Fundacion Erguete-Integracion

05/06/2026

🌊 Volvemos coas camisetas Redes-eñadas, esta vez á cidade da Coruña! 👕

Mañá sábado, a partir das 11:00 h, agardámosvos no Festival Mar de Mares , un espazo onde a arte, a ciencia e o activismo se unen para lembrarnos a importancia de protexer o mar.

Achegarémonos co proxecto Tecendo Redes, no que transformamos e reutilizamos redes de pesca desbotadas, dándolles unha nova vida en obradoiros dirixidos a impulsar a inclusión social e laboral de persoas en situación de vulnerabilidade ou privadas de liberdade.

Ademais, poderedes desfrutar de exposicións, encontros, música en directo, obradoiros, limpeza de praias e, por suposto, boa comida. 👇

📍 Mercado Mar de Mares (Explanada do Parrote, A Coruña)
🗓️ Sábado 6 de xuño
⏰ A partir das 11:00 h

04/06/2026

💌 “Querida Fundación Érguete: el aula verde quiere daros las gracias por darnos la oportunidad de compartir estas actividades de escalada y marcha nórdica.”

Que mellor forma de pechar unha actividade que estas palabras da Aula Verde do CEEPR Nuestra Señora de Lourdes de Aspronaga Asociación? O agradecemento, de corazón, é noso 💚

🥾 Onte celebramos a última sesión de Marcha Nórdica da tempada, un camiño compartido entre persoas internas no CIS da Coruña e o alumnado da Aula Verde, no que contamos coa colaboración de Agrupación de Montañeros Independientes.

Ao longo destes meses, intercalando a escalada no inverno e a marcha nórdica na primavera, demostramos que o deporte e a natureza son excelentes ferramentas para romper barreiras e estereotipos, establecer espazos de convivencia e apoio mutuo e descubrir posibilidades de lecer saudables e próximas.

04/06/2026

Segundo o XVI Informe El Estado de la Pobreza de EAPN - España

➡️Máis de 1 de cada 4 persoas está en risco de pobreza e/ou exclusión social.
➡️A pobreza severa afecta a 3,9 millóns de persoas.
➡️1 de cada 3 nenos, nenas e adolescentes vive en risco de pobreza ou exclusión social.
➡️Ter emprego xa non garante saír da pobreza: 3 de cada 10 persoas en situación de pobreza traballan.
➡️O acceso á vivenda converteuse nun dos principais factores de vulnerabilidade.
➡️As mulleres seguen afrontando un maior risco de pobreza e exclusión.
➡️A pobreza enerxética consolídase como un problema estrutural.

A pesar do crecemento económico, a pobreza continúa sendo un problema estrutural. Erradicala require vontade política, financiamento suficiente e medidas sostidas que garantan ingresos dignos, acceso á vivenda, emprego de calidade e unha protección social eficaz.

03/06/2026

🟣 O 22 de xuño iniciamos unha nova formación de Achégate á Rede, un programa co que buscamos reducir a fenda dixital e favorecer o apoderamento dixital das mulleres.

Neste curso aprenderemos dende cero e paso a paso:
📱 O manexo práctico de redes sociais (Instagram, Facebook, LinkedIn...).
📸 Como aproveitar ao máximo a cámara do móbil para sacar as mellores fotografías.
📄 Deseño en Canva para mellorar a túa empregabilidade (crea o teu currículo, tarxetas de presentación, etc.).

Coñecerás ferramentas e trucos prácticos que poderás aplicar no teu día a día, na procura de emprego ou para dar visibilidade ao teu pequeno negocio.

⚠️ Prazas limitadas! Preinscríbete xa ou pide máis información no 📞 986 253 176 e en 📧 [email protected]

02/06/2026

Hai un tempo, Bea iniciou connosco un itinerario de formación e acompañamento cara ao emprego. Hoxe continúa avanzando no seu camiño profesional traballando na nosa Empresa de Inserción Laboral EIL Cormo Integral e participando no proxecto Suma e Sigue.

🤝 Historias como a súa lembran a importancia de crear oportunidades reais, acompañar os procesos e traballar para que cada persoa poida desenvolver o seu proxecto de vida e laboral.

💚 Parabéns por todo o camiño percorrido e moito éxito en novas etapas, Bea!

Bea comparte su experiencia en el proyecto Suma e Sigue, una inicia...

01/06/2026

📅 Xa podes consultar o horario de xuño no noso servizo de !

💻 Un espazo pensado para impulsar a túa busca de emprego e formación, no que tes acceso gratuíto a ordenadores, internet e outros recursos que poden axudarche na túa inserción laboral.

Se tes dúbidas ou necesitas orientación, o noso equipo está aquí para acompañarte. 🤝

29/05/2026

⚡️Sabes que teñen en común as lámpadas fluorescentes, a radio, o control remoto ou a corrente alterna? 🤔 Efectivamente! Todas estas revolucións pasan, dalgún xeito, por Nikola Tesla. 🔋

Esta semana tivemos a oportunidade de coñecer de preto o legado do científico serbio na exposición “Nikola Tesla, o xenio da electricidade moderna” no CaixaForum da Coruña. Unha visita guiada e interactiva na que participaron 15 persoas internas no Centro de Inserción Social Carmela Arias y Díaz de Rábago.

🔎 A actividade non só nos achegou a unha das grandes figuras da ciencia e a tecnoloxía, senón que tamén nos permitiu experimentar coas nosas propias mans como funcionan algúns dos seus inventos e descubrimentos e comprobar que o mellor xeito de aproximarse á ciencia é facelo de maneira práctica. 🙌

28/05/2026

📌 Hoxe participamos, xunto a profesionais e entidades cunha longa traxectoria no campo das adiccións, nun espazo de debate e aprendizaxe fundamental para o noso traballo: as xornadas organizada pola Red de Investigación en Atención Primaria de Adicciones, un encontro de gran relevancia para profesionais, entidades, pacientes e familiares, que se celebra por primeira vez en Galicia.

💬 Tivemos o pracer de intervir no primeiro faladoiro, enfocado en visibilizar o que supón vivir cun trastorno adictivo, compartindo mesa e reflexións coa xefa de psiquiatría de e coas compañeiras de 🤝. Alí puidemos poñer sobre a mesa o noso modelo, un acompañamento personalizado, centrado nos dereitos das persoas e enfocado na redución de danos.

Sen dúbida, unha gran oportunidade para conectar a investigación científica, a experiencia a pé de rúa do terceiro sector e os testemuños das persoas con adiccións e as súas familias.

Moitas grazas á por convidarnos. 💚 Seguimos tecendo redes e aprendendo xuntas para ofrecer o mellor apoio posible.

28/05/2026

🎥 O traballo en rede transforma realidades.
Por iso levamos adiante proxectos como 'Entre Patios' e 'Tecendo Redes', nos que as persoas privadas de liberdade non só adquiren habilidades técnicas para mellorar as súas posibilidades de atopar un emprego, senón que tamén entran en contacto con outras realidades, fomentando a empatía e a colaboración entre grupos diversos.

🔄 Ademais, realizan servizos comunitarios, reforzan valores, adquiren hábitos laborais e responsabilidade, e senten o orgullo de aportar de xeito positivo á sociedade. 👉Estas iniciativas permítenos dar unha segunda oportunidade ás persoas participantes, pero tamén aos materiais, a través da reutilización e a economía circular.

🤝 Un camiño que non sería posible sen o esforzo compartido e a colaboración do Centro Penitenciario de Teixeiro, Rosa de Redeiras Illa Da Estrela de Corme e o Colexio de Educación Especial Nuestra Señora de Lourdes de Aspronaga Asociación.

¿Y si una segunda oportunidad cambiara vidas y entornos? ✨🔄En el ...

27/05/2026

O pasado domingo participamos no II Feirón en Rede Carballo Solidario, organizado polo Concello de Carballo. 🎈📯

🌊 Alí tivemos a oportunidade de compartir o noso traballo co proxecto Tecendo Redes, unha aposta pola inclusión sociolaboral de persoas privadas de liberdade a través da economía circular e a reutilización de redes de pesca.

👕🐟 Ademais de amosar as nosas camisetas Redes-eñadas, as persoas que se achegaron puideron comprobar de primeira man o valor de darlles unha nova vida aos materiais.

💚 Gazas, coma sempre, a Rosa, de Redeiras Illa Da Estrela de Corme pola súa colaboración, ao Concello de Carballo por convidarnos e a tódalas persoas que vos achegastes a apoiar ás entidades sociais!