CIG Administración Pública

10/06/2026

A CIG - Administración Pública presentou ao Grupo Parlamentar do BNG - Bloque Nacionalista Galego no Parlamento de Galiza, representado por Iago Tabarés e Xosé Manuel Puga, a proposta para a xestión coordinada dos servizos de emerxencias no país, a través da creación dunha Axencia Galega de Emerxencias Integradas dependente da Xunta de Galiza.

Máis alá da urxente e necesaria coordinación de servizos, esta proposta procura tamén unificar e mellorar as condicións laborais das traballadoras e traballadores destes servizos e rematar coas desigualdades que sofren actualmente.

09/06/2026

Esta mañá presentamos aos deputados do BNG Iago Tabarés e Xosé Manuel Puga a proposta da Confederación Intersindical Galega - CIG para a creación dunha Axencia Galega de Emerxencias Integradas, que permita unificar e coordinar a xestión das emerxencias no país baixo a administración única da Xunta, coa colaboración de deputacións e concellos.

Esta proposta procura ademais mellorar as condicións laborais do persoal que traballa nestes servizos e que na actualidade contan con condicións totalmente dispares segundo a administración da que dependan.

28/05/2026

Continúa o rexeitamento ao decretazo da Xunta para modificar o procedemento de chamamentos para a contratación temporal na administración. A nova norma non fai máis que recortar dereitos das traballadoras, aumentar a súa desprotección e precariedade, a falta de transparencia e de posibilidades de conciliación.

27/05/2026

27/05/2026

Promoción Interna! Non Promoción ETERNA! O persoal da Xunta de Galiza que se presentou á Promoción Interna en 2023 segue, 3 anos despois, agardando polo seu destino definitivo. E así o fixeron saber ás portas de San Caetano.

26/05/2026

Por todo o país esténdese o rexeitamento ao novo decretazo da Xunta de Galiza para a xestión das listas de contratación temporal na administración, que recorta en dereitos, transparencia e posibilidades de conciliación. A Confederación Intersindical Galega - CIG saíu á rúa para berrar ben alto: Rueda, cretino, ponte ti de interino!

25/05/2026

21/05/2026

Presentamos a proposta da Confederación Intersindical Galega - CIG para a xestión de emerxencias no país a través dun ente único, a Axencia Galega de Emerxencias Integradas, que deberá ser dependente da Xunta de Galiza e cun financiamento blindado por Lei, dándolle o tratamento de servizo esencial que debera ter.

Esta iniciativa, que será trasladada á Xunta nos vindeiros días, pretende rematar coa improvisación e a desigualdade nas condicións de traballo das/dos profesionais de emerxencias, que merecen unhas condicións xustas, incluíndo o recoñecemento da segunda actividade e da xubilación anticipada.

21/05/2026

As emerxencias deben atallarse a través dun dispositivo coordinado, polo ben dos/das traballadores/as e polo ben da propia veciñanza. É por iso que hoxe presentamos a proposta que a Confederación Intersindical Galega - CIG trasladará á Xunta para crear un ente único de xestión de emerxencias no país, a Axencia Galega de Emerxencias Integradas, dependente do goberno autonómico.

A través deste modelo pretendemos instaurar servizos coordinados e rematar coa improvisación na xestión do persoal de emerxencias, que debe contar con condicións de traballo seguras e dignas. Debemos rematar coas desigualdades entre o persoal de emerxencias e asegurar a posibilidade de equipamento axeitado, formación, carreira profesional, xubilación anticipada...

Toda a información na nosa web www.cigadmon.gal