Castelo Deporte

02/10/2026

🏃‍♀️ O 18 de outubro, o Paseo Marítimo de O Burgo volverá encherse de deporte e solidariedade coa V Carreira e Andaina Solidaria polo Párkinson.

Organizada pola Asociación Párkinson Galicia-Coruña, xunto ao Concello de Culleredo e coa colaboración de Castelo Deporte e Castelo Conta, a xornada combinará unha carreira de 10 quilómetros cunha andaina de 4, nunha edición especialmente significativa para a asociación, que celebra os seus 30 anos en movemento.

Porque detrás desta mañá de deporte está o traballo dunha entidade que leva tres décadas acompañando ás persoas con párkinson, parkinsonismos e ás súas familias.

O domingo 18, O Burgo móvese por unha causa que merece que sigamos sumando 🌿

Castelo Deporte e Castelo Conta súmanse á V Carreira e Andaina Solidaria polo Párkinson, que o domingo 18 de outubro levará deporte, participación e solidariedade ao Paseo Marítimo de O Burgo.

23/08/2026

As voluntarias e voluntarios de Castelo Deporte participarán un ano máis nas tarefas organizativas do Castelo Conta, sumándose á veciñanza e ao resto de persoas e entidades implicadas na celebración 🙌🏽

Máis de cincuenta voluntarias e voluntarios de Castelo Deporte participarán na organización do Castelo Conta.

21/08/2026

🏃‍♀️ Castelo Deporte volve correr pola solidariedade!

Un ano máis, Castelo Deporte participará na organización da V Carreira e Andaina Solidaria polo Párkinson, que se celebrará o 18 de outubro no Paseo Marítimo de O Burgo, en Culleredo.

A iniciativa, organizada xunto coa Asociación Párkinson Galicia-Coruña e o Concello de Culleredo, reunirá deporte, solidariedade e participación arredor das persoas con párkinson, parkinsonismos e as súas familias.

Este ano, ademais, a carreira ten un significado especial: a Asociación Párkinson Galicia-Coruña celebra o seu 30 aniversario baixo o lema '30 anos en movemento'.

A colaboración entre as entidades continúa e medra, e este ano tamén se estende ao Castelo Conta, onde Párkinson Galicia-Coruña estará presente nos Contos de Castelo do xoves 27 de agosto.

Castelo Deporte súmase á V Carreira e Andaina Solidaria polo Párkinson, organizada con Párkinson Galicia-Coruña e o Concello de Culleredo.

29/07/2026

🌿 A contorna do Monte Xalo volverá encherse de cultura entre o 24 e o 30 de agosto coa undécima edición do Castelo Conta.

Música, humor, gastronomía, memoria, actividades familiares e propostas en plena natureza conforman un festival único, posible grazas ao traballo da veciñanza e ao apoio do tecido asociativo de Castelo 🫱🏼‍🫲🏽

10/07/2026

10/05/2026

❎🏭 As asociacións Castelo Conta e Castelo Deporte, e a Comunidade de Montes Veciñais de Castelo, amosamos toda a nosa solidariedade coas veciñas e veciños da Laracha e o total rexeitamento á instalación en Soandres dunha macroplanta de produción de fertilizante orgánico para a produción de biogás.

As asociacións Castelo Conta e Castelo Deporte, e a Comunidade de Montes Veciñais de Castelo, amosamos toda a nosa solidariedade coas veciñas e veciños da Laracha e o total rexeitamento á instalación en Soandres dunha macroplanta de produción de fertilizante orgánico para a produción de bio...

06/05/2026

Os camiños do Xalo, agora no teu móbil 🌿

📲 Xa está dispoñible a nova aplicación ‘Monte Xalo’, unha ferramenta para iOS e Android que permite descubrir o monte desde dentro: rutas, puntos de interese, patrimonio e servizos turísticos nun só espazo dixital.

Xa está dispoñible ‘Monte Xalo’, a nova app que reúne rutas, patrimonio e servizos deste espazo natural de Galicia.

27/04/2026

⛰️ Así se viviu a XV Travesía do Xalo

Hai días que quedan na memoria, e este foi un deles.

O monte, a xente, o esforzo, as conversas, as risas e a festa. Castelo volveu demostrar que a Travesía é moito máis ca unha proba deportiva.

Son 15 anos de historia, pero sobre todo, son as persoas que a fan posible en cada edición: quen corre, quen camiña, quen anima, quen coida o percorrido e quen fai que todo encaixe. Grazas a todas elas, por manter viva esta forma de entender o monte e a comunidade 💛

🫱🏼‍🫲🏽 Coa colaboración do Concello de Culleredo, Deputación da Coruña, Comunidade de Montes veciñais de Castelo, Emesports Events, Cume Norte e Marathon Running Shop.

🎥 Einibó

26/04/2026

A XV Travesía do Xalo, unha edición histórica marcada polo deporte, a emoción e a celebración ⛰️🏃🏽‍♀️

🌿 Castelo viviu onte unha xornada especialmente significativa coa celebración da décimo quinta edición da Travesía do Xalo, unha cita que, quince anos despois do seu nacemento, confirma o seu carácter como moito máis ca unha proba deportiva.

Hoxe tivo lugar a edición máis especial da Travesía do Xalo, combinando deporte, homenaxes, e programación festiva aberta.

24/04/2026

⛰️ A Travesía do Xalo celebra este sábado a súa edición máis especial.

Aquí tes toda a información práctica para desfrutar da fin de semana en Castelo, prepararte para a proba ou percorrer o monte con tranquilidade 👉🏼

A Travesía do Xalo celebra este sábado a súa edición máis especial. Aquí tes toda a información práctica para desfrutar da fin de semana.