Euseino? Editores

13/06/2026

27/05/2026

https://euseino.org/2026/05/27/letra-g-de-garcia-jerry/

“Letra “G”: de Garcia, Jerry”
Os mortos agradecidos, ou a música como realidade.

No caso de Jerry Garcia, músico fundador do grupo The Grateful Dead, o seu apelido non funciona só como unha etiqueta nominal senón que ten unhas coordenadas xeográficas precisas: a vila de Sada. Aínda que a familia consideraba A Coruña o seu fogar desde mediados do século XIX, a historia oral preservada polos seus biógrafos sitúa o berce dos Garcia na localidade das Mariñas. En 1919, a familia asentouse definitivamente nos Estados Unidos.

A escolla do nome dun grupo musical transcende a estratexia de mercadotecnia para converterse, ás veces, nun manifesto filosófico constitutivo. No caso dos Grateful Dead, o nome funciona como un limiar entre o físico e o metafísico, unha provocación ontolóxica que desafía as concepcións modernas sobre a finitude. [...] O concepto do “Morto Agradecido” non é unha invención psicodélica; esta pantasma agradecida é tanto un motivo coma un conxunto de contos populares presentes en moitas culturas.

[...] Alén da literalidade, a fábula do “espectro agradecido” suxire que a verdadeira existencia comeza onde remata a tiranía da individuación e onde se disolven as fronteiras da propiedade privativa, do propio e exclusivo do suxeito. A través desta metáfora da débeda e a gratitude podemos achegarnos á interpretación filosófica da superación da individuación que forma parte do pensamento de Nietzsche e a unha concepción da arte non asentada no suxeito como a súa orixe e razón.

Fotos: Jerry Garcia, por Carl Lender; autobús Deadhead, por Alice. Ambas cortesía de Wikimedia Commons.

22/05/2026

https://euseino.org/anotacions-sobre-literatura-e-filosofia/

“Anotacións sobre literatura e filosofía”
Publicación sen periodicidade fixa, en acceso aberto e formato PDF. Leva unha cabeceira que recolle parte do subtítulo da Web euseino.org: Anotacións sobre literatura e filosofía. Dedicada ao pensamento e ao ensaio, publica artigos de autores e autoras galegos, traducións e entrevistas con pensadores contemporáneos. A súa finalidade é incitar ao pensamento e á escritura sobre filosofía e literatura.

Agora tamén en edición impresa. Non venal.

ISSN 2340-8537

11/05/2026

https://euseino.org/ivan-garcia-campos/

Iván García Campos obtivo o Premio Manuel Murguía polo seu relato “A comedia intelectual”. O autor da novela “O viaxeiro perfecto” é editor e coordinador das seccións Decálogo da Novela – Decálogo da Crítica Literaria do Laboratorio de Produción Literaria da Fundación Euseino?, ademais de escritor sobranceiro desque en 2010 obtivo o Premio Blanco Amor con “O imposible de desatar”.

Parabéns a Iván e a Brais Lamela e Lucía Aldao, finalistas.

09/05/2026

https://euseino.org/2026/05/09/a-palabra-expandida-iluminar-e-ilustrar//

“A palabra expandida: iluminar e ilustrar”
A ilustración como acto de lectura colaborativa

A imaxe como estratexia de democratización literaria
A integración de imaxes nunha estrutura narrativa non se debe de entender como un simple ornamento accesorio senón como unha ferramenta estratéxica fundamental que transforma o acto solitario de ler nunha experiencia compartida e colaborativa. Lonxe de ser un elemento superficial, a imaxe actúa como un axente de democratización que favorece a elaboración da arte literaria como un ben non apropiable, garantindo que o coñecemento sexa compartido de xeito significativo e pase a formar parte da dun herdo cuxa compartición aumenta o seu valor. Para que ese proceso dote á persoa lectora dunha verdadeira autonomía, é imprescindible un deseño artístico intencionado que transcenda o decorativo. Este enfoque permite que a ilustración funcione como unha estratexia estética que obriga a transitar dunha mirada espontánea cara a unha mirada inquisitiva e reflexiva, convertendo o libro nun lugar de diálogo activo onde o senso se elabora de xeito compartido.

06/05/2026

https://euseino.org/anotacions-sobre-literatura-e-filosofia/

“Anotacións sobre literatura e filosofía”

Publicación sen periodicidade fixa, en acceso aberto e formato PDF. Agora tamén impresa en papel e tamén gratuíta.

Leva unha cabeceira que recolle o subtítulo da Web euseino.org: Anotacións sobre literatura e filosofía. Dedicada ao pensamento e ao ensaio, publica artigos de autores e autoras galegos, traducións e entrevistas con pensadores contemporáneos. A súa finalidade é incitar ao pensamento e á escritura sobre filosofía e literatura.

01/05/2026

http://euseino.org/rua-do-sol/ensaio-sobre-o-poema/

O vindeiro o martes 5 de maio ás 19:20h na NUMAX (Santiago de Compostela), no ciclo “Papel e prata” convidaranse catro persoas escritoras a que programen e presenten na sala de cinema filmes cuxas imaxes cinematográficas se filtraron nos seus imaxinarios literarios ao escribir narrativa, poesía ou ensaio. O primeiro autor convidado vai ser Antón Blanco Casás que escolleu como película referencial “O sétimo continente”, unha das primeiras creacións do cineasta austríaco Michael Haneke. O escritor de Vilagarcía define así a importancia deste título na súa propia obra: “Nesta película a familia Schober, que é a protagonista, sérveme como metáfora e fío conductor no “Ensaio sobre o poema e o mar da morte” (Euseino?). A súa dinámica de autodestrución e a súa forma de sortear este espazo hostil do mundo sérveme como forma para explicar cal é o lugar do poema e cal é a súa dirección.”