Sociedade Galega de Historia Natural

05/06/2026

𝗡𝗢𝗩𝗔 𝗖𝗢𝗡𝗙𝗘𝗥𝗘𝗡𝗖𝗜𝗔 𝗗𝗘𝗡𝗧𝗥𝗢 𝗗𝗢 𝗣𝗥𝗢𝗚𝗥𝗔𝗠𝗔 "𝙓𝙐𝙉𝙏𝘼𝙉𝙕𝘼𝙎 𝙉𝘼𝙏𝙐𝙍𝘼𝙇𝙄𝙎𝙏𝘼𝙎"!

A cargo de GUILLERMO DÍAZ AGRAS

Título: "A ría de Ferrol en transformación: crise ambiental, presión humana e futuro dos recursos marisqueiros"
Data: 12 de xuño 2026
Hora: 19:30
Lugar: Auditorio do Museo de Historia Natural de Ferrol
Organiza: Delegación de Ferrol da Sociedade Galega de Historia Natural
Patrocina: Deputación da Coruña.

A ría de Ferrol atravesa dende hai décadas un proceso de deterioro ambiental derivado de múltiples factores que actúan de forma simultánea sobre un ecosistema especialmente sensible. Entre as problemáticas máis visibles, destaca o acusado declive das poboacións e capturas de bivalvos de interese comercial, fundamentais para a economía e sociedade da comarca. A redución de bancos marisqueiros de ameixa, berberecho e outros moluscos responde a unha combinación de causas tanto ambientais como de orixe antrópica.

O cambio climático está a alterar parámetros esenciais como a temperatura da auga, a salinidade e os afloramentos, afectando directamente á reprodución e supervivencia de numerosas especies, así como favorecendo a introdución de especies invasoras. A todo isto, súmase unha intensa presión humana sobre a ría nos últimos 150 anos que segue a ter repercusión na actualidade: urbanización do litoral, actividade portuaria e industrial, dragaxes e construción de infraestruturas artificiais que modifican a circulación hidrodinámica e degradan hábitats intermareais e submareais de gran valor ecolóxico.
Outro dos grandes desafíos continúa a ser o impacto histórico e actual das verteduras urbanas e industriais nas rías galegas, responsables de episodios de contaminación química e orgánica que reducen a calidade ambiental das rías e limitan a produtividade biolóxica. Paralelamente, a sobreexplotación de determinados recursos pesqueiros e marisqueiros contribuíu a debilitar a capacidade de recuperación natural do ecosistema.

Guillermo Díaz Agras é licenciado en Farmacia e Doutor en Bioloxía pola Universidade de Santiago de Compostela, comezou a investigar na Estación de Bioloxía Mariña da Graña no ano 2003 e dende o ano 2010 é o xefe da Estación. Investiga en taxonomía, relacións filoxenéticas e ecoloxía de moluscos opistobranquios así como o impacto de estruturas artificiais de orixe antrópica e contaminación mariña sobre as poboacións costeiras de invertebrados mariños. Participou en numerosos proxectos de investigación sobre fauna abisal e contaminación mariña e en varias campañas oceanográficas ao longo do atlántico para estudar a biodiversidade abisal.

30/05/2026

28/05/2026

Hai 22 anos, acollíamos no antigo edificio do Hospicio de Santa Teresa (s. XIX), nas inmediacións da Praza de Amboage, algo máis de 4.000 persoas curiosas por ver e descubrir o patrimonio natural galego!

22/05/2026

Ficamos hoxe aquí para esixir da Xunta a suspensión do concurso de pesca de salmón que vai ter lugar mañán 10 de maio en catro coutos do río Ulla. Este evento podería supoñer a captura e morte de exemplares reprodutores de salmón atlántico, o que resulta incompatíbel coa crítica situación da especie que en Galiza está no limiar da extinción. Nas actuais circunstancias, cada salmón é un tesouro xenético que non podemos permitirnos o luxo de perder.

Pontevea, 9 de maio de 2026. Ficamos hoxe aquí para esixir da Xunta a suspensión do concurso de pesca de salmón que vai ter lugar mañán 10 de maio en catro coutos do río Ulla. Este evento podería supoñer a captura e morte de exemplares reprodutores de salmón atlántico, o… Ler máis

19/05/2026

As plataformas Plataforma por unha Ulloa Viva, Mina Touro - O Pino NON e Plataforma en Defensa da Ría de Arousa - Pedra, en colaboración cos demais colectivos implicados na loita -entre eles Sociedade Galega de Historia Natural-, impulsan unha campaña de recollida de sinaturas para re-matar a celulosa de Altri e a mina de Touro-O Pino.

Esta campaña consiste na presentación dunha carta dirixida directamente ao presidente da Xunta de Galiza, Alfonso Rueda, para que, no exercicio das súas competencias, convoque un Consello da Xunta e proceda a denegar definitivamente, e posteriormente arquivar, o proxecto de Altri en Palas de Rei e o de Cobre San Rafael para a reapertura da Mina de Touro-O Pino.

Asina a carta e preséntaa por rexistro físico ou electrónico!

As plataformas “Ulloa Viva”, “Mina Touro-O Pino Non” e “En defensa da ría de Arousa”, en colaboración cos demais colectivos implicados na loita -entre eles SGHN-, impulsan unha campaña de recollida de sinaturas para re-matar a celulosa de Altri e a mina de Touro-O Pino. Esta campaña ...

12/05/2026

𝗖𝗢𝗡𝗙𝗘𝗥𝗘𝗡𝗖𝗜𝗔 𝗘𝗡 𝗙𝗘𝗥𝗥𝗢𝗟: "O bosque en miniatura: o fascinante mundo das briófitas"

Nova conferencia do ciclo de Xuntanzas Naturalistas organizada pola Delegación de Ferrol da SGHN co patrocinio da Deputación da Coruña.

As briófitas son o grupo máis antigo de plantas terrestres que existen na actualidade.

O seu pequeno tamaño fai que a miúdo pasen desapercibidas, pero desempeñan funcións ecolóxicas fundamentais, como a retención de auga, a fixación do carbono e o nitróxeno atmosféricos e a formación do solo.

Nesta charla, impartida pola investigadora a Dra. Teresa Boquete Seoane, faremos unha breve inmersión no fascinante mundo das briófitas, explorando aspectos clave da súa bioloxía e ecoloxía, e tamén examinando algúns dos seus usos e aplicacións. O obxectivo é destacar a súa beleza e importancia ecolóxica.

Data: 15 de maio 2026, ás 19:30 h.
Lugar: Auditorio do Museo de Historia Natural de Ferrol
Organiza: Sociedade Galega de Historia Natural
Patrocina: Deputación da Coruña.

Máis información sobre esta conferencia e a autora, na web da SGHN: https://sghn.org/o-bosque-en-miniatura-o-fascinante-mundo-das-briofitas/

08/05/2026

Parabéns no seu 100 aniversario! 🎂🎂🎂
Un século de vida de David Attenborough!
Tal día como hoxe do ano 1926 veu ao mundo en Londres un dos maiores divulgadores naturalistas máis coñecidos da pantalla.
Cantas veces gozamos das súas reportaxes?
Como non lembralo falándonos, deitado a carón dunha tartaruga de coiro nunha praia, dun gorila na selva ou dun escaravello arrolando unha boñiga na sabana?

Foto: Broni Lloyd-Edwards/PA Wire

29/04/2026

Conferencia dentro do ciclo Xuntanzas Naturalistas da delegación de Ferrol: "Indicadores eto-fisiolóxicos como centinelas da conservación en espazos naturais".

Venres 8 de maio ás 19:30, no auditorio do Museo de Historia Natural en Ferrol.

O combinación da etoloxía (estudo científico do comportamento e conduta animal) e da fisioloxía da conservación (disciplina que aplica coñecementos sobre as variacións hormonais), é esencial para unha xestión eficiente dos espazos protexidos: ao relacionar comportamentos e respostas endocrinas (por exemplo as variacións hormonais por estrés), podemos avaliar a maneira na que as alteracións ambientais afectan ás poboacións silvestres. Estas técnicas non invasivas detectan as alteracións poboacionais, permitindo aplicar medidas preventivas para protexer os ecosistemas.

Ana Piñeiro Moyá é doutora pola Universidade Autónoma de Madrid. Estudou na Universidade de Santiago de Compostela e fixo o seu traballo de campo da súa tese no Parque Natural Montes do Invernadeiro (prov. Ourense). A súa tese, titulada "Eco-etología y respuestas de estrés fisiológico en el gato montés (𝘍𝘦𝘭𝘪𝘴 𝘴𝘪𝘭𝘷𝘦𝘴𝘵𝘳𝘪𝘴): implicaciones para su conservación" e os proxectos nos que participou por toda España, foron claves no estudo do comportamento dos mamíferos mediante métodos non invasivos.

Título: Indicadores eto-fisiolóxicos como centinelas da conservación en espazos naturais.
Data: Venres, 8 de maio, ás 19:30 h.
Lugar: Auditorio do Museo de Historia Natural de Ferrol.
Organiza: Sociedade Galega de Historia Natural (SGHN-Ferrol).
Patrocina: Deputación da Coruña.

Máis info na nosa web: https://sghn.org/indicadores-eto-fisioloxicos-como-centinelas-da-conservacion-en-espazos-naturais/

24/04/2026

🐟🐟🐟Precisamos MÁIS SINATURAS para facer MÁIS PRESIÓN!
O salmón galego precisa de nós!
adega.gal/alerta-salmon

!⚠️⚠️

21/04/2026

Para non esquecer esta esperadísima conferencia sobre o Lobo en Galicia e Ourense, ahí van os datos:

"Os Lobos en Galicia, A vida nas montañas de Ourense"
Poñentes: Jesús Criado e Martín Carral
Día: Venres 24/04/2026 ás 18:30
Centro Marcos Valcárcel - Ourense