31/08/2026
| En AFAGA cremos nunha sociedade máis solidaria, inclusiva e comprometida coas persoas máis vulnerables 🧠 💚
Por iso, traballamos cada día para crear espazos máis amigables e respectuosos coas persoas con demencia: contornas seguras e accesibles, pero tamén pensados para preservar a súa identidade, estimular a súa memoria e autonomía e favorecer a súa participación activa na comunidade.
Porque acompañar a unha persoa con demencia é tamén darlle ferramentas para seguir construíndo unha vida activa, digna e con sentido.
E neste camiño, os nosos voluntarios e voluntarias son imprescindibles. Con xenerosidade, entrega, compromiso e constancia, suman o seu tempo e o seu apoio ao noso labor, sempre cun sorriso e sen esperar nada a cambio máis que algo tan valioso como o benestar das persoas que participan nos nosos programas e actividades de prevención e atención da deterioración cognitiva.
A súa solidariedade transforma. O seu tempo acompaña. O seu compromiso deixa pegada 🫶
E recentemente, ademais, recibimos con enorme orgullo un recoñecemento que nos emociona especialmente: a distinción á entidade voluntaria outorgada pola Consellería de Cultura, Lingua e Xuventude nos Premios Galicia de Acción Voluntaria.
Un premio que sentimos como un recoñecemento a todas as persoas que, día tras día, fan posible que AFAGA siga avanzando cara a unha sociedade máis humana, inclusiva e solidaria.
