https://www.facebook.com/104528706074586/

The UPLB Pre-Law Society Official

Home
Philippines
Los Baños
The UPLB Pre-Law Society Official

Veritas Omnia Vincit, Fiat Justitia
"Truth conquers all, let justice prevail."

27/10/2026

“𝐌𝐚𝐠-𝐚𝐚𝐛𝐨𝐠𝐚𝐝𝐨 𝐤𝐚 𝐧𝐢𝐲𝐚𝐧?!” 🤷‍♀️
“𝙊𝙤 𝙨𝙖𝙣𝙖 𝙚𝙝. 𝙋𝙚𝙧𝙤 𝙥𝙖𝙖𝙣𝙤 𝙗𝙖?” 🫣

Ang pagpasok sa law school ay para daw pagpasok ng sinulid sa karayom. 👀🧵

Totoo nga ba? Tara, pag-usapan natin ‘yan! ✨

27/10/2026

HAPPY BRIE DAY!💄

Another colorful year for our Senior Associate Justice!💐

Always bringing good vibes wherever she goes, our favorite social butterfly has a way of making every gathering more fun and every side quest more memorable.🦋 Her optimism, friendliness, and love for the people around her make her someone who is always a joy to be with. Whether it’s a spontaneous adventure or a night out with friends, she’s always down to make more memories.🪩✨ Beyond all the fun, she is also a genuinely supportive friend who makes sure the people she loves feel seen and cared for.🫂

May this year bring you more fun memories and reasons to keep that optimism alive.🥂

With love,
The UPLB Pre-Law Society💛❤️💙

21/10/2026

𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨, 𝘼𝙡𝙪𝙢𝙣𝙞!✨

We, The UPLB Pre-Law Society, proudly recognize our dear Alumni for passing the 2026 Professional Forester Licensure Exam (PFLE)!🎉

Your hard work, dedication, and passion truly inspire us all. May you be the foresters that advocate and protect environmental justice for the betterment of the people.

Padayon to all 2026 PFLE Passers!🌻 Isang taas kamao para sa masibol at makatarungang kinabukasan! Lagi't lagi, paglingkuran ang mga manggugubat, at ang sambayanan.🌱

20/10/2026

“𝙆𝙖𝙞𝙡𝙖𝙣 𝙣𝙖𝙜𝙞𝙣𝙜 𝙠𝙖𝙥𝙖𝙧𝙪𝙨𝙖𝙝𝙖𝙣𝙜 𝙠𝙖𝙢𝙖𝙩𝙖𝙮𝙖𝙣 𝙖𝙣𝙜 𝙥𝙖𝙜𝙝𝙞𝙣𝙜𝙞 𝙣𝙜 𝙨𝙖𝙧𝙞𝙡𝙞𝙣𝙜 𝙡𝙪𝙥𝙖𝙣𝙜 𝙗𝙪𝙗𝙪𝙠𝙞𝙧𝙞𝙣?”

Sa araw na ito, buong-puso at buong-tapang na ginugunita ng The UPLB Pre-Law Society ang buhay at pakikibaka ng siyam na magsasaka at farmworkers, kabilang ang dalawang menor de edad, na marahas na pinaslang noong Oktubre 20, 2018 sa Hacienda Nene, Sagay City, Negros Occidental.

Ang pagpatay sa siyam na magsasaka sa Sagay ay nagpapakita ng malalim na krisis sa repormang agraryo at kultura ng impunity. Mabigat ang pananagutan ng AFP at PNP sa pagkabigo ng estadong ipatupad ang probisyon ng Saligang Batas ukol sa Agrarian Reform at Panlipunang Katarungan, na nag-iwan sa mga magsasaka na walang proteksyon laban sa karahasan ng mga landlord at paramilitar.

Ginugunita natin ang tapang ng mga miyembro ng National Federation of Sugar Workers (NFSW) na nakiisa sa bungkalan- isang kolektibong pagsisikap na tamnan ang mga bakanteng lupain upang iligtas ang kanilang mga pamilya sa matinding gutom sa panahon ng tiempo mu**to, o ang panahon ng matinding taggutom at kawalan ng trabaho sa tubuhan. Sa halip na katarungan, tulong, at proteksyon mula sa estado, bala mula sa armadong sistema ang pumatay sa kanilang pangarap.

Ayon sa mga ulat ng 𝘏𝘶𝘮𝘢𝘯 𝘙𝘪𝘨𝘩𝘵𝘴 𝘞𝘢𝘵𝘤𝘩, 𝘉𝘳𝘪𝘵𝘪𝘴𝘩 𝘈𝘤𝘢𝘥𝘦𝘮𝘺, at 𝘈𝘮𝘯𝘦𝘴𝘵𝘺 𝘐𝘯𝘵𝘦𝘳𝘯𝘢𝘵𝘪𝘰𝘯𝘢𝘭, ang trahedyang ito ay bunga ng pampolitikang karahasan at ng umiiral na kultura ng 𝘪𝘮𝘱𝘶𝘯𝘪𝘵𝘺 (kawalan ng pananagutan). Ang mga pambansang organisasyon ng magsasaka tulad ng NFSW at KMP na nagtatanggol sa karapatan sa lupa ay patuloy na ginigipit, pinararatangan sa pamamagitan ng red-tagging, at inaapi kapalit ng kanilang legal na pakikipaglaban.

Bilang mga hinaharap na tagapagtanggol ng batas, itinataas ng UPLB Pre-Law Society ang banal na probisyon ng 𝗔𝗿𝘁𝗶𝗸𝘂𝗹𝗼 𝗫𝗜𝗜𝗜, 𝗦𝗲𝗸𝘀𝘆𝗼𝗻 𝟰 𝗻𝗴 𝗦𝗮𝗹𝗶𝗴𝗮𝗻𝗴 𝗕𝗮𝘁𝗮𝘀 at ng 𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟲𝟲𝟱𝟳 (𝗖𝗼𝗺𝗽𝗿𝗲𝗵𝗲𝗻𝘀𝗶𝘃𝗲 𝗔𝗴𝗿𝗮𝗿𝗶𝗮𝗻 𝗥𝗲𝗳𝗼𝗿𝗺 𝗟𝗮𝘄):

𝗠𝗮𝗻𝗱𝗮𝘁𝗼 𝗮𝗻𝗴 𝗲𝘀𝘁𝗮𝗱𝗼 𝗻𝗮 𝗺𝗮𝗴𝗽𝗮𝘁𝘂𝗽𝗮𝗱 𝗻𝗴 𝗶𝘀𝗮𝗻𝗴 𝗽𝗿𝗼𝗴𝗿𝗮𝗺𝗮 𝘀𝗮 𝗿𝗲𝗽𝗼𝗿𝗺𝗮𝗻𝗴 𝗮𝗴𝗿𝗮𝗿𝘆𝗼 𝗻𝗮 𝗻𝗮𝗸𝗮𝘀𝗮𝗹𝗮𝗹𝗮𝘆 𝘀𝗮 𝗸𝗮𝗿𝗮𝗽𝗮𝘁𝗮𝗻 𝗻𝗴 𝙡𝙖𝙣𝙙𝙡𝙚𝙨𝙨 𝙛𝙖𝙧𝙢𝙚𝙧𝙨 𝗮𝘁 𝙛𝙖𝙧𝙢 𝙬𝙤𝙧𝙠𝙚𝙧𝙨 𝗻𝗮 𝗺𝗮𝗴 𝗺𝗮𝘆-𝗮𝗿𝗶 𝗻𝗮𝗻𝗴 𝗱𝗶𝗿𝗲𝗸𝘁𝗮 𝗼 𝗸𝗼𝗹𝗲𝗸𝘁𝗶𝗯𝗼 𝘀𝗮 𝗺𝗴𝗮 𝗹𝘂𝗽𝗮𝗻𝗴 𝗸𝗮𝗻𝗶𝗹𝗮𝗻𝗴 𝗯𝗶𝗻𝘂𝗯𝘂𝗻𝗴𝗸𝗮𝗹𝗮𝘁 𝘀𝗶𝗻𝗮𝘀𝗮𝗸𝗮.

Ang inisyatiba ng 𝘣𝘶𝘯𝘨𝘬𝘢𝘭𝘢𝘯 ay umusbong dahil sa paulit-ulit na kapabayaan sa pagpapatupad ng RA 6657. Habang ang malalaking hacienda ay nananatili sa kamay ng iilang makapangyarihan, ang mga magsasakang nagpapakain sa bansa ay patuloy na pinagkakaitan ng sariling lupa at pinatatahimik ng karahasan. Ang kawalan ng hustisya sa Sagay 9 ay isang malaking lamat sa integridad ng 𝘳𝘶𝘭𝘦 𝘰𝘧 𝘭𝘢𝘸 sa Pilipinas.

Naninindigan ang The UPLB Pre-Law Society na sa pamamagitan ng paggunita ay hindi natin hinahayaan na mabaon sa limot ang pangalan at ipinaglaban ng Sagay 9. Ang tunay na alaala ay nangangailangan ng aksyon. Patuloy nating ipagtatambol ang panawagan na mapanagot ang mga tunay na may sala, wakasan ang panunupil, at ipatupad ang tunay na repormang agraryo.

Hindi natin kakalimutan. Hindi tayo mananahimik.

𝙈𝙖𝙗𝙪𝙝𝙖𝙮 𝙖𝙣𝙜 𝘼𝙡𝙖𝙖𝙡𝙖 𝙣𝙜 𝙎𝙖𝙜𝙖𝙮 𝟵!
𝙃𝙪𝙨𝙩𝙞𝙨𝙮𝙖 𝙥𝙖𝙧𝙖 𝙨𝙖 𝙢𝙜𝙖 𝘽𝙞𝙠𝙩𝙞𝙢𝙖!
𝙄𝙥𝙖𝙩𝙪𝙥𝙖𝙙 𝙖𝙣𝙜 𝙏𝙪𝙣𝙖𝙮 𝙣𝙖 𝙍𝙚𝙥𝙤𝙧𝙢𝙖𝙣𝙜 𝘼𝙜𝙧𝙖𝙧𝙮𝙤! 𝙇𝙪𝙥𝙖 𝙖𝙩 𝙆𝙖𝙧𝙖𝙥𝙖𝙩𝙖𝙣 𝙥𝙖𝙧𝙖 𝙨𝙖 𝙈𝙖𝙜𝙨𝙖𝙨𝙖𝙠𝙖𝙣𝙜 𝙋𝙞𝙡𝙞𝙥𝙞𝙣𝙤!

Mga sanggunian:

Conde, C. H. (2018, October 22). Philippine Sugar Plantation Massacre. Human Rights Watch.
https://www.hrw.org/news/2018/10/22/philippine-sugar-plantation-massacre

Protecting land activists from state violence: the case of NFSW and KMP in Negros, the
Philippines. (n.d.). The British Academy. Retrieved September 11, 2026, from https://www.thebritishacademy.ac.uk/publishing/journal-british-academy/10s3/protecting-land-activists-from-state-violence-the-case-of-nfsw-and-kmp-in-negros-the-philippines/

R.A. 6657. (2019). Lawphil.Net.
https://www.lawphil.net/statutes/repacts/ra1988/ra_6657_1988.html

“THEY JUST KILL” ONGOING EXTRAJUDICIAL EXECUTIONS AND OTHER VIOLATIONS IN
THE PHILIPPINES” “WAR ON DRUGS.” (n.d.). Retrieved September 11, 2026, fromhttps://www.amnesty.org/en/wp-content/uploads/2021/05/ASA3505782019ENGLISH.pdf

17/10/2026

𝙒𝙖𝙠𝙖𝙨𝙖𝙣 𝙖𝙣𝙜 𝙠𝙖𝙝𝙞𝙧𝙖𝙥𝙖𝙣, 𝙞𝙨𝙪𝙡𝙤𝙣𝙜 𝙖𝙣𝙜 𝙥𝙖𝙜-𝙪𝙣𝙡𝙖𝙙 𝙣𝙜 𝙠𝙖𝙗𝙪𝙝𝙖𝙮𝙖𝙣!

Noong taong 1987, nagtungo ang maraming tao sa Paris, France sa Plaza of Human Rights and Liberties, upang bigyang galang ang mga namatay na biktima ng kahirapan, kagutuman, at pang aabuso, at kinilala rin ang kahirapan bilang isang paglabag sa karapatang pantao. Kaya naman noong Oktubre 17, 1992, opisyal ng idineklara ng United Nations ang araw na ito bilang International Day for the Eradication of Poverty, upang patuloy na itaguyod ang pagwawakas ng kahirapan sa bawat bansa.

Sa kasalukuyan, naitala ng Philippine Statistic Authority (PSA) ang pagtaas ng implasyon sa Pilipinas na umabot sa 7.2% na nangangahulugang pagtaas ng presyo ng mga bilihin at transportasyon na siyang mga pangunahing pangangailangan ng bawat mamamayang Pilipino.

Bagama’t naisulong na ang Wage Order No. NCR-28 kung saan nagkaroon ng pagtaas ng sahod ng mahigit 60 pesos, tila hindi pa rin nito nabubunot ang tinik sa mga Pilipino na patuloy na nakararanas ng paghihirap. At it ay dulot ng patuloy na pagtaas ng bilihin at kakulangan ng maayos na suporta ng gobyerno sa pag-unlad ng kabuhayan na siyang nagsisilbing kadena upang hindi makalaya ang bawat Pilipino sa kahirapan na kanilang nararanasan.

May bibig man ang gobyerno ngunit para namang itong pipe; may mata pero nagbubulag-bulagan; may tainga ngunit nagbibingi bingihan sa suliranin ng mamamayan. Sa katunayan, pilit nilang ginugutom ang mga maralita at patuloy nilang nilulunod ang daing ng mga mamamayang Pilipino sa mga huwad na ulat. Malinaw sa ating mga Pilipino ang patuloy na pagtalikod ng gobyerno sa boses ng mga maralita na siyang pumipigil sa pag-unlad ng bawat mamamayan.

Upang wakasan ang kahirapan, nararapat lamang na umaksyon ang gobyerno base sa reyalidad ng ating bansa. Kaya ibigay ang sapat na sahod—siguraduhin na bawat sektor sa Pilipinas ay nakararanas ng pagtaas ng pag unlad, at higit sa lahat, palakasin ang oportunidad pag dating sa kabuhayan ng mga Pilipino. Bukod pa rito, nararapat lamang na siguradihin ng pamahalaan na ang bawat Pilipino ay may sapat na access sa kanilang pangangailangan, at ang bawat institusyon ay matutugunan ang problema ng bawat Pilipino.

Kaya ngayong International Day for the Eradication of Poverty, nakikiisa ang The UPLB Pre-Law Society sa pagwaksi ng kahirapan sa ating bayan at sa patuloy na pag suporta sa pag-unlad ng mga Pilipino. Dahil karapatan ng bawat isa ang pagkakaroon ng disenteng buhay kung saan kanilang nakakamit ang basic needs upang patuloy na itaguyod ang kanilang buhay.

Mga Sanggunian:

Department of Economy, Planning, and Development. (n.d.).The International Day for the Eradication of Poverty and the Philippines National Week for Overcoming Extreme Poverty: A Primer. https://dro2.depdev.gov.ph/?p=66

Philippine Statistics Authority. (2026). Consumer price index and inflation rate.https://psa.gov.ph/price-indices/cpi-ir

Department of Labor and Employment. (2026, September 11). DOLE issues new NCR wage order. https://dole.gov.ph/news/dole-issues-new-ncr-wage-order/

ABS-CBN News. (2026, June 30). Labor chief announces historic P85-day wage hike in Metro Manila. https://www.abs-cbn.com/news/business/2026/6/30/labor-chief-announces-historic-p85-day-wage-hike-in-metro-manila-1127

11/10/2026

Mahigit isang dekada na ang nakalipas nang brutal na paslangin ng Amerikanong sundalo na si Joseph Scott Pemberton ang Pinay transgender na si Jennifer Laude. Hinatulan man si Pemberton ng kasong homicide at hinainan ng anim hanggang sampung taon na pagkakakulong sa inisyal, malamlam pa rin ang hustisya pagkat natamasa pa rin ni Pemberton ang pribilehiyo bilang Amerikanong sundalo. Ikinulong man ngunit sa bisa ng Visiting Forces Agreement (VFA) ay nanatili siya sa isang detention facility sa ilalim ng pamamahala ng US saka inilipat sa Camp Aguinaldo.

Anim na araw matapos maghain ng pormal na hiling sa paglaya sa bisa ng Good Conduct Time Allowance (GCTA) ay opisyal na ginawaran ni Dating Pangulong Rodrigo Duterte ang Amerikanong sundalo ng absolute pardon. Dahil dito ay umabot lamang sa limang taon at walong buwan ang pagkakakulong nito. Giit ni Duterte noon, hindi makatwiran ang pagtrato ng sistemang panghukuman ng Pilipinas kay Pemberton.

Kung ang mismong sistemang panghukuman at ang pinakamataas na posisyon ng pamahalaan ng Pilipinas ang tahasang tumatalikod sa mamamayan nito para lamang paboran ang salarin sa pagpatay batay sa kasarian, pinatutunayan lamang nitong aktibong pinipilay ang kapasidad ng Pilipinas na magbigay ng ligtas na espasyo para sa malayang pag-iral ng tao anuman ang sekswalidad, kasarian, at identidad.

Makalipas ang mahigit dalawang dekada, tamasa ni Pemberton ang kalayaang ihinain sa kanya ng sistemang panghukuman ng Pilipinas habang ang pamilyang Laude at ang buong komunidad ng LGBTQIA+ ay minumulto ng imahen ng walang buhay na katawan ni Jennifer.

Ang mahigit dalawang dekada nang isinusulong na SOGIESC Equality Bill at Comprehensive Anti-Discrimination Bill (CADB) na nagbabalangkas ng pangunahing karapatang pantao para sa lahat anuman ang kasarian ay nananatiling nakabinbin sa Senado. Ika ng mga senador noong 2019 ay hindi na ito kailangan pa pagkat nasasaklaw na ito ng iba pang batas. Ika ng mga senador natin ngayon ay bumabangga ito sa ibang paniniwalang panrelihiyon. Pinatutunayang lamang nito na maging ang mga mambabatas natin ay may malabnaw na pag-unawa sa bigat ng karapatang pangkasarian at sa bigat ng mga krimen patungkol dito.

Kaya naman bakas sa kasaysayan na mula noon hanggang ngayon, kinakaharap ng mga kabilang sa LGBTQIA+ Community ang iba’t ibang anyo ng diskriminasyon at karahasan sapagkat mismong ang Saligang Batas at ang mga taong nasa nasyonal na posisyon ng kapangyarihan ay nagpapahintulot sa kultura ng impyunidad.

Nakikiisa ang The UPLB Pre-Law Society sa pagtukoy ng malaking kabiguan ng estado na bigyan ng sapat na pagkilala at proteksyon ang mga kapwa nating bahagi ng LGBTQIA+ community na siyang isa pa rin sa mga marginalized sector ng bansa. Nakikiisa ang organisasyon sa pagsusulong ng lipunang makatarungan, sapagkat walang malayang ari habang may inaaping uri.

Kaisa ang buong organisasyon ng mga indibidwal at organisasyong nagluluksa at nananawagan ng hustisya para kay Jennifer Laude. Ang pagpaslang sa kaniya at ang kawalan ng hustisya para rito ay bunga ng maka-US na estadong pinagpapatuloy pa rin ang mga kasunduan gaya ng Visiting Forces Agreement (VFA), Enhanced Defense Cooperation Agreement (EDCA), at Mutual Defense Treaty (MDT).

𝗛𝘂𝘀𝘁𝗶𝘀𝘆𝗮 𝗽𝗮𝗿𝗮 𝗸𝗮𝘆 𝗝𝗲𝗻𝗻𝗶𝗳𝗲𝗿 𝗟𝗮𝘂𝗱𝗲!
𝗛𝘂𝘀𝘁𝗶𝘀𝘆𝗮 𝗽𝗮𝗿𝗮 𝘀𝗮 𝗺𝗴𝗮 𝗯𝗶𝗸𝘁𝗶𝗺𝗮 𝗻𝗴 𝗱𝗶𝘀𝗸𝗿𝗶𝗺𝗶𝗻𝗮𝘀𝘆𝗼𝗻 𝗮𝘁 𝗸𝗮𝗿𝗮𝗵𝗮𝘀𝗮𝗻𝗴 𝗯𝗮𝘁𝗮𝘆 𝘀𝗮 𝗸𝗮𝘀𝗮𝗿𝗶𝗮𝗻!
𝗜𝗯𝗮𝘀𝘂𝗿𝗮 𝗮𝗻𝗴 𝗩𝗙𝗔, 𝗘𝗗𝗖𝗔, 𝗮𝘁 𝗠𝗗𝗧!
𝗜𝗽𝗮𝘀𝗮 𝗮𝗻𝗴 𝗦𝗢𝗚𝗜𝗘𝗦𝗖 𝗘𝗾𝘂𝗮𝗹𝗶𝘁𝘆 𝗕𝗶𝗹𝗹 𝗮𝘁 𝗖𝗔𝗗𝗕!

MgaSanggunian:

Abad, M. (2020, September 9). TIMELINE: The killing of Jennifer Laude and release of Joseph Scott Pemberton. Rappler. https://www.rappler.com/.../timeline-jennifer-laude.../

Ager, M. (2019, September 13). Sotto: At least 15 senators are against Sogie bill. Inquirer. https://newsinfo.inquirer.net/1171386/sotto-at-least-15-senators-are-against-sogie-bill

Amnesty International Philippines. (2014, October 26). OpEd: WHO KILLED JENNIFER LAUDE?. https://www.amnesty.org.ph/2014/10/who-killed-jennifer-laude/

Cruz, R. (2024, June 03). Villanueva says not blocking SOGIESC bill debates: 'I have nothing against LGBT'. ABS-CBN. https://www.abs-cbn.com/news/2024/6/3/villanueva-says-not-
blocking-sogiesc-bill-debates-1653

Javier, P. (2025, June 10). What is SOGIESC Equality Bill's fate in 19th Congress?. https://www.abs-cbn.com/news/nation/2025/6/10/what-is-sogiesc-equality-bills-fate-in-19th-congress-1212

Mercado, N. (2020, February 17). ‘Huwag tayong hypocrite’: Push for SOGIE bill continues in House. https://newsinfo.inquirer.net/1229646/fwd-huwag-tayong-hypocrite-push-for-sogie-bill-continues-in-house

Punay, E. (2016, April 4). Pemberton’s jail sentence reduced. https://www.philstar.com/headlines/2016/04/04/1569602/pembertons-jail-sentence-reduced

10/10/2026

𝗔𝗻𝗴 𝗞𝗮𝗹𝘂𝘀𝘂𝗴𝗮𝗻𝗴 𝗣𝗮𝗻𝗴𝗸𝗮𝗶𝘀𝗶𝗽𝗮𝗻 𝗮𝘆 𝗸𝗮𝗿𝗮𝗽𝗮𝘁𝗮𝗻, 𝗵𝗶𝗻𝗱𝗶 𝗽𝗿𝗶𝗯𝗶𝗹𝗲𝗵𝗶𝘆𝗼: 𝗧𝘂𝗻𝗮𝘆 𝗻𝗮 𝘀𝗼𝗹𝘂𝘀𝘆𝗼𝗻 𝗮𝗻𝗴 𝗸𝗮𝗶𝗹𝗮𝗻𝗴𝗮𝗻, 𝗵𝗶𝗻𝗱𝗶 𝗽𝗮𝗻𝗮𝗸𝗶𝗽-𝗯𝘂𝘁𝗮𝘀 𝗹𝗮𝗺𝗮𝗻𝗴.

Nitong taon lamang, muling nayanig ang bansa nang maganap ang magkakasunod na insidente ng 𝘴𝘤𝘩𝘰𝘰𝘭 𝘴𝘩𝘰𝘰𝘵𝘪𝘯𝘨 at pamamaril sa loob ng mga kampus sa Pilipinas—mula sa pagbaril ng isang mag-aaral sa kanyang kamag-aral sa isang pribadong paaralan hanggang sa marahas na pag-atake sa pampublikong paaralan sa Mindanao.

Ang mga trahedyang ito ay hindi mahihiwalay na kaso ng karahasan lamang. Ang mga ito ay malinaw at madugong sintomas ng isang mas malalim at matagal nang pinababayaang krisis sa kalusugang pangkaisipan sa ating lipunan. Sa harap ng lumalalang epekto ng depresyon, pagkabalisa, at karamdamang pang-asal sa mga kabataan, nananatiling bulag at bingi ang estado sa tunay na pangangailangan ng mamamayan.

Ayon sa ulat ni Sarao (2026), mahigit 111 ang naitalang kaso ng 𝘴𝘶𝘪𝘤𝘪𝘥𝘦 sa bansa, na ang pangunahing dahilan ay depresyon, pagkabalisa, at karamdamang pang asal. Sa kasalukuyan, kapansin-pansing kulang pa sa dalawang porsyento ng kabuuang badyet sa kalusugan ang inilalaan para sa mental health, at halos tatlong milyong mag-aaral sa pampublikong paaralan ang naghahati-hati sa kakaunting 𝘨𝘶𝘪𝘥𝘢𝘯𝘤𝘦 𝘤𝘰𝘶𝘯𝘴𝘦𝘭𝘰𝘳𝘴 sa buong bansa.

Bagama't may umiiral tayong 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵 𝗔𝗰𝘁 (𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟭𝟭𝟬𝟯𝟲) na naglalayong tiyakin ang abot-kaya at dekalidad na serbisyong pangkaisipan para sa lahat, ang batas na ito ay nananatiling 𝗻𝗴𝗶𝗽𝗶𝗻 𝗻𝗮 𝘄𝗮𝗹𝗮𝗻𝗴 𝗸𝗮𝗴𝗮𝘁 o palamuti lamang sa papel. Hindi sapat ang pagsasaad ng mga karapatan kung ang pagpapatupad nito ay patuloy na binabara ng kakulangan sa badyet, kakulangan ng mga lisensyadong 𝘱𝘴𝘺𝘤𝘩𝘪𝘢𝘵𝘳𝘪𝘴𝘵 𝘢𝘵 𝘨𝘶𝘪𝘥𝘢𝘯𝘤𝘦 𝘤𝘰𝘶𝘯𝘴𝘦𝘭𝘰𝘳 sa mga paaralan, at kawalan ng konkretong pasilidad sa mga pampublikong ospital.
Sa halip na harapin ang pundamental na kakulangang ito, ang kamakailang pagpasa sa 𝗦𝗲𝗻𝗮𝘁𝗲 𝗕𝗶𝗹𝗹 𝗡𝗼. 𝟮𝟰𝟮𝟰 (SB 2424) o ang 𝘊𝘩𝘪𝘭𝘥 𝘖𝘯𝘭𝘪𝘯𝘦 𝘚𝘢𝘧𝘦𝘵𝘺 𝘢𝘯𝘥 𝘗𝘳𝘰𝘵𝘦𝘤𝘵𝘪𝘰𝘯 𝘈𝘤𝘵 na naglalayong magpatupad ng age-restriction at pag-ban sa social media para sa mga menor de edad, ay isang mababaw at maling diagnosis sa krisis. Para sa organisasyon, ang SB 2424 ay isang panakip-butas at pampalubag-loob na panukala na pumipigil sa kalayaan sa halip na solusyonan ang ugat ng suliranin. Ang pagtrato sa social media bilang pangunahing salarin sa krisis sa mental health ay isang anyo ng lehislatibong katamaran na umiiwas sa totoong responsibilidad ng pamahalaan.
Upang magkaroon ng tunay na reporma, kailangang patalasin at amyendahan ang sistema. Hindi natin kailangan ng higit pang mga pampulitikang gimik. Kailangan natin ng mga lehislasyong may direktang obligasyon at pananagutan. Kinakailangang magkaroon ng mandatoryong probisyon sa batas na mag-aatas sa bawat barangay at bawat pampublikong paaralan na magkaroon ng sapat at permanenteng 𝘮𝘦𝘯𝘵𝘢𝘭 𝘩𝘦𝘢𝘭𝘵𝘩 𝘱𝘳𝘰𝘧𝘦𝘴𝘴𝘪𝘰𝘯𝘢𝘭𝘴. Bukod dito, dapat tiyakin ng Korte at ng Kagawaran ng Hustisya na ang mga pasilidad para sa mental health ay accessible din sa mga nasa sektor ng marginalized at mga nasa correctional institutions.

Ang krisis sa mental health na nagbubunga ng karahasan sa ating mga paaralan at komunidad ay hindi masosolusyunan ng mga pagbabawal at paghihigpit sa batas. Bilang isang organisasyong nagtataguyod ng hustisya at legal na katwiran, nakikiisa ang The UPLB Pre-Law Society sa panawagan na gawing pangunahing pampublikong serbisyo at ganap na maipaglalabang karapatan ang kalusugang pangkaisipan sa Pilipinas. Ang kalusugang pangkaisipan ay hindi lamang isang isyung medikal o usaping pampersonal. Ito ay isang saligan at maipaglalabang karapatang pantao na itinataguyod at pinoprotektahan ng batas.

𝗧𝗨𝗡𝗔𝗬 𝗡𝗔 𝗦𝗢𝗟𝗨𝗦𝗬𝗢𝗡 𝗦𝗔 𝗠𝗘𝗡𝗧𝗔𝗟 𝗛𝗘𝗔𝗟𝗧𝗛, 𝗛𝗜𝗡𝗗𝗜 𝗣𝗔𝗡𝗔𝗞𝗜𝗣-𝗕𝗨𝗧𝗔𝗦 𝗟𝗔𝗠𝗔𝗡𝗚!

𝗜𝗣𝗔𝗚𝗟𝗔𝗕𝗔𝗡 𝗔𝗡𝗚 𝗜𝗦𝗔𝗡𝗚 𝗟𝗜𝗚𝗧𝗔𝗦, 𝗠𝗔𝗚𝗜𝗧𝗜𝗡𝗚, 𝗔𝗧 𝗠𝗔𝗣𝗔𝗚𝗞𝗔𝗟𝗜𝗡𝗚𝗔𝗡𝗚 𝗟𝗜𝗣𝗨𝗡𝗔𝗡 𝗣𝗔𝗥𝗔 𝗦𝗔 𝗟𝗔𝗛𝗔𝗧!

Mga Sanggunian:

Alibudbud, R. (2023). Towards transforming the mental health services of the Philippines. The Lancet Regional Health – Western Pacific, 39, Article 100869. https://doi.org/10.1016/j.lanwpc.2023.100869

BBC News. (2026, September 18). Philippines: Three dead and eight injured in shooting at Banga high school. https://www.bbc.com/news/articles/c6x2z4dlzyr0o

BusinessWorld. (2026, October 9). Mental health group opposes blanket social media ban for minors. https://bworldonline.com/the-nation/2026/10/09/785907/mental-health-group-opposes-blanket-social-media-ban-for-minors/

Sarao, Z. (2026, October 9). Strengthened mental health programs needed amid rising su***de cases. INQUIRER.net.
https://newsinfo.inquirer.net/2203185/strengthened-mental-health-programs-needed-amid-rising-su***de-cases

SERP-P. (n.d.). Mental health issues (Socioeconomic Issue in Spotlight). Socioeconomic Research Portal for the Philippines; Philippine Institute for Development Studies. Retrieved October 10, 2026, from https://serp-p.pids.gov.ph/feature/public/index-view?feauredtype_id=1&slug=Mental-Health-Issues

TalkSaya. (2026, July 7). Mental health statistics Philippines.
https://talksaya.com/blog/mental-health-statistics-philippines

10/10/2026

HAPPY MAKOM DAY!👓

A special day for our industrious and stellar resident associate!🌟

A great asset in every space he enters, he can lead thought-provoking conversations and seamlessly shift to more personal talks, making his friends feel heard, seen, and understood. If you’re an introvert hoping someone will take the first move and start a conversation, he is there. If you’re an extrovert looking for someone to match your energy, he is everywhere!🫂

With his contagious smile, even the world’s heaviest days seem a little easier to bear. And with just a notification of his sidequest invitation, you can bet everyone is suddenly alive and ready to go.🎯

May your life be good to you as how good you are with others, and bring you closer to a future rich with purpose, growth, and endless possibilities! 📈

With love,
The UPLB Pre-Law Society💛❤️💙

09/10/2026

𝗧𝗵𝗮𝗻𝗸 𝘆𝗼𝘂 𝗳𝗼𝗿 𝘀𝗵𝗼𝘄𝗶𝗻𝗴 𝘂𝗽!💋⚖️

The UPLB Pre-Law Society extends its heartfelt appreciation to everyone who made 𝗧𝗵𝗲 𝗖𝗼𝘂𝗿𝘁𝗿𝗼𝗼𝗺 a success!

The organization has recognized your passion and dedication to understanding PLS. We hope this orientation has inspired you to uphold the values of 𝗮𝗰𝗮𝗱𝗲𝗺𝗶𝗰 𝗲𝘅𝗰𝗲𝗹𝗹𝗲𝗻𝗰𝗲, 𝘀𝗼𝗰𝗶𝗮𝗹 𝗮𝘄𝗮𝗿𝗲𝗻𝗲𝘀𝘀, and 𝘀𝗲𝗿𝘃𝗶𝗰𝗲 in your pursuit of becoming a pro-people lawyer.

Remember, every runway you walk will leave an impression, but what truly matters is what you will do after you leave the room.

𝙒𝙚 𝙝𝙤𝙥𝙚 𝙩𝙤 𝙨𝙚𝙚 𝙮𝙤𝙪 𝙞𝙣 𝙩𝙝𝙚 𝙤𝙧𝙜𝙖𝙣𝙞𝙯𝙖𝙩𝙞𝙤𝙣!💄

07/10/2026

𝗪𝗲 𝗵𝗮𝘃𝗲 𝗮 𝗹𝗶𝘁𝘁𝗹𝗲 𝗺𝗼𝗿𝗲 𝗶𝗻 𝘀𝘁𝗼𝗿𝗲. 📰✨

Couldn’t make it to the first orientation? There’s still a chance to get to know the UPLB Pre-Law Society and discover what makes PLS more than just a pre-law organization. ⚖️

Meet fellow aspiring lawyers, learn about our advocacies and activities, and get a closer look at the community behind PLS.
Join us for the 𝗣𝗟𝗦 𝟴𝘁𝗵 𝗦𝗽𝗲𝗰𝗶𝗮𝗹 𝗥𝗲𝗰𝗿𝘂𝗶𝘁𝗺𝗲𝗻𝘁 𝗢𝗿𝗶𝗲𝗻𝘁𝗮𝘁𝗶𝗼𝗻 via Zoom! 💻

Register here:
https://forms.gle/zFvADy5K1H9MMB2E6
https://forms.gle/zFvADy5K1H9MMB2E6
https://forms.gle/zFvADy5K1H9MMB2E6

🗓️ October 7, 2026 (Tonight)
🕢 7:00 PM
💻 Zoom

𝙁𝙡𝙤𝙧𝙖𝙡𝙨? 𝙁𝙤𝙧 𝙡𝙖𝙬? 𝙂𝙧𝙤𝙪𝙣𝙙𝙗𝙧𝙚𝙖𝙠𝙞𝙣𝙜. 🖋️⚖️

Address

UPLB
Los Baños
4031

Website

facebook.com

Alerts

Be the first to know and let us send you an email when The UPLB Pre-Law Society Official posts news and promotions. Your email address will not be used for any other purpose, and you can unsubscribe at any time.