10/10/2026
🏍️❤️ SERVANTHOOD RIDERS SE UITREIK NA HUIS STILBAAI ❤️🏍️
Wat ’n besondere dag van omgee, diensbaarheid en liefde!
Servanthood Riders het ’n uitreik na Huis Stilbaai onderneem en weereens bewys dat ons as motorfietsryers nie net lief is vir die oop pad nie, maar ook ’n hart het vir ons medemens. ❤️
Altesaam ongeveer 26 bikes het die pad aangedurf om deel te wees van hierdie besondere uitreik. Die meeste ryers het meer as 100 km afgelê om daar uit te kom! 🏍️ Dit wys net hoeveel hierdie saak vir ons lede beteken.
En nee, dit was nie net die inwoners wat lus was vir ’n bietjie motorfietsry nie! 😉 Ons oudste pillion was maar liefst 92 jaar oud! ❤️ Wat ’n wonderlike bewys dat die liefde vir motorfietse en avontuur geen ouderdomsperk het nie!
As deel van hierdie uitreik het Servanthood Riders se Wes-Kaap-tak, onder leiding van president Corrie van der Westhuizen, grootmensdoeke aan Huis Stilbaai geskenk. ❤️🙏 ’n Praktiese en betekenisvolle bydrae wat ondersteuning en verligting aan die inwoners bied.
Dit was soveel meer as net ’n motorfietsrit. Dit was ’n geleentheid om tyd te gee, harte aan te raak, glimlagte te bring en te wys dat omgee steeds ’n groot verskil in mense se lewens maak.
’n Hartlike dankie aan president Corrie van der Westhuizen en Servanthood Riders se Wes-Kaap-tak vir hul ruimhartige bydrae, asook aan elke biker wat die kilometers afgelê het om hierdie uitreik moontlik te maak. Julle maak ons trots! ❤️
Servanthood Riders – ons ry met ’n doel, ons dien met liefde en ons maak ’n verskil, een uitreik op ’n slag! 🏍️🙏❤️
