06/10/2026
Id-devozzjoni lejn Sidtna Marija taħt it-titlu tas-Ssmu. Rużarju ġewwa Wied il-Għajn
Magħtul ix-xahar t'Ottubru, il-parroċċi kollha ta' Malta u Għawdex jiċċelebraw il-festa tal-Madonna tar-Rużarju, f'raħlna tkun iċċelebrata nhar il-Ġimgħa. F'bosta parroċċi d-devozzjoni lejn il-Madonna tar-Rużarju bdiet mit-twaqqif ta' fratellanza, iżda f'raħalna nistu ngħidu li bdiet b'xort'oħra.
L-ewwel referenza li għanna f'raħalna ta' devozzjoni lejn Sidtna Marija tar-Rużarju tmur lura għall-1855, meta Wied il-Għajn kien għadu biss raħal ċkejken u li jifforma parti minn Ħaż-Żabbar.
Fis-16 t'April tal-1855, in-Nobbli Luigi Manduca, Conti ta' Montalto, għamel rikors lill-Kappillan ta' Ħaż-Żabbar, sabiex jibni knisja ċkejkna ddedikata lill-Madonna tar-Rużarju, hekk li kellu devozzjoni partikolari lejha. Hu xtaq li l-knisja tintuża għall-bżonnijiet spirtwali tiegħu u tal-familja, u kif ukoll tkun ta' benefiċju għan-nies tal-viċinanzi. Din it-talba marret quddiem l-Arċisqof ta' Malta ta dak iż-żmien, Publio Maria Conti Sant, fejn intlaqa r-rikors fit-8 ta' Mejju ta' dik l-istess sena. Din il-knisja ġiet mibnija sena wara, fl-1856.
Ritratt Numru 1: l-ewwel paġna tar-rikors, fejn iġib id-data
Ritratt Numru 2: it-tieni paġna tar-rikors, fejn fih insibu r-referenza fejn in-Nobbli juri x-xewqa għall-knisja sabiex tiġi ddedikata lill-Beata Verġni taħt it-titolu tas-Ssmu. Rużarju
Ritratt Numru 3: il-pjanta tal-knisja, iz-zuntier u kif ukoll tas-sagristija
Ritratt Numru 4: pittura tal-Arċisqof Publio Maria Conti Sant
