Siamsinpawlpi

26/04/2026

*Pu T. Ginshong Vualzong Suunna*
-SSPP GHQ

25/04/2026

SIAMSIN KILAMHILHNA: EXPLORING OPPORTUNITIES Programme Lohching tak a zoh in om:

Lamka, April 25, 2026 sunma dak 10:00am in Multi-purpose Hall, Rayburn High School, Hebron Veng, New Lamka ah “Siamsin Kilamhilhna: Exploring Opportunities” chih programme lohching tak a neih in om hi.
Hiai hun ah Pu K Tualsangthang,Jt. Secretary, Social & Culture Department pang a,Pi S Ngaihvung Guite, Jt. Secretary, Info. & Publicity Department gelhluttu in pang hi.
Vaidawn thugenna Pu Nengzalian Tonsing, Vice President (Administration), SSPP GHQs in nei a, Pastor G. Pauzarual Area Pastor in nei a,
Pi Teresa Tangpua, Jr. MCS, Staff Officer to DC/CCP and SDC/Branch Officer, Office of the Deputy Commissioner, Churachandpur in “Future Readiness: Career Opportunities in a Changing World” pansan in kilamhilhna hun zatna nei hi.

Hiai teng zoh in Kipahthu genna leh Tawpna thumna Pu Tuanmuanson Vualnam, Secretary (External Affairs), SSPP GHQs in programme lohchingtak a zoh ahi.

Hiai programme ah Siamsin tuailai 200 lam tel in thumanpha taktak ngaihkhiakna om hi.

Official

24/04/2026

*SIAMSIN COACHING FOR BANKING & INSURANCE EXAMS HONNA NEIH IN OM*

Tuni April 24, 2026 nitak dak 6:30pm in SSPP Complex, Bungmual, Lamka ah Siamsin Coaching for Banking & Insurance Exams, honkhiakna nei in om hi. Hiai hun ah Pu Zam Joyson Tonsing, Joint Secretary, Education Department, SSPP GHQ hunkemtu in pang a, Pi Muanngaihlian, Joint Secretary, Social & Culture Department, SSPP GHQ gelhluttu in pang hi.
Hun patna thumna Upa Langbiaklian Phaipi, Secretary, SSPP Foundation Trust in nei a, huai zoh in Siamsin Laapi Sakna & Vision-Mission Statement Simkhawmna hun kemtu makaih in om hi. Tua zoh in, Coaching toh kisai Pulakna Pu Lunminthang Samte, Coordinator, Siamsin Coaching & Secretary (Internal Affairs) SSPP GHQ om a, Coaching Honna & Thumsakna : Rev. Pumsuanmung Naulak, Divisional Superintendent, EBC Lamka West Division in nei hi.
Thugen Tom Pu Thangzamang Ngaihte, General President SSPP GHQ in nei a, huai khit in Siamsinte a ding a Hasotna Thugenna Pu Vungzamuan Valte, IRS, Principal Chief Commisioner, Customs & Indirect Taxes, Govt. of India, tulel a Member, Advisory Board, SSPP JHQ Delhi-NCR apan om hi. General Secretary, SSPP GHQ Pu T. Mangminlia in kipah thugenna nei a, hunkhakna thumna: Pu Nengzalian Tonsing, Vice President (Administration), SSPP GHQ in nei in hun kizou hi.
Tulel a hiai Coaching ah Siamsin tamtak ki enrolled ua, zingchiang apat regular class nitak dak 6:30pm ah pan ding ua, kalteng a Monday-Saturday tan ah class om ding hi.

Official

24/04/2026

Careee Guidance Programme at Rayburn High School, New Lamka

24/04/2026

Siamsin Coaching: Banking & Insurance (Night Class)

20/04/2026

20/04/2026

15/04/2026

*PU LIANGOUSANG VUALNAM, AIR-868, CIVIL SERVICES EXAMINATION 2025 KIPAHPIHNA PROGRAMME ZAT IN OM*

Siamsinpawlpi General Headquarters malakna in tuni nisim 15-04-2026 (Nilaini) nitak dak 6:30 in Multi-Purpose Hall, Rayburn High School, Hebron Veng, New Lamka ah Pu Liangousang Vualnam, UPSC Civil Services Exam 2025 a "AIR 868" a hon ngahna Kipahpihna Programme zat in om hi.

Programme guan a om bangbang in heutu tuamtuam PTC GHQ, YPA GHQ, PCS, PLS te leng kimtak in tel ua, hiai programme a tanmun neite'n amau hun tan chiat thoveng leh manpha theipen in zang ua, hanthawnna leh kipahpihna ban ah i namsung a siamsin naupang mite tuasang a nakpitak a hahpan zawsem ding in hanthawnna thu gen uhi.

Official

31/03/2026

*SIAMSIN COACHING DING TOH KISAI A KIZAKSAKNA*

_*SIAMSIN COACHING: BANKING & INSURANCE EXAMS 2026*_

19/03/2026

Siamsin Kilamhilhna Laibu leitheih ding in Copy Lamka hong tungta. A deih te’n SSPP Complex, Siloam Veng, Bungmual ah va lei theih ding.

06/03/2026

*Kipahpih Thupuan*

Unaupa Liangousang Vualnam, “AIR 868” UPSC CSE 2025

- Siamsinpawlpi General Headquarters

06/03/2026

*THU KIPAHHUAI*
(Rayburn College in ITEP Course pattheihna di’a permit neita)

Pu Rev. Dr. Khen P Tombing, Principal, Rayburn College & SSPP Emeritus apan thuzak dan in, Degree Course academic session thak apan pat ding in Integrated Teacher Education Programme (ITEP) pattheihna ding NCTE in phalna peta hi. Hiai omdan tak ahihleh, Graduate zoh chiang a Teacher a pang nuamte’n B.Ed zil thak ngailou a, Class 12 zoh chiang a BABEd dan a pai ding a, K*m 4 sung BA. a sin kawm ua B.Ed leng zil ding ua, hiai course pen a zoh chiang un High School level a Teacher hih theihna ding a tulai a B.Ed course i chih toh kibang a zattheih ding ahi.
Tu academic session ah pattheih ding in Unit-1(Seat 50) piak hi a, tulel a Class 12 exam lelte’n a result suah khit chiang ua hiai course lunglutte’n apply thei ding uhi.
Tulel in Lamka ah B.Ed (Normal Course) sintheihna Bethany Christian College of Teacher Education ah omlel a, tua Rayburn College in ITEP a hon neihtheih Siamsinte kuapeuh a ding a hamphat huai mahmah ding ahihmanin Siamsinpawlpi General Headquarters inleng kipahpihthu kipuang ngal ahi.

Source: SSPP GHQs

Official