Federata e Familjes për Paqe Botërore dhe Bashkim (FFPBB) është degë e FFWPU International, një organizatë ndërkombëtare që përbëhet nga familje që përpiqen të mishërojnë idealin e dashurisë së vërtetë dhe të ndërtojnë një botë paqeje dhe bashkimi midis të gjithë popujve, racave dhe besimeve, bazuar në vizionin e Reverend Sun Myung Moon të përmbledhura në Parimin Hyjnor. FFPBB u themelua në 1997 n
ë mënyrë që të zgjerojë misionin dhe vizionin e Lëvizjes së Unifikimit për të krijuar një aleancë të njerëzve që kanë vizionin e përbashkët të ndërtimit të familjeve me në qendër Zotin, si baza për komunitete të shëndetshme, shoqëri të qeta dhe një botë paqësore. Shoqata Universitare për Studimin e Parimit (CARP) është degë e “FFWPU International”, një organizatë ndërkombëtare që përbëhet nga të rinj vizionarë, entuziastë dhe të vendosur për të ndërtuar një botë pa dallim midis popujve, racave dhe besimeve. W – CARP thekson Dashurinë e Vërtetë, si baza për komunitete të shëndetshme, shoqëri të qeta dhe një botë paqësore. W – CARP synon trajnimin e të rinjve dhe edukimin e tyre jo vetëm si lidera të së tashmes, por si lidera të së ardhmes. Vizioni i CARP është mbështetja e të rinjve për të pasur një kuptim më të thellë për veten e tyre dhe për të kuptuar kapacitetin për të marrë përgjegjësi në zhvillimin botëror dhe drejtimin e saj. Mësimet e W – CARP nuk janë ëndrra me sy hapur, ato janë mësime dhe trajnime praktike të cilat shoqërojnë zhvillimin e kapacitetit tek gjithësecili.
