¿Cuál es el horario de apertura?

Lunes 10:00 - 14:00 Martes 10:00 - 14:00 Miércoles 10:00 - 14:00 Jueves 10:00 - 14:00 Viernes 10:00 - 14:00

Euseino? Editores

Inicio
España
Vigo, Galicia
Euseino? Editores

Llamar Cómo llegar Página web

A liña de publicacións da Fundación Euseino?, unha organización non lucrativa independente.

Unha organización non lucrativa independente que promove a filosofía e a literatura en idioma galego.

02/11/2026

18/10/2026

“A posición nihilista: o nihilismo literario”
https://euseino.org/2017/05/08/a-posicion-nihilista-o-nihilismo-literario/

Para analizar o que aquí denominamos a posición nihilista, cómpre lembrar a crítica do paradigma kantiano realizada antes —como reacción— polo romantismo e logo, de xeito absolutamente progresista, por algúns dos pensadores máis importantes a partir de Nietzsche. Cómpre, polo tanto, non esquecer ese papel retrógrado do romantismo e o seu intento de mistificación de ideas modernas coma a de nación, pois a exacerbación da subxectividade que o romantismo puxo en circulación, coa actualización das ideas relixiosas e a súa vinculación co culto do individualismo, tamén se acabou por vencellar á transformación retrógrada da nación nunha esencia individualizada como identidade senlleira.

En resumo, a literatura e a arte romántica elaboraron unha representación da correlación suxeito-mundo na que a constatación da finitude, á que se chegou logo da Ilustración, quixo ser neutralizada mediante a produción de esencialidades transcendentes, identidades salvíficas tras das que se agochaba un nihilismo contra o que, por exemplo, se ergueu Nietzsche; velaí o “caso Wagner” e a alerxia que ao autor do “Zaratustra” lle producía o nacionalismo alemán.

A imaxe reproduce un cadro de William Nicholson.

23/09/2026

https://euseino.org/2026/09/22/a-soberania-da-sombra-azul-por-beatriz-fraga/

A historia deste azul desde a época de esplendor da acuarela británica ata a súa influencia en mulleres artistas coma Lady Waterford, quen utilizou este ton para esquivar a dominación patriarcal no campo artístico do seu tempo. O artigo trasládase despois aos Estados Unidos, onde Frances Bond Palmer industrializou o seu uso en litografías que definiron o imaxinario norteamericano. Ao cabo, a historia remata coa pintora Georgia O’Keeffe, quen consagrou o uso deste pigmento na arte contemporánea.

Ligazón ao artigo na bio.

10/09/2026

Curso de verán
Teoría e práctica da edición no Laboratorio de Produción Literaria

Durante os meses de xuño, xullo e agosto, a Fundación Euseino? levou a cabo o Curso de Edición que no verán desenvolve o Programa de Edición dedicado a Persoas Voluntarias. Realizado no ámbito de actividades do Laboratorio de Produción Literaria (LaPLit), o obxectivo deste curso é desenvolver e complementar o Programa no que as Persoas Voluntarias se forman ao longo do ano, centrado na edición literaria e na edición de mesa sen deixar de atender tamén o seu aspecto social. O curso que acaba de rematar ocupouse de composición tipográfica de poemarios, revisión lingüística e estilística de ensaio filosófico, lectura e preparación de orixinais de narrativa.

Participaron dúas persoas voluntarias, Uxía Felpeto Cabaleiro e Laura Molinos Rodríguez, xunto cos editores e escritores Carlos Lema e Beatriz Fraga, que exerceron a titoría profesional do curso. O primeiro, coñecido polo seu labor como editor de Begoña Caamaño, Xosé Neira Vilas, Domingo Villar e Chus Pato, actualmente é a persoa activa con máis delongada experiencia na edición galega; mentres que Beatriz Fraga, mestra e especialista en ilustración de contos de fadas, dirixe e edita a colección Onocrótalo de álbums ilustrados.

Edición e produción de “A man e outros poemas senlleiros”

O obxectivo do curso centrouse na edición, composición tipográfica e produción da publicación non venal titulada “A man e outros poemas senlleiros”. Realizáronse tamén labores de preparación do orixinal dun libro ilustrado, edición e revisión de probas dun ensaio xa posto en páxina previamente, lectura e comentario de orixinais, ademais de conversas teóricas útiles para o oficio da edición literaria.

Durante o curso, as persoas voluntarias encargáronse de distintos aspectos do traballo de produción editorial. Repartíronse as diversas funcións da edición de mesa: revisión da tradución, composición tipográfica e corrección de probas, para de seguido responsabilizarse tamén da impresión do miolo e da cuberta rematando coa preparación dos pregos de papel, o manexo da guillotina, pregado e encadernación con grampado.

Ler o artigo na ligazón da bio.

03/09/2026

A produtora Zero gravou na Fundación Euseino? unha entrevista con Anxos Sumai para o programa “Léocho” da TVG. A escritora falou da súa tradución dos diarios de Syra Alonso (Alvarellos Editora), dos seus cadernos de traballo conservados no Fondo Anxos Sumai do Arquivo Euseino? e lembrou o seu libro “A nena de xeo”, publicado este ano na colección Onocrótalo de álbums e ilustrado por Minia Regos.

25/08/2026

“Por que non conceder entrevistas.
Unha reflexión a partir do ensaio de Fredric Jameson”

https://euseino.org/2026/08/25/por-que-non-conceder-entrevistas/

En 2007, publicábase Jameson on Jameson: Conversations on Cultural Marxism (Duke University Press), libro de entrevistas co pensador Fredric Jameson (1934-2024). O libro leva unha introdución do propio Jameson titulada “On Not Giving Interviews” (Por que non conceder entrevistas); realmente, trátase dun auténtico ensaio sobre o papel das entrevistas nos medios de comunicación e, en concreto, sobre o efecto que exercen respecto da transmisión e recepción do pensamento.

Neste artigo, como segunda entrega neste verán das “notas infrecuentes sobre a materia da representación”, imos tentar sintetizar as ideas que Jameson expón nese ensaio introdutorio, animando a quen le este artigo a que non deixe de achegarse ao original inglés, cheo de matices, ideas e referencias, escrito cunha capacidade de análise e argumentación abraiante que, como acontece nas entrevistas, tamén se perde nesta síntese que nós damos con carácter puramente esexético.

“Neses momentos de excelencia, a entrevista transfórmase nun “traballo a dúas voces”, nunha colaboración dinámica que pode ofrecer unha riqueza particular de matices e praceres intelectuais. Entre eles, destacan:

-O contrapunto de curiosidade e confesión que se establece entre as partes.
-O entusiasmo que xorde dun acordo ocasional, un punto de encontro no pensamento.
-A toma perentoria de posicións, tanto por parte do entrevistado coma do entrevistador.
-As modulacións cheas de tacto e a plasmación de pensamentos secundarios, que refinan e profundizan o diálogo.
-A satisfacción das formulacións precisas e, en xeral, unha variación viva no ritmo do intercambio.”

Ler o artigo completo na ligazón dada máis arriba e na biografía.

16/08/2026

No seu número de agosto, a revista “Kirkus” adianta as novidades que recomenda para o outono. Entre elas está a edición norteamericana de “Ninguén queda”, na tradución que Jacob Rogers fixo da obra de Brais Lamela. Publicada nos EUA por Dorothy Project. En Euseino? acabamos de sacar a 14ª edición. Parabéns ao autor, ao tradutor e aos colegas de Dorothy Project. Grazas á redacción de “Kirkus” pola recensión que inclúen na revista e que nós reproducimos aquí.

Dirección

Rúa De México 37, Baixo A Esda
Vigo
36204

Horario de apertura

Lunes	10:00 - 14:00
Martes	10:00 - 14:00
Miércoles	10:00 - 14:00
Jueves	10:00 - 14:00
Viernes	10:00 - 14:00

Teléfono

+34986066839

Página web

https://euseino.org/

Notificaciones

Sea el primero en enterarse: le enviaremos un correo electrónico cuando Euseino? Editores publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.