05/06/2026
Sot, në datën 5 Qershor ndërsa e gjithë bota reflekton mbi rëndësinë e mbrojtjes së natyrës, ne nuk mund të heshtim përballë kërcënimit të zonës së mbrojtur Pish Poro Nartë, një prej thesareve më të çmuara natyrore të Shqipërisë.
Zona e Zvernecit nuk është thjesht një destinacion turistik. Ai është një ekosistem unik, një strehë për biodiversitetin, një pasuri kulturore dhe natyrore që i përket brezave të sotëm dhe atyre që do të vijnë.
Zhvillimit i qëndrueshëm është alternativa e duhur, dhe në cdo rast duhet të respektojë parimet dhe të mbështetet në studime të plota mjedisore si dhe të vendosë interesin publik mbi çdo përfitim afatshkurtër.
Në Ditën Botërore të Mjedisit, bëjmë thirrje për:
✅ Mbrojtjen e ekosistemeve të ndjeshme të Zvernecit;
✅ Transparencë të plotë për projektet që prekin zonën;
✅ Respektimin e ligjeve mjedisore dhe standardeve ndërkombëtare;
✅ Përfshirjen e komunitetit dhe ekspertëve në çdo vendimmarrje.
Natyra nuk është një burim i pashtershëm. Ajo është trashëgimia jonë e përbashkët. Mbrojtja e natyrës sot është përgjegjësi ndaj Shqipërisë së nesërme.
🌿💚
