22/04/2026
🌍 Dita e Tokës 2026! Nga ndërgjegjësimi tek veprimi konkret!
Sot, në Ditën e Tokës, nuk mjafton vetëm të reflektojmë, është momenti të veprojmë. 🌱
Çdo vit, mbi 11 milion ton plastikë përfundojnë në oqeane, ndërsa lumenjtë janë ndër transportuesit kryesorë të kësaj ndotjeje.
Lumi Vjosë dhe zona bregdetare përreth përballen çdo ditë me presionin e mbetjeve plastike, veçanërisht gjatë sezonit turistik.
💡"Komuniteti në Veprim për Monitorimin e Plastikës në Pellgun e Vjosës" është projekti që po zbatohet aktualisht nga Vizioni i Gjelbër, bazuar në shkencë dhe përfshirje qytetare, mbështetur nga Milieukontakt Albania (member of Milieukontakt International Network) dhe Environmental and Territorial Management Institute. Përmes tij do të realizohet monitorim i strukturuar dhe i standardizuar i mbetjeve plastike në bregdetin e Vlorës, duke ndjekur metodologji të BE. Gjatë një viti do të kryhen monitorime sezonale në terren, duke mbledhur dhe analizuar të dhëna mbi sasinë, përbërjen dhe burimet e ndotjes plastike, të cilat do të shërbejnë për vendimmarrje më të informuar.
Në të njëjtën kohë, projekti vendos në qendër komunitetin, veçanërisht të rinjtë, duke i trajnuar dhe duke i përfshirë drejtpërdrejt në monitorime, pastrime dhe aktivitete ndërgjegjësuese. Përmes bashkëpunimit me shkolla, institucione dhe aktorë lokalë, synohet jo vetëm rritja e ndërgjegjësimit, por edhe nxitja e ndryshimeve konkrete në reduktimin e plastikës njëpërdorimshme.
📊 Sepse pa të dhëna nuk ka politika efektive, dhe pa angazhimin e komunitetit nuk ka ndryshim të qëndrueshëm.
👥 Ti mund të jesh pjesë e zgjidhjes! Bashkohu në aktivitetet tona në terren, trajnimet dhe nismat për një mjedis më të pastër.
🌊 Nga lumi në det, çdo veprim ka ndikim.
📣 Bëhu pjesë e ndryshimit! Sepse Toka nuk ka nevojë për më shumë fjalë, ka nevojë për veprime.
