22/05/2026
Ar fud na Gaeltachta, tá beagnach 1,000 duine fostaithe ag Údarás na Gaeltachta ar Scéimeanna Fostaíochta Sóisialta, agus tá 28 saoiste ag feidhmiú thar ceann na scéimeanna éagsúla.
Bhailigh saoistí ó scéimeanna fostaíochta sóisialta an Iarthair le chéile in Ard-Oifig Údarás na Gaeltachta inné chun plé a dhéanamh ar obair iontach atá déanta le bliain anuas agus féachaint chun tosaigh ar féidearthachtaí don todhchaí.
‘Tá obair na scéimeanna fite fuaite i saol pobal na Gaeltachta - ag obair ar na páirceanna peile, sna siopaí carthanachta, reiligí, riarachán oifige agus cúram sóisialta ar nós cúram don aosach agus béilí ar rothaí,’ a dúirt Kevin Ó hEadhra, Feidhmeannach Scéimeanna Fostaíochta Réigiúin Chonnacht/Laighean in Údarás na Gaeltachta.
Tuilleadh eolais: https://udaras.ie/2026/05/21/1000-duine-fostaithe-ag-udaras-na-gaeltachta-chun-tacu-le-tograi-pobal-ar-fud-fad-na-gaeltachta/
