戒煙大贏家

29/07/2026

【第17屆「戒煙大贏家」無煙社區計劃 - 8月1日至16日招募活動】

要決心同意志力對戒煙好重要，你又有無諗過其實做運動都可以幫到戒煙！有研究顯示，做唔同嘅運動，例如瑜伽或跑步，都可以有效減少吸煙量。當你專注做緊運動嗰陣，你對尼古丁的欲望就會減少。正因爲咁，有做運動嘅人戒煙的成功率比無做運動嘅高出21%！所以正在或打算戒煙嘅朋友，當煙癮來襲嗰陣，不妨試吓跑個步、拉吓筋，做運動🔥減輕吸煙意欲。

除咗做運動之外，參加「戒煙大贏家」比賽都可以幫你戒煙。我哋會有專人提供簡短戒煙輔導服務，只要您喺第3同6個月嘅跟進核實成功戒煙，就可以即時獲得$500現金禮券㗎啦，仲有機會贏到最高價值$28,000嘅澳洲、新加坡或泰國旅遊套票✈️，或者$5,000元超級市場現金購物禮券添！

第17屆「戒煙大贏家」會喺6月至10月期間喺全港18區進行招募，想戒煙嘅朋友，記得密切留意我哋嘅Facebook同 https://quittowin.hk/ ，千祈唔好錯過呀！

#戒煙大贏家 #香港吸煙與健康委員會 #戒煙

26/07/2026

因受惡劣天氣影響，原定於今日（2026年7月26日）在上水連接上水港鐵站B2出口往上水中心之行人天橋舉行的招募活動將會取消。不便之處，敬請原諒。如欲了解更多招募活動詳情，請瀏覽：

為在社區建立正面的氛圍以鼓勵戒煙，委員會於2012年開始加強與地區的合作，推出「戒煙大贏家」無煙社區計劃，多年來得到18區區議會的支持及地區服務團體參與成為合作夥伴。委員會與多個界別的團體和機構合作，在社會不...

16/07/2026

【第17屆「戒煙大贏家」無煙社區計劃 - 7月14日至26日招募活動】

在健康的賽場上，從來都無「太遲」。一支煙會減少你20分鐘嘅壽命。但係只要你願意踏出第一步，身體功能嘅回復速度係遠比想像中更快！只要你肯停12個鐘，體內嘅一氧化碳就已經會跌返到正常水平；戒煙1-9個月，氣管問題就會明顯改善。雖然我哋唔係C朗同美斯，未必可以長期維持神級狀態。不過只要你依家開始戒煙🔥，一樣可以重拾健康活力！戒煙呢場波，我哋陪你一齊踢贏佢！

參加「戒煙大贏家」比賽，有專人提供簡短戒煙輔導服務，只要您喺第3同6個月嘅跟進核實成功戒煙，就可以即時獲得$500現金禮券㗎啦，仲有機會贏到最高價值$28,000嘅澳洲、新加坡或泰國旅遊套票✈️，或者$5,000元超級市場現金購物禮券添！

第17屆「戒煙大贏家」會喺6月至10月期間喺全港18區進行招募，想戒煙嘅朋友，記得密切留意我哋嘅Facebook同 https://quittowin.hk/ ，千祈唔好錯過呀！

#戒煙大贏家 #香港吸煙與健康委員會 #戒煙

30/06/2026

【第17屆「戒煙大贏家」無煙社區計劃 - 7月2日至12日招募活動】

寵物係人類最好嘅朋友，甚至已經係家庭嘅一份子。大家都想毛孩可以健健康康，一定俾最好嘅糧食同照顧佢哋。但係有冇諗過只要戒煙，唔再逼毛孩吸二三手煙，已經避免好多寵物健康風險？最近有研究發現，有接觸二手煙嘅貓貓較容易患口腔癌、氧化失衡，增加體內促炎細胞因子，仲可能較易患上腎病及二型糖尿病。至於狗狗，接觸二手煙，較容易患淋巴癌、膀胱癌及氧化失衡。

立即行動戒煙，唔單止可以保護毛孩，自己都可以回歸無煙嘅健康生活。參加「戒煙大贏家」比賽，有專人提供簡短戒煙輔導服務，只要您喺第3同6個月嘅跟進核實成功戒煙，就可以即時獲得$500現金禮券㗎啦，仲有機會贏到最高價值$28,000嘅澳洲、新加坡或泰國旅遊套票✈️，或者$5,000元超級市場現金購物禮券添！

第17屆「戒煙大贏家」會喺6月至10月期間喺全港18區進行招募，想戒煙嘅朋友，記得密切留意我哋嘅Facebook同 https://quittowin.hk/ ，千祈唔好錯過呀！

#戒煙大贏家 #香港吸煙與健康委員會 #戒煙

10/06/2026

【無煙生活由此出發　贏返健康自主人生】

萬衆期待嘅世界杯就快開波⚽️喇！🔥通頂睇波緊張個陣千祈唔好諗住食煙提神助興，因為煙害會侵害您同家人嘅健康，唔同嘅身體器官都好易成為傷兵！盛事當前，除咗支持你心水嘅球隊，亦都要同時為支持自己嘅健康，決心踢走煙癮！而家就踏出第一步參加依場「無煙大賽」🏆！

第17屆「戒煙大贏家」招募活動會喺6月20日展開，首先分別會喺葵涌廣場地下 (20/6) 同海富商場地下 (21/6) 舉行。立即參加「戒煙大贏家」，會有專人提供簡短戒煙輔導服務，喺第3同6個月嘅跟進核實成功戒煙，就可以即時獲得$500現金禮券㗎啦。仲有機會贏到最高價值$28,000嘅澳洲、新加坡或泰國旅遊套票 ，或者$5,000元超級市場現金購物禮券添！

第17屆「戒煙大贏家」會喺6月至10月期間喺全港18區進行招募，想戒煙嘅朋友，記得密切留意我哋嘅Facebook同 https://quittowin.hk/ ，千祈唔好錯過呀！

#戒煙大贏家 #香港吸煙與健康委員會 #戒煙

31/03/2026

【新手爸爸為兒子戒煙　送出最暖無煙生日禮物】

黃崇希先生17歲開始吸煙，即使被身邊人投訴、甚至嚴重到「爆肺」入院，都始終都擺脫唔到煙癮。就算佢返到屋企即刻沖涼、分開清洗衣服，家人都避唔開二三手煙，經常為此同太太吵架。直至上年，黃生即將成為全職新手爸爸。喺商場咁啱見到「戒煙大贏家」招募攤位。為咗俾兒子一個健康嘅成長環境，佢下定決心報名參加，並決定將無煙健康嘅自己作為送比兒子嘅第一份生日禮物！

為咗建立無煙家庭，亦想起父親離世前想為孫兒戒煙嘅心願，黃生不斷提醒自己：絕對不能前功盡棄！黃生以不同方法去緩解口癮，仲以運動轉移注意力，最後憑住堅定意志成功戒煙，開啟咗無煙家庭新生活！成功戒煙之後，黃生深深感受到家人先係生命中最重要嘅人！過去因一支煙而爭吵實在無謂又自私。最重要係照顧小朋友時毋須再擔心二三手煙，食飯期間都唔使成日落街吸煙，可以專心陪伴家人，享受更多快樂健康嘅天倫時光。呢一份嘅堅持，亦令佢成為第16屆「戒煙大贏家」比賽冠軍，贏取價值港幣28,000元嘅旅遊套票。

黃生用行動說話，戒煙唔單止係為自己，更係為摯愛開啟一個無煙嘅未來！想保護家人，免除吸煙帶嚟嘅健康風險，就要即刻行動！第17屆「戒煙大贏家」比賽會喺今年6月開始招募，重拾清新無煙人生，甚至贏取豐富獎品，就唔好再等啦！記住留意 www.quittowin.hk 報名啦！

#戒煙大贏家 #香港吸煙與健康委員會 #戒煙 #無煙社區 #戒煙熱線1833183 #支持香港實現無煙願景

31/03/2026

【新婚驚現肺部警號　「生死攸關」為愛妻戒煙重拾幸福人生】

翟耀輝由16歲開始吸煙食咗30幾年。上年，佢喺工作期間中暑，做身體檢查發現肺部有一個直徑2.5cm嘅陰影(後發現是肺結節)。翟生非常擔心，因為醫生警告，其家族有癌症相關病史；另外，新婚不久，佢唔希望因為自身健康而令太太擔驚受怕，更加唔希望違背婚姻諾言留低太太自己一個。為咗自身健康，與太太長長久久幸福生活，佢決心徹底戒煙。

對翟生而言，今次戒煙可謂係生死攸關。佢一旦決定咗要戒煙，就立即丟棄全部嘅煙同打火機，決不留後路！最後佢憑強大嘅意志力，加上愛同責任，成功戒煙。戒煙改善咗翟生嘅精神，佢嘅呼吸更順暢，瞓教嗰陣嘅鼻鼾聲亦都減輕，改善咗兩夫妻嘅睡眠質素。更加值得高興嘅係，覆診發現肺部陰影近乎完全消失，翟生終於可以鬆一口氣，唔使再提心吊膽。翟生堅韌嘅決心做咗一個戒煙好榜樣，亦令佢成為第16屆「戒煙大贏家」比賽亞軍，贏取價值港幣15,000元嘅旅遊套票。

成功戒煙唔單止可以挽救自己健康，更係對另一半負責任嘅最好證明。為自己健康，為家人幸福，即刻行動啦！第17屆「戒煙大贏家」比賽會喺今年6月開始招募，重拾清新無煙人生，甚至贏取豐富獎品，就唔好再等啦！記住留意 www.quittowin.hk 報名啦！

#戒煙大贏家 #香港吸煙與健康委員會 #戒煙 #無煙社區 #戒煙熱線1833183 #支持香港實現無煙願景

31/03/2026

【女兒叮囑打動慈父親克服舊有吸煙文化　善用AI成功戒煙】

盧永盛自細就開始吸煙，在工作後煙癮越嚟越深。盧生一直都想打造無煙成長環境比女兒，可惜工作嘅氛圍令佢難以拒絕工友的吸煙邀請。直至上年，盧生身體檢查時發現膽固醇超標，醫生向佢解說吸煙風險，女兒亦希望佢戒煙，可以「更健康可以陪佢耐啲」。女兒一番說話令佢反思，而且建造業日漸重視無煙的安全環境，吸煙文化已漸被淘汰，吸煙不再方便或認可，加上煙價昂貴，終下定決心戒煙。

戒煙期間，盧生每次煙癮起，幸好有計劃嘅AI聊天機械人適時傳訊息鼓勵佢，提醒佢戒煙嘅初心。盧生仲主動向AI詢問點樣拒絕同事嘅吸煙邀請，又學識用深呼吸、多飲水等方法抵抗煙癮。憑住對女兒嘅愛同決心，成功擺脫咗30幾年嘅煙癮！戒煙成功之後，盧先生外觀同體味都有改善，唔再渾身煙味。更加開心嘅係，因為戒煙慳返好多時間同金錢，而家佢有更多機會同家人一齊出外食飯，點餐都可以豐富啲！盧生為女兒兌現咗「陪耐啲」嘅承諾，令佢成為第16屆「戒煙大贏家」比賽季軍，贏取價值港幣10,000元嘅旅遊套票。

盧生嘅成功反映咗食煙傷害身體之餘，舊有吸煙文化已過時，無煙清新環境先至係社會追求嘅主流。唔想咁「老土」，仲以吸煙應酬做藉口？請即行動！第17屆「戒煙大贏家」比賽會喺今年6月開始招募，重拾清新無煙人生，甚至贏取豐富獎品，就唔好再等啦！記住留意 www.quittowin.hk 報名啦！

#戒煙大贏家 #香港吸煙與健康委員會 #戒煙 #無煙社區 #戒煙熱線1833183 #支持香港實現無煙願景

19/03/2026

【第16屆「戒煙大贏家」無煙社區計劃 大抽獎結果公佈】

第16屆「戒煙大贏家」比賽已經完滿結束，喺第三個月跟進期有近170名大抽獎組別嘅參加者成功戒煙並通過戒煙核實測試，早前(3月11日)委員會主席湯修齊BBS, MH太平紳士為我哋進行大抽獎，抽出8位成功戒煙嘅幸運兒，各獲得價值港幣$5,000超市禮劵。

得獎名單（得獎人之姓名及身份證號碼字母及首3個數字）如下：

梁子浚(M454) 莊俊鴻(K497) 李振東(Y080) 蔡雅麗(P047)
莊漢庭(A916) 曾長煥(H041) 劉麗容(E591) 馬健偲(Z677)

推廣生意的競賽牌照號碼： 59901-3 (只適用於抽獎)

恭喜晒以上8位參加者，以及所有成功戒煙嘅朋友，每一個堅持嘅瞬間都讓你哋邁向更健康嘅生活。大家要繼續堅持無煙生活，唔單止賺返健康，仲可以慳到錢同改善形象，一齊做「戒煙大贏家」喇！

#戒煙大贏家 #香港吸煙與健康委員會 #戒煙 #無煙社區 #無煙大家庭 #戒煙熱線1833183

12/03/2026

【第16屆「戒煙大贏家」無煙社區計劃頒獎禮】

第16屆「戒煙大贏家」無煙社區計劃即將完滿結束，委員會今日舉辦頒獎禮表揚成功戒煙人士，並向各個支持計劃夥伴致謝。去年6-10月期間，委員會與各界攜手喺全港舉辦逾150場招募活動及地區宣傳活動，成功鼓勵超過1,300名吸煙人士踏出戒煙的第一步，並向超過十萬名市民宣揚無煙信息。今年計劃更與香港大學團隊合作，首度研發人工智能聊天機械人，為參與者提供24小時的即時戒煙建議。

頒獎禮得到百多位嘉賓踴躍出席，包括政府部門、區議會、支持機構代表、今年成功戒煙人士及歷屆「戒煙大贏家」得獎者，一齊慶祝成功戒煙嘅成果同喜悅。今屆「戒煙大贏家」得主分享咗佢哋嘅戒煙故事同心得，分別都為咗自己嘅健康同所愛嘅人決心改變，就算過程中面對心癮嘅挑戰都可以堅持，全賴佢哋強大嘅意志、運用輔助工具等去逐步克服誘惑。成功戒煙，身體健康、家庭關係同生活質素都顯著改善。只要有決心，自然做到心中無煙，手中就無煙，無煙生活嘅好處您絕對可以擁有！

第17屆「戒煙大贏家」無煙社區計劃好快就會喺今年6月正式展開，到時會喺全港進行招募同宣傳活動，詳情密切留意 www.quittowin.hk 啦!

#戒煙大贏家 #香港吸煙與健康委員會 #戒煙 #無煙社區 #無煙大家庭 #戒煙熱線1833183