24/05/2026
no Parador” con D. Ramón Gómez Besteiro
Secretario Xeral do PSdeG-PSOE
O vindeiro luns 25 de maio, ás 10:30 horas terá lugar no Parador de Turismo de Ferrol unha nova edición de #“Conversas no Parador” coa participación de D. José Ramón Gómez Besteiro, Secretario Xeral do PSdeG-PSOE e voceiro do Grupo Socialista no Parlamento de Galicia.
Dada a situación política e socioeconómica da actualidade, na que se barallan varias posibilidades de instalación de empresas industriais que podería xerar empregos de alta cualificación, coidamos que a presenza de Gómez Besteiro nos encontro informativo das Conversas no Parador de Ferrol, poder ser de gran interese
Avogado de profesión, José Ramón Gómez Besteiro desenvolveu toda a súa carreira política no Partido Socialista, ao que se afiliou tras finalizar os seus estudos universitarios. Con 31 anos, mentres exercía como avogado nun despacho propio, incorporouse ao primeiro goberno do PSdeG-PSOE na historia democrática da cidade de Lugo. Entre 1999 e 2007 foi portavoz do equipo de goberno no Concello de Lugo, concelleiro de Urbanismo e deputado provincial.
Tras as eleccións municipais de 2007, converteuse no primeiro socialista en presidir a Deputación de Lugo, o número 102 na historia da institución. Baixo a súa presidencia iniciouse unha etapa de transformación, modernización e apertura da Deputación á cidadanía.
Foi secretario provincial do PSdeG en Lugo entre 2012 e 2013. Ese ano foi elixido secretario xeral do PSdeG nas primarias consultivas celebradas pola militancia socialista galega. Ocupou o cargo ata marzo de 2016, cando foi apartado da vida política durante sete anos por unha inxustiza xudicial. Aquel proceso rematou co arquivo das causas entre 2021 e 2022, sen chegar a xuízo, e coa inhabilitación e sanción por parte do Consello Xeral do Poder Xudicial á xuíza que impulsara aquelas investigacións.
Besteiro retomou a actividade política o 30 de marzo de 2023, cando foi nomeado delegado do Goberno en Galicia. Permaneceu no cargo ata xuño dese mesmo ano, momento no que renunciou para encabezar a candidatura do PSOE ao Congreso dos Deputados pola provincia de Lugo nas eleccións xerais do 23 de xullo.
O 17 de agosto de 2023 tomou posesión como deputado no Congreso. Foi o primeiro deputado que puido realizar unha intervención en galego na Cámara Baixa e foi elixido presidente da Comisión de Transportes e Mobilidade Sostible. O 18 de outubro de 2023 foi proclamado candidato do PSdeG á Presidencia da Xunta de Galicia.
Na XII Lexislatura do Parlamento de Galicia exerce como voceiro do Grupo Parlamentario dos Socialistas de Galicia.
Por limitacións de aforo a entrada realizarase por invitación confirmada
