¿Cuál es el horario de apertura?

Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Fundacion Erguete-Integracion

Inicio
España
Vigo, Galicia
Fundacion Erguete-Integracion

Cómo llegar Página web Contactar con la organización

Traballamos pola inclusión social e laboral de persoas en risco ou situación de exclusión, proporcionando apoio, orientación, formación e acompañamento.

OS NOSOS VALORES

• COMPROMISO COAS PERSOAS: actuamos con respecto á dignidade e diversidade das persoas, ofrecendo igualdade de oportunidades, defensa de dereitos e capacidade de elixir.
• RIGOR PROFESIONAL: somos unha entidade, honesta, transparente na xestión, disposta a mellorar e aberta a innovar.
• TRABALLO EN EQUIPO E ESPÍRITO DE COLABORACIÓN: contamos con equipos multidisciplinares, que colaboran estreitamente para dar unha cobertura integral á persoa beneficiaria.
• INDEPENDENCIA: actuamos con liberdade no desenvolvemento da nosa misión, sexa cal for a conxuntura política, social e económica.
• COHERENCIA E ÉTICA: procuramos ser unha entidade respectuosa e coherente coa nosa misión, os nosos valores e a nosa cultura, coa nosa articulación orgánica, coas persoas da organización e cos nosos grupos de interese.
• ADAPTABILIDADE: estamos nun proceso aberto e constante de análise da realidade de todos os grupos de interese implicados no proxecto para procurar a adaptación dos programas e actividades en función da necesidade existente na contorna.

03/11/2026

🦇 Este Samaín decidimos poñerlle rostro e cazar os auténticos monstros que nos habitan.🕸️

No marco do taller no que estamos a traballar con homes privados de liberdade no centro penal de Pereiro de Aguiar (Ourense), centrado na prevención das violencias machistas, puxemos sobre a mesa os mitos e os monstros da masculinidade hexemónica.

Fronte a cada monstro, ofrecemos tamén algúns antídotos: corresponsabilidade, xestión emocional, respecto aos límites, empatía, apoio mutuo... e, sobre todo, construír relacións baseadas no respecto e na igualdade.

Cal destes mitos cres que nos afecta máis socialmente? Déixanolo saber nos comentarios. 👇

02/11/2026

🎃 Novembro xa está aquí e no Ciberemprego seguimos acompañándote paso a paso no teu camiño cara á inserción laboral.

Se estás buscando emprego en portais online, queres mellorar o teu currículo ou precisas orientación para manexarte en plataformas dixitais, podes achegarte pola nosa aula. Contarás con ordenadores, conexión a internet e apoio profesional para avanzar na túa procura. 💻

Consulta o calendario e ven cando mellor che conveña. Agardámoste!

30/10/2026

Pode unha muller gobernar todo un imperio nunha época na que o poder estaba reservado aos homes? 👑🐉 Iso foi exactamente o que fixo Wu Zetian ao proclamarse emperador da China no ano 690, titulo que mantivo durante máis de década e media.

Por séculos, a súa traxectoria contouse a través do filtro dunha historiografía machista que reduciu o seu mandato á lenda negra. O historiador Mike Dash propón outra perspectiva: “Pode ser útil considerar que, en efecto, existiron dúas emperatrices: unha que mantivo un reinado de terror sobre o círculo máis íntimo do goberno e outra que gobernou con maior benevolencia sobre 50 millóns de cidadáns chineses”.

Como separar o mito da realidade? Contámosche máis nunha nova entrega de Mulleres con Historia. https://fundacionerguete.org/wu_zetian_es

29/10/2026

Estes días estivemos en Barcelona celebrando os dez anos de Incorpora Autoemprego, un programa impulsado pola Fundación “la Caixa” que desenvolvemos en Galicia a través do noso Punto de Autoemprego, o único deste tipo en todo o territorio galego.

🚀 Desde este servizo especializado acompañamos persoas que queren poñer en marcha o seu propio negocio, axudándoas a transformar unha idea nun proxecto viable e ofrecéndolles asesoramento personalizado en cada fase: desde a elaboración do plan de empresa e a busca de financiamento ata os trámites de constitución e a consolidación da actividade.

Parabéns tamén por estes 10 anos ás entidades que forman parte de Incorpora Galicia. O traballo en rede permítenos sumar recursos e ofrecer un acompañamento máis completo ás persoas que deciden emprender.🤝

ℹ️ Se queres saber máis sobre o programa, visita a sección de Autoemprego na nosa web. https://www.fundacionerguete.org/autoempleo_autonomo_emprendedor.html

28/10/2026

O descoñecemento pode xerar medos e alimentar prexuízos, dificultando a atención ás persoas en situación de rúa. 👉 Contar con ferramentas para comprender a súa realidade e saber como actuar é fundamental para ofrecer un acompañamento adecuado.

Con este obxectivo, entre a semana pasada e hoxe impartimos ao persoal de EIL Cormo Integral formacións sobre atención a persoas en situación de rúa e prevención do VIH e da hepatite C (VHC), achegándolles coñecementos prácticos para actuar ante diferentes situacións e favorecer un acompañamento libre de prexuízos.

Que traballamos nestas sesións?

➡️Claves para entender as realidades das persoas sen fogar sen paternalismos, achegarnos a elas e valorar as súas necesidades reais.
➡️Información clara sobre ITS, desmontando mitos e apostando por unha mirada 100% libre de estigmas.
➡️Pautas para acompañar a persoas que conviven con trastornos aditivos ou problemas de saúde mental, realidades que moitas veces están presentes neste contexto.

27/10/2026

🧠 A depresión, a ansiedade, a falta de autoestima, a presión social ou as dificultades para xestionar conflitos son realidades cada vez máis presentes no noso día a día. Se a estas dificultades sumamos unha situación de exclusión social severa ou drogodependencia, as barreiras multiplícanse e crean un ciclo do que é moi difícil saír sen os apoios axeitados.

Por iso, aprender a xestionar situacións complexas, reforzar a confianza persoal e construír relacións sas son algúns dos obxectivos que nos propuxemos este ano en Verbas, un proxecto que realizamos coa colaboración do Concello de Vigo e a través do que este mes de outubro desenvolvemos o taller “Falando saudablemente” para achegar recursos que contribúan ao benestar das persoas destinatarias do programa.

26/10/2026

0️⃣ prexuízos, 0️⃣ esixencias e 0️⃣ barreiras. Así entendemos o acompañamento ás persoas en situación de extrema vulnerabilidade.

Espazo 0 pecha a súa cuarta edición cos mellores resultados ata o momento: 200 persoas atendidas en Vigo e A Coruña e unha nova liña de intervención específica para mozos e mozas de entre 18 e 30 anos en situación de exclusión social severa e sen fogar.

Con este programa, que desenvolvemos coa colaboración de Fundación ”la Caixa”, traballamos para facilitar o acceso a formación, emprego, vivenda, saúde... respectando os tempos e as necesidades de cada persoa a través dun acompañamento integral e flexible, baseado no traballo en rede e orientado a favorecer a súa autonomía.

🔗 Coñece os resultados desta edición e a iniciativa Impulso Xove na nosa web👇
https://fundacionerguete.org/espacio_0_refuerza_la_atencion_a_jovenes_en_exclusion_social_severa_es

23/10/2026

🟣 Diferentes espazos e experiencias cunha meta común: poñer o benestar no centro.

Sesións de autocoidado, unha visita guiada polo Castro, un paseo por Castrelos, teatro na Sala Ártika Cultura E Arte e un obradoiro de encadernación. 👉 Así vivimos esta edición de Olimpia, o noso espazo de encontro e participación activa para mulleres en situación de vulnerabilidade.

🫂 Un lugar para dedicarse tempo, compartir experiencias e sentirse acompañadas, co obxectivo de fortalecer a autoestima e coidar o benestar físico e emocional.

Grazas a todas as participantes por construír este espazo de confianza, respecto e apoio mutuo. 💜

22/10/2026

Queres aprender a manexarte mellor na internet, coñecer recursos de formación e procura de emprego en liña ou saber cales son os pasos iniciais para poñer en marcha o teu propio negocio❓

En novembro iniciamos unha nova formación gratuíta de Achégate á rede, dirixida a mellorar a autonomía dixital e a empregabilidade de mulleres en situación de vulnerabilidade.

📲 Se estás interesada en participar, contáctanos por privado, chama ao 986 253 176 ou escríbenos a [email protected].

21/10/2026

🙌 Volvemos participar, con persoas privadas de liberdade no CIS Carmela Arias y Díaz de Rábago, no proxecto Identidades. As artes para a inclusión social, do .belas.artes.coruna

Nesta ocasión, achegarémonos ao mundo da artesanía con arxila🏺 da man de , experimentando co torno e o barro para crear as nosas propias figuras.

Dirección

Avenida Martínez Garrido, 21 Interior _ Vigo
Vigo
36205

Horario de apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

http://www.fundacionerguete.org/

Notificaciones

Sea el primero en enterarse: le enviaremos un correo electrónico cuando Fundacion Erguete-Integracion publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.