25/05/2026
Die House of R Star Jiu Jitsu Klub in Paternoster het die naweek weer eens hul staal gewys toe al vyf atlete van dié klub met 'n medalje weggestap het. Hulle het aan die Apex Jiu Jitsu kompetisie in Somerset Wes deelgeneem. Die klub is geafillieerd en bestaan reeds vyf jaar.
Dit bied aan jong mense van Paternoster die geleentheid om dié sportsoort te bemeester. Respek, nederigheid en voortdurende self-verbetering is hulle leuse, en word volgens Wimpie Rossouw, die afrigter, streng toegepas. Hy was veral trots toe drie afrigters en een skeidsregter hom gekomplimenteer het vir die netheid, goeie gedrag, talent en goeie sportmangees wat sy kinders getoon het. Dit is selfs amper belangriker as die medaljes, het hy gesê.
Die klub word ook deur die Paternoster Groep en Friends of Hoopsig ondersteun.
Terselfdertyd het St Augustine's Laerskool ook aangekondig dat Luciano George hul sportportefeulje (Natalie's Sports Programme) gaan behartig en wat deur Paternoster Project NPC moontlik gemaak is. Foto nr. 3
www.paternosterproject.co.za
Ondersteun een van ons Friends of Hoopsig:
Eet by Cathy's Kitchen Paternoster,
Vind 'n huur plekkie deur Paternoster Rentals,
Ondersoek moontlikhede in versekering MUA Insurance Acceptances,
Geniet 'n vakansie by Shelley Point SILVER BAY VILLA.
Onderskrif: Groepfoto nr. 2:
Van links: Cayden Abrahams (goud), Kenock Chatinyare (brons), Wimpie Rossouw (afrigter),
A.J. Coetzee (brons), Miguel Pietersen (goud), Nathan Victor (silwer), Renecia Marcus (Hoopsigsteun vir Jitsprojek), Willem Rossouw en Kristen Jordaan (senior Jits atlete en helpers).