna ana palte, a ta-te leh zi damlouhna tungtang a haksatna tuamtuam ana phut khak te sharing hon nei a, tuni tan d**g a Pathian in koilam koilam hiam a panpihtu-huhtu ding ana piak dan te hon gen hi.

Unaunu Lunching(B.Th 5th Sem) in leng sharing neilou theilou ka hi chi in hong ding a, Pawl XI ahih akipan Bible zil lunglut ana hihdan leh Pathian kiang a ana ngen tou charchar ahih dan hon gen hi. Pawl XII hon zoh in Bible zil a lunglut na bei theilou lah innsung haksatna sum-le-pai kitaksapna om ahihna ah anu kiang ah le gen ngamlou khop a a om lai in heutupa Gouson Phaipi tungtawn a pat LVM ana zak khak dan hon gen a, hiai opportunity hong om khak zenzen Pathian in a thumna a dawn na hi ngeingei ding ahi chi a akipahdan leh Pathian kiang a chitaktak a I nget leh I thumnate hon dawng ahih dante hon gen hi.

Sharing manpha taktak te ngaihkhiak ahih zoh in, hunkhakna leh annkuang latna Evan LK Muan in hon nei a huchiin hiai hun nuam leh manpha "Rise and Give Thanks Fellowship" zoh in om hi. Huchi'n itna annkuang/kipahna annkuang ne khawm siausiau in innlam chiat ah kikhen in om hi.

Pathian in LVM hon makaih touh jel a, apoimoh bang bang, sum-le-pai, tha-le-zung, chidam ludamna honpiak lam en-in kha thak ah Pathian muanna toh kalsuan nawn leuleu ni.

Toupa’n thupina tangta hen!

06/05/2026

Khrist Thohkikna In Thahatna Leh Thilhih Theihnate (Luke 24:36-49)
[The Power of the Risen Christ]

LVM is dedicated to bringing hope and healing to the poor and brokenhearted through a holistic approach. We provide support to those facing spiritual challen...

05/05/2026

LVM April Report 2026

April kha damtak a Pathian ompihna tang in LVM nasepna paizom thei a om touh ziak in I biak Pathian thupina I pe masa uhi.

April kha sung a scholarship ngah naupangte result hong suak siausiau uh a, lohchinna hon ngah vek ziak un I kipak peet mah uhi. Naupangte result hiai a nuai a bang ahi –

1. Thangmuankhup – Class VII – 66.25%
2. Zamlaljem – Class VIII – 70.87%
3. Suangousang – Class VIII – 67.12%
4. Chiinsannuam – Class X (CBSE Board) – 73%
5. T. Ngulmuanlal – Class XII (COHSEM) – 68.8%
6. Lalramjoya – Class IX – 50.40%
7. Lunnunching – Class XI – 54.4%
8. Sangnunpari – Class XI – 57.4%
9. Chinglunmoi – Class XI – (2nd Division)

Pathian in a maban uh api a amau leng tua sang a hahpan zaw sem leh sang zaw sem a lohchinna hon ngah chiat na ding ua hanthawnna leh thumsakna ki nei hi.

Pathian in session khat damtak leh lohching tak a hon pal gaipih ziak in I kipak peet mah a, Pathian kiang a kipahthu genna leh maban di kikep sakna neih ut huai kisa in, LVM Innpi ah "RISE AND GIVE THANKS FELLOWSHIP" neih kisawm hi. Hiai kipah thugenna leh kithuahkhawmna neih na hun ah LVM Scholarship Recipients teng leh IEM Missionary Evan LK Muan leh a innkuan te ki hel theih lunggulh huai kisa hi. Rise and Give Thanks Fellowship program hong pianna ziak deuh ahihleh –

• LVM Scholarship Recipients te final exam ah hong loh ching siausiau ban ah Mr. T. Ngulmuanlal, Cl-XII in 68.8%(1st Division) in hon zoukhia a, amah pen LVM scholarship in huam kha non lou ding ahih toh kiton in khakkhiat na leng hi ahi.
• ⁠IEM Missionary Evan LK Muan te haksatna LVM in lainatna toh fund-raise a kibawl leh Toupa’n I target zah hon ngah sak a, huai piak khiat na hun a leng zat dia hoih kisa.
• Field Director, LVM in kalsuan nasate leh sepsuah dia ngimna a kinei te report piakna hun.
• Ki meltheih tuahna hun hoih le hong hi ding.

Pathian in hun hoih leh thaw-veng hon bawlsak a amanpha nuam tak zat khop theih ding I thumna leh lam-etna hi.

Report by:
Jennie Ngaihlian Guite
Field Director, LVM.

24/04/2026

Inn Vehna Leh Thumsakna | March 2026

Pathian pi na toh kalsuan ngei na bang in March kha in LVM Scholarship Recipients naupangte exam kisaan mahmah laitak un, inn vehna leh thumsakna hun va kinei a April kha bul tan in avek un ki zousiang thei hi. Naupangte exam sung buaina om het lou a hon zoh siang theih vek man un Pathian kiang ah kipah thu I gen uhi.

Exam ana zou masate leng a k*m khat nasep gah uh a result uh muh theih pawl om ua, result lungtun huai tak toh hong lohchin ziak un kipahpih huai I sa ahi. Naupangte amau kigin na bang a sang mu ki sa zouloute leng vehna a kineih hun ah hih theih bang bang in ki hanthawn a thumna toh Pathian kiang ah ngetsak na va ki nei hi.

Innvehna a ki neihna ah nu-leh-pate'n a tate uh siamsinna ah a mohpuakna uh a letdan leh a poimoh dan va ki gen jel a, innsung khosak dan tuamchiat ahihna uah naupangte kia hilou in, a nu-leh-pate uh leng thumpih dia poimoh mahmah uh ahi chih muh suah theih in om hi. Fellowship neih bang leng naupangte tellou in nu-le-pate a di biik in akal lak in sawm thei jel in parenting styles tuamtuam khawng kikup khawm pihna neithei jel le chih bang le lunggulh huai sak in om mahmah hi.

Huai ban ah, Pathian ompihna tangtou jel I hi chih muh theih in om a Pathian thupina I pia uhi. Skul a semtu khat in LVM nasepna kipah huai asak dan leh poimoh asak dan hon k*m a, aman leng Pathian muanna toh neih bangbang a hong pantheih hun a hong pang ut ahihdan hon taklat ziak in Pathian tung ah kipahthu I gen a, tha hon guan mahmah hi. A bik tak in Lamka khopi sung ah - liangvai, genthei te kiang ah LVM in Jesu Khrist itna toh holistic ministry tungtawn a panpihna leh kithuah pihna ban zaak thei zom jel ding in I thumnate uah phawk zel ni chih leng I ki ngen uhi.

- Team LVM

14/04/2026

Pathian ompihna toh LVM min a kalsuan tou thei zel a I om ziak in Pathian kiah kipah thu I gen masa uhi.

February 2026 kha sung LVM Scholarship Recipients naupangte k*m tawp exam kisak kholh laitak ahihna uah laisim kisan mahmah chiat uh a ana hahpan thei mahmah uhi. Mihing in I hih theih leh huh theih omsun chi'n home visit neih hun ah Pathian kiah panpihna ngetsakna thumna va ki neihsak jel hi.

A subject teng lak uah haksa asak diak te uh etkhawmna nei ut om leh chi in ki kan a, bangzah hiam a om te lai hilhna leh etkhawm na va ki nei thei hi.

11/04/2026

Easter Sunday Sermon | Luke 24:5-6

LVM is dedicated to bringing hope and healing ...

05/04/2026

Happy Easter Greetings
In Jesus Christ's Resurrection let remind ourselves to live with Hope, Faith and Purpose...

01/04/2026

Palm Sunday Sermon | Matthew 21:1-11

LVM is dedicated to bringing hope and healing to the poor and brokenhearted thr...

24/03/2026

24/03/2026

LVM Scholarship Recipients Fellowship - January 30, 2026