https://www.facebook.com/887477284445503/

Kaya Natin Youth - PUP, Sta. Mesa, Manila (2026)

28/07/2026

𝗔𝗟𝗘𝗥𝗧 | 𝗦𝗧𝗔𝗧𝗘 𝗙𝗔𝗦𝗖𝗜𝗦𝗠

Mariing tinutuligsa ng Kaya Natin! Youth - PUP ang serye ng iligal at arbitraryong pag-aresto ng Quezon City Police District sa 51 katao sa Feria, Commonwealth habang nagaganap ang SONA ng Bayan!
Makikita sa mga bidyo kung papaanong pinagdadampot at dinahas ng kapulisan ang mga artista ng bayan, kabilang na ang fliptop rapper na si Vitrum. Maging mga menor de edad at mga paraligal ay pinuntirya rin at kasamang dinala sa Kampo Karingal.

Ipinagkait sa kanila ng PNP ang karapatan sa due process at makalapit sa kanilang mga abogado.

Ito ang tunay na State of the Nation sa ilalim ng papet, pahirap, kurap at pasistang rehimeng US-Marcos! Malawakan ang pagsikil ng AFP-PNP sa mga demokratikong karapatan ng mamamayan samantalang walang nakukulong na dambuhalang isda, nagtatago pa rin si Bato dela Rosa at hindi pinapanagot ang hari at reyna ng kurapsyon na sina Marcos at Duterte.

Huwag nang magtaka si Marcos kung bakit patuloy lumalaban ang mulat at kritikal na sambayanang Pilipino, dahil habang patuloy ang pamamasismo ng bulok na estado, uusbong ang mga batayan para baguhin ang bulok na sistema!

𝗜𝗞𝗨𝗟𝗢𝗡𝗚 𝗔𝗡𝗚 𝗞𝗔𝗪𝗔𝗧𝗔𝗡, 𝗛𝗜𝗡𝗗𝗜 𝗔𝗡𝗚 𝗟𝗨𝗠𝗔𝗟𝗔𝗕𝗔𝗡!

26/07/2026

ay napindot ng loha 😅

Isang araw bago ang nakatakdang ikalimang State of the Nation Address ni Bongbong Marcos, patuloy pa rin ang pagdausdos ng kalagayan ng mamamayang Pilipino.

Dito sa National Capital Region, tumaas kahapon sa ₱765 ang minimum na sahod, pero malayo naman ito sa ₱1,200 na pambansang nakabubuhay na sahod na hinihingi ng mga manggagawa.

Sa ating Sintang Paaralan, mababa pa rin ang natatamasang pondo sa kasalukuyan na ₱3.79 bilyon, malayong-malayo sa ₱12.6 bilyon na hinihingi ng mga Iskolar ng Bayan at buong komunidad ng PUP.

Habang tayo ay naghihirap, limpak-limpak na pondo ng taumbayan naman ang napupunta sa korapsyon, pasismo at pagbebenta ng katiting ng ating soberanya sa imperyalismong US!

Wala na tayong ibang maaasahan liban sa ating sama-samang pagkilos. Itakwil ang papet, pahirap at pasistang rehimeng US-Marcos!

𝗕𝗮𝘀𝘁𝗮'𝘁 𝘀𝗮𝗺𝗮-𝘀𝗮𝗺𝗮, 𝗞𝗮𝘆𝗮 𝗡𝗮𝘁𝗶𝗻! 🩷💜🩵💚💛

SONA ng Bayan 2026
🗓️ July 27, 2026
🔴 10:00 AM — Quezon Hall Program
🔴 11:00 AM — March to Wilcon, Commonwealth
🔴 12:00 NN-2:00 PM — Start of Wilcon Program (BAYAN)
🔴 3:00 PM — SONA ng Sambayanan 2026 @ New Capitol (Ever)

Sumali sa coordinating GC: https://m.me/j/Aba8fPz3P-7QNvCb/?send_source=gc:copy_invite_link_c

24/07/2026

𝗟𝗜𝗠𝗔𝗡𝗚 𝗧𝗔𝗢𝗡. 𝗦𝗢 𝗔𝗡𝗢 𝗡𝗔?

𝗧𝗜𝗡𝗚𝗡𝗔𝗡 | Muling lumabas ang komunidad ng PUP sa kahabaan ng Teresa para sa State of the PUPian Address (SOPA) ngayong gabi, Hulyo 24, para singilin ang inutil, papet, pahirap at pasistang rehimeng Marcos.

Sa nagdaang limang taon, malinaw na pawang kahungkagan lamang ang lumabas sa bibig ni Bongbong Marcos. Hindi niya binigyan ng prayoridad ang sahod, trabaho, edukasyon, karapatan at serbisyong panlipunan at bagkus, higit niyang inuuna ang interes ng kanyang amo, ang imperyalismong US at mga bilyonaryong kapitalista at panginoong maylupa.

Kamakailan ay pumirma ang rehimen sa Pax Silica, na isa sa proyekto nito ay libreng ilaan ang 1,620 ektarya ng lupa para sa paggawa ng semiconductor at pagpapaunlad ng AI technology. Kung nagawa ng rehimen ni Marcos na walang renta na ipaupa sa imperyalismong US ang mga lupain ng Pilipinas, bakit hindi nito magawang libreng ipamahagi ang lupa ng malalaking asendero sa mga magsasaka, itaas sa nakabubuhay na antas ang sahod ng mga manggagawa at dagdagan ang kakarampot na pondo ng mga state universities and colleges (SUCs) katulad ng PUP?

Tayong mga Iskolar ng Bayan ay hindi palilinlang sa kasinungalingan ng commander-in-thief at hari ng kurapsyon na si Marcos! Kaya sa darating na Hulyo 27, magkita-kita tayo sa SONA ng Bayan!

𝗦𝗢𝗡𝗔 𝗡𝗚 𝗕𝗔𝗬𝗔𝗡 2026
🗓️ July 27, 2026
⏱️ 12:00 NN
📍 Commonwealth Ave., Quezon City

Sumali sa coordinating GC: https://m.me/j/Aba8fPz3P-7QNvCb/?send_source=gc:copy_invite_link_c

23/07/2026

𝗠𝗔𝗥𝗖𝗢𝗦 𝗝𝗥. 𝗛𝗨𝗟𝗜𝗡𝗚 𝗦𝗢𝗡𝗔 𝗠𝗢 𝗡𝗔 ‘𝗧𝗢!

Ngayong ikaapat na taon ng rehimen ni Ferdinand Marcos Jr., wala nang maipagmamalaki ang kanyang administrasyon kundi lumalalang kurapsyon, pasismo, at lubos na pagpapakatuta sa imperyalismong US. Sa ilalim ng mga programang tulad ng Pax Silica at iba pang patakarang nagpapalawak ng impluwensyang dayuhan, higit pang isinusuong ang bansa sa interes ng mga kapitalista kaysa sa kapakanan ng sambayanan.

Habang bilyun-bilyong piso ang inilulustay sa intelligence at confidential funds, kuwestiyonableng proyekto tulad ng flood control, at iba pang anyo ng korapsyon, patuloy namang ipinagkakait sa mamamayan ang batayang serbisyo. Hanggang ngayon, nananatiling hindi nagbibigay ng malinaw na pananagutan si Sara Duterte sa mga usapin kaugnay ng paggamit ng confidential funds, habang wala ring tunay na napapanagot sa malawakang pagwaldas sa pondo ng bayan.

Samantala, tayong mga Iskolar ng Bayan ay patuloy na pinagtitiisan ang kakarampot na badyet ng mga pampublikong pamantasan—kulang sa silid-aralan, pasilidad, g**o, at iba pang batayang pangangailangan. Habang bilyon ang inilalaan sa gera, panunupil, at korapsyon, ipinagkakait naman sa kabataan ang dekalidad at libreng edukasyon na nararapat sa kanila.

Sobra na! Panahon nang manindigan ang mga Iskolar ng Bayan at buong sambayanan laban sa tambalang hari at reyna ng kurapsyon. Sumama sa State of the PUPian Address (SOPA) at SONA ng Bayan 2026 upang panagutin ang korap, pahirap, at papet na estado!

𝗦𝗧𝗔𝗧𝗘 𝗢𝗙 𝗧𝗛𝗘 𝗣𝗨𝗣𝗜𝗔𝗡 𝗔𝗗𝗗𝗥𝗘𝗦𝗦 (𝗦𝗢𝗣𝗔)
🗓️ July 24, 2026
⏱️ 4:00 PM
📍 J. Panganiban Street (beside the PUP College of Engineering and Architecture Building)

𝗦𝗢𝗡𝗔 𝗡𝗚 𝗕𝗔𝗬𝗔𝗡 2026
🗓️ July 27, 2026
⏱️ 12:00 NN
📍 Commonwealth Ave., Quezon City

Sumali sa coordinating GC: https://m.me/j/Aba8fPz3P-7QNvCb/?send_source=gc:copy_invite_link_c

08/07/2026

Happy 4th Anniversary, Kaya Natin! Youth! 🎉

For 4 years, we have been a proud sanctuary for ethical, effective, and empowering youth leaders across the country. As we continue to fight for good governance and ethical leadership, we move 4WARD.

𝗕𝗮𝘀𝘁𝗮’𝘁 𝘀𝗮𝗺𝗮-𝘀𝗮𝗺𝗮, 𝗞𝗮𝘆𝗮 𝗡𝗮𝘁𝗶𝗻! 🩷💜🩵💚💛

07/07/2026

BUKAS NA LIHAM NG KAYA NATIN! YOUTH - PUP PARA SA MGA NOMINADO PARA SA PAGKA-REHENTE NG MGA MAG-AARAL

Sa sinumang mauupo bilang ika-20 na Rehente ng mga Mag-aaral,

Mabigat ang pagsalubong ng taong 2026 sa atin.

Ilan sa ating mga lider-estudyante na sina Tiffany Faith Brillante at Jacob Baluyot ang sinampahan ng gawa-gawang kaso. Kasabay nito ay ang makailang ulit na panghihimasok ng AFP-PNP at NTF-ELCAC sa loob ng ating pamantasan sa iba't ibang pagkakataon. May malaking budget deficit pa rin na pinagtitiisan ang PUP mula sa hinihinging ₱12.7 bilyon. At kamakailan lamang, iniraratsada muli sa Kongreso ang NPU Bill, isang bogus na batas na pineprentehan at tinatabingan ng makinang at mapanlinlang na mga pangako para sa buong komunidad.

Lahat ng ito ay nangyayari habang tumindi ang nararanasang kronikong krisis ng mamamayang Pilipino. Samantala, nagpapaligsahan sina Marcos at Duterte sa kung sino ang mas makakapangurakot at makakapagpahirap sa sambayanan.

Makikita natin iyon sa kung papaanong kolonyal, komersyalisado at represibo ang kasalukuyang sistema ng edukasyon. Sa kung papaanong itinutulak na maging murang kalakal ang mga Iskolar ng Bayan para sa kapakinabangan ng mga BPO at iba pang dayuhang kumpanya. Sa kung papaanong unti-unting ginagawang negosyo ang edukasyon para ito ay maging “globally competitive” na dapat ay karapatang tinatamasa ng mamamayan at ginagarantiyahan ng estado.

Malinaw mula sa mga kinahaharap natin ngayon na kailangan ng 106,000 Iskolar ng Bayan mula sa iba’t ibang kolehiyo at kampus sa buong Sistemang PUP ng isang Rehenteng konsultatibo at magtataguyod ng tunay na representasyon ng sangkaestudyantehan sa Lupon ng mga Rehente!

Hamon ng Kaya Natin! Youth - PUP sa sinumang magiging Rehente na matalas na bitbitin ang kagyat na interes ng mga Iskolar ng Bayan, mariing manindigan laban sa kontra-estudyanteng mga patakaran at depensahan ang pamantasan laban sa mga banta ng komersyalisasyon at pribatisasyon na lulusaw sa pampublikong katangian ng ating Sintang Paaralan.

Yayamang ang PUP ay ang unibersidad ng masang anakpawis, ang unibersidad ng mga manggagawa at mga anak ng mga manggagawa, hamon na dalhin ng susunod na Rehente ang ipinaglalaban ng iba’t ibang sektor ng komunidad ng PUP at suhayan ang pakikibaka para sa nakabubuhay na sahod ng mga manggagawa at katiyakan sa paninirahan ng mga maralita dahil sila ang gulugod ng ating pamantasan.

At yayamang lahat ng nangyayari sa pambansang antas ay tumatagos sa lokal na isyu, hamon sa susunod na Rehente na mapangahas na lumahok sa paalon-alon na mga protestang bayan at kilusang bayan laban sa korapsyon at tiraniya na tutungo sa pagpapanagot at pagpapatalsik sa rehimeng US-Marcos at Duterte at magtataguyod ng isang mabuting pamamahala at etikal na pamumuno, sa lilim ng pambansang demokrasya na may sosyalistang perspektiba.

Nasa panahon tayo ng muling paglikha ng kasaysayan ng sambayanang Pilipino. Ngayon din ang panahon para higit na pag-alabin ng Rehente ng mga Mag-aaral ang diwa ng paglilingkod, sa Lupon ng mga Rehente man o sa lansangan!

05/07/2026

Sa ikalimang taon ng kanyang pagkamartir, pinagpupugayan ng Kaya Natin! Youth - PUP ang dakilang buhay at pakikibaka ni Queenie Loricel “Ka Kira” Daraman.

Si Ka Kira ang tunay na ehemplo ng isang lider na panday sa ehemplo ng pagsusulong ng mabuting pamamahala at etikal na pamumuno. Mula sa tarangkahan ng PUP hanggang sa mga kabundukan ng Mindoro, ipinakita niya na ang pagkakamit sa isang lipunang walang pagsasamantala ay nangangahulugan ng pagsanib sa masang anakpawis.

Maaari niyang piliin ang komportableng pamumuhay dito sa lunsod. Ngunit buong pagpapasyang pinili ni Ka Kira ang landas ng pamumuno at paglilingkod. Dahil bilang mulat na, alam niya na hangga't inaapi at naghihirap ang mamamayang Mindoreño at inaagawan ng lupa ang mga magsasaka at katutubong Mangyan, may digmang bayan na kailangang sama-samang ipagpatuloy at ipagwagi.

Bilang mga lider-estudyante at lider-kabataan, hindi tayo dapat magpasupil sa mga tangka ng represyon sa atin. Umalpas tayo mula sa mga istandard na idinidikta sa atin ng estado at naghaharing uri. Kagaya ni Ka Kira, higitan natin ang ating kasalukuyang oryentasyon bilang kabataan at sama-samang kumilos para sa pagpapalaya ng buong sambayanan!

𝗜𝘀𝗸𝗼𝗹𝗮𝗿 𝗻𝗴 𝗕𝗮𝘆𝗮𝗻, 𝘁𝘂𝗹𝗮𝗿𝗮𝗻 𝘀𝗶 𝗞𝗮 𝗞𝗶𝗿𝗮! 𝗞𝗮𝗯𝗮𝘁𝗮𝗮𝗻, 𝘁𝘂𝗺𝘂𝗻𝗴𝗼 𝘀𝗮 𝗸𝗮𝗻𝗮𝘆𝘂𝗻𝗮𝗻! 𝗣𝗮𝗴𝗹𝗶𝗻𝗴𝗸𝘂𝗿𝗮𝗻 𝗮𝗻𝗴 𝘀𝗮𝗺𝗯𝗮𝘆𝗮𝗻𝗮𝗻!

𝗕𝗮𝘀𝘁𝗮’𝘁 𝘀𝗮𝗺𝗮-𝘀𝗮𝗺𝗮, 𝗞𝗮𝘆𝗮 𝗡𝗮𝘁𝗶𝗻! 🩷💜🩵💚💛

13/06/2026

𝗜𝗡𝗗𝗘𝗣𝗘𝗡𝗗𝗘𝗡𝗖𝗘? 𝗘𝗡𝗗 𝗗𝗘𝗣𝗘𝗡𝗗𝗘𝗡𝗖𝗘!

𝗧𝗜𝗡𝗚𝗡𝗔𝗡 | Nitong , nagkasa ng malawakang pagkilos ang komunidad ng PUP kabilang ang Kaya Natin! Youth - PUP sa Kalaw patungo sa embahada ng United States upang tuligsain ang huwad na kalayaan ng ating bayan. Ngunit sinalubong tayo ng barikada, razor wire at yantok ng kapulisan habang iginigiit natin ang karapatang makapagprotesta at maigiit ang tunay na kalayaan at demokrasya.

Sino ba ang tunay na pinoprotektahan ng PNP? Hindi ang mamamayan kundi ang mayayamang kapitalista ng US at ang taksil at papet na rehimeng Marcos na humahadlang sa pag-unlad ng Pilipinas. Sa halip na kagyat na ginhawa, itinutulak nila ang mga patakaran at programa kagaya ng Enhanced Defense Cooperation Agreement, Balikatan 2026 at Pax Silica na maglalagay sa mamamayan sa kapahamakan ng inter-imperyalistang gera.

Hangga’t patuloy na naghihirap ang masang anakpawis sa kabila ng likas na kayamanan ng bayan, huwad ang kalayaan na tinatamasa natin. Magiging buo lamang ang pagsulong natin bilang sambayanan tungo sa mabuting pamamahala kung mapapawi sa sama-samang pagkilos ang tatlong salot ng lipunan: ang imperyalismo, pyudalismo at burukratang kapitalismo.

𝗠𝗮𝗽𝗮𝗽𝗮𝘁𝗮𝗴 𝗻𝗮𝘁𝗶𝗻 𝗮𝗻𝗴 𝗯𝘂𝗻𝗱𝗼𝗸. 𝗕𝗮𝘀𝘁𝗮'𝘁 𝘀𝗮𝗺𝗮-𝘀𝗮𝗺𝗮, 𝗞𝗮𝘆𝗮 𝗡𝗮𝘁𝗶𝗻! 🩷💜🩵💚💛

Kaya Natin Youth - PUP

28/07/2026

26/07/2026

24/07/2026

23/07/2026

08/07/2026

07/07/2026

05/07/2026

13/06/2026

Address

Website

Alerts

Shortcuts

Share

Category

Listing takedown request