10/10/2026
📢 “ХҮҮХДИЙН ТӨЛӨӨ ЗА БОЛ ЗААВАЛ ХИЙЕ” АЯНЫ ХҮРЭЭНД “ЭРСДЭЛ ХҮҮХДИЙН НҮДЭЭР” АРГА ХЭМЖЭЭ ЗОХИОН БАЙГУУЛАГДЛАА. 👧🏻🧒🏻
✅2026 оны 10 дугаар сарын 10-ны өдөр Өмнөговь аймгийн Хүүхдийн зөвлөлөөс санаачлан, Даланзадгад сумын Засаг даргын Тамгын газар, Өмнөговь аймгийн Хүүхэд, гэр бүлийн хөгжил, хамгааллын газартай хамтран “Хүүхдийн төлөө за бол заавал хийе” аяны хүрээнд “Эрсдэл хүүхдийн нүдээр” арга хэмжээг амжилттай зохион байгууллаа.
🤝 Тус арга хэмжээнд Даланзадгад хотын хүүхэд, өсвөр үеийнхэн болон хүүхдийн оролцооны байгууллагуудын төлөөлөл оролцож, хүүхдийн эрх, эрүүл, аюулгүй орчин, хүүхэд хамгаалалтай холбоотой тулгамдаж буй асуудлуудыг хүүхдийн нүдээр харж, санал бодлоо солилцон, шийдэл гаргах чиглэлээр хэлэлцүүлэг өрнүүллээ.
✅Хэлэлцүүлгийн үеэр хүүхдүүд өөрсдийн орчинд тулгарч буй эрсдэл, асуудлыг тодорхойлж, хүүхдэд ээлтэй, аюулгүй орчин бүрдүүлэхэд хүүхэд бүрийн оролцоо, гэр бүл, сургууль, төрийн байгууллага болон нийгмийн хамтын ажиллагаа чухал болохыг онцоллоо.
✅Мөн хүүхдийн оролцооны байгууллагуудын хамтын ажиллагааг бэхжүүлэх, цаашдын үйл ажиллагааг идэвхжүүлэх, хүүхдийн дуу хоолойг шийдвэр гаргах түвшинд хүргэх зорилгын хүрээнд Өмнөговь аймгийн Хүүхдийн зөвлөлийн тэргүүн, дэд тэргүүний сонгуулийг амжилттай зохион байгуулж, хүүхдийн оролцооны байгууллагуудтай хамтын ажиллагааны санамж бичиг байгууллаа.
🎉 Сонгуулийн үр дүнд Өмнөговь аймгийн Хүүхдийн зөвлөлийн тэргүүнээр Даланзадгад сумын Ерөнхий боловсролын 1 дүгээр сургуулийн 11а ангийн сурагч Батдорж овогтой Цэндсайхан, дэд тэргүүнээр Ерөнхий боловсролын 3 дугаар сургуулийн 10а ангийн сурагч Санжаасүрэн овогтой Марал нар сонгогдож, үүрэгт ажлаа хүлээн авлаа.
✅Хүүхдийн төлөөх аливаа сайн санаачилга зөвхөн үгээр бус, бодит үйлдлээр илэрхийлэгдэх учиртай.
✅Бидний үйл ажиллагааг үргэлж дэмжин, хүүхэд бүрийн дуу хоолой, оролцоог үнэлэн хамтран ажилладаг Өмнөговь аймгийн Хүүхэд, гэр бүлийн хөгжил, хамгааллын газар болон Даланзадгад сумын Засаг даргын Тамгын газар-ын хамт олондоо чин сэтгэлийн талархал илэрхийлье. 🤝
“ХҮҮХДИЙН ТӨЛӨӨ ЗА БОЛ ЗААВАЛ ХИЙЕ!” 💙💙
“ТЭГШ ОРОЛЦОО-ХЯЗГААРГҮЙ БОЛОМЖ