Отворена Порта - Open Gate: La Strada Macedonia

28/05/2026

📢 ОТВОРЕН ПОВИК ЗА ЕКСПЕРТИ/ТРЕНЕРИ

Здружението Отворена порта / Ла Страда објавува повик за ангажирање на експерти/тренери за јакнење на капацитетите и локалната координација на Локалните совети за превенција, во рамки на проектот „Од рехабилитација до отпорност: Патот напред“.

🔹 Се бараат лица со искуство во:
• превенција и спречување на насилен екстремизам (П/СНЕ)
• локална безбедност и социјална кохезија
• работа со млади и семејства во ризик
• онлајн радикализација, сајбер безбедност и дигитално насилство
• фасилитација на обуки и мултисекторска соработка

🔹 Ангажманот опфаќа:
• подготовка и спроведување на тематски работилници
• фасилитација на локални состаноци и иницијативи
• практична работа со случаи, групни вежби и дискусии
• поддршка на локални координатори за П/СНЕ
• подготовка на извештаи и евалуација на активности

📍 Активностите ќе се реализираат главно во општините Сарај, Гази Баба и Бутел.

📅 Период на ангажман: јуни 2026 – мај 2027
📩 Рок за аплицирање: 5 јуни 2026

Заинтересираните кандидати потребно е да достават кратка биографија (CV) на:
📧 [email protected]

Со назнака:
„Апликација за експерти/тренери – Локални совети за превенција“

Повеќе информации за условите, задачите и потребните квалификации се достапни на следниот линк:

25/05/2026

Денес го одбележуваме Меѓународниот ден на исчезнати деца.

Овој ден е потсетник дека илјадници деца ширум Светот секоја година се водат како исчезнати — а зад секој случај стои семејство што чека одговори.

Исчезнувањето на дете е момент на страв, неизвесност и многу прашања.

Токму затоа е важно да постои поддршка.

📞 116 000 постои за да обезбеди психосоцијална поддршка, насоки и поврзување со надлежните институции кога е најпотребно.

22/05/2026

Што се случува кога ќе се јавите на 116 000?

📞 Вашиот повик се слуша
🤝 добивате психосоцијална поддршка и насоки
🧭 заедно ги разгледуваме следните чекори

Може да се јавите и ако ви е потребен совет или поддршка — не мора веднаш да пријавите случај.

Доколку е потребно, случајот се проследува до надлежните институции.
Ние ве придружуваме низ процесот – чекор по чекор.

Во моменти кога секоја минута значи многу, важно е да имате поддршка.

21/05/2026

For decades, workers at the Leonarda factory in Croatia produced clothing for . Then Benetton exited Croatia. Factories closed and 28 workers from the Leonarda factory lost their jobs without warning.

More than a year later, fifty thousand euros in severance pay are still outstanding.

Benetton likes to present itself as a socially responsible brand. But workers who spent decades making their clothes are still waiting for justice. Brands cannot walk away while workers are left to pay the price.

We are joining activists from around Europe this week in standing up to big fashion to call for justice.



Clean Clothes Campaign

21/05/2026

📢 Fashion justice means standing with workers — not corporations that refuse to pay what workers are owed.

Yesterday, together with trade unions, garment workers, activists, and partners from the Clean Clothes Campaign network, we joined a protest in Milan in solidarity with workers demanding justice and unpaid wages from Benetton.

Behind the image of “fashion” are thousands of workers whose labour keeps the industry alive, yet too often they are left underpaid, unheard, and unprotected. Through chants, banners, and collective action, we reminded the public and brands alike that there is no ethical fashion without workers’ rights, dignity, and fair pay.

✊ “No fashion without justice.”
✊ “Pay your workers.”
✊ “Fashion justice can’t wait.”

As part of the Clean Clothes Campaign, we continue to stand in solidarity with garment workers everywhere and support efforts for accountability, fair wages, safe working conditions, and respect for labour rights across the global fashion industry.

20/05/2026

Кога ќе се јавите на 116 000, не добивате само информација.

Добивате:
🤝 поддршка во момент на страв и неизвесност
📋 водство низ следните чекори
⚖️ информации за вашите права

Секој повик е доверлив.

Не сте сами.

18/05/2026

Од 1 март, европската линија за исчезнати деца 116 000 е достапна и во Македонија.

Ако дете исчезне – не мора да се соочите сами со ситуацијата.

📞 116 000 е бесплатна и достапна 24/7
Обезбедуваме:
✔ психосоцијална поддршка
✔ правна навигација
✔ насочување до надлежни институции

Ние сме тука да ве поддржиме во најтешките моменти!

11/05/2026

📍Отворена порта / Ла Страда од 6 до 8 мај во Скопје ја одржа обуката „Психосоцијална поддршка, рехабилитација и реинтеграција (РиР) за повратници и нивните семејства“, наменета за професионалци кои работат со ранливи категории.

Настанот го отвори Павле Трајанов, Национален координатор за спречување на насилен екстремизам и борба против тероризам, кој ја истакна важноста од координиран и сеопфатен пристап во поддршката на повратниците и нивните семејства.

Учествуваа социјални работници, психолози и стручни тимови од центрите за социјална работа и образовните институции, кои преку интерактивни сесии, практични вежби и студии на случај ги зајакнаа своите знаења и вештини за обезбедување психосоцијална поддршка, справување со траума и поддршка во процесите на рехабилитација и реинтеграција.

Во текот на трите дена беа обработени теми поврзани со:
🔹 траума-информиран пристап
🔹 работа со семејства
🔹 процеси на рехабилитација и реинтеграција
🔹 рана детекција на ризици
🔹 практични техники за стабилизација и интервенција
🔹 грижа и поддршка за професионалци и превенција од burnout.

Веруваме дека континуираното јакнење на капацитетите на професионалците е клучно за обезбедување навремена, квалитетна и сеопфатна поддршка за повратниците и нивните семејства.

Оваа активност се реализираше во рамки на проектот „Од рехабилитација до отпорност: Патот напред“, финансиран од Фондот за зајакнување и отпорност на глобалната заедница (GCERF), имплементиран од Отворена порта / Ла Страда во партнерство со Македонскиот центар за меѓународна соработка (МЦМС) и ЦЗО.

04/05/2026

На 9 и 29 април, Отворена Порта организираше две средби на работната група посветена на развојот на Минимални стандарди за центар за жртви на трговија со луѓе, во соработка со Министерството за социјална политика, демографија и млади. 🤝

Оваа работна група претставува клучен чекор кон воспоставување на јасна и сеопфатна рамка за квалитет, заштита и континуитет на услугите за жртвите на трговија со луѓе.

Минималните стандарди ќе обезбедат:
✔️ јасни насоки за организација и функционирање на засолништата
✔️ квалитетни и координирани услуги за поддршка и заштита
✔️ пристап насочен кон жртвата и заснован на човекови права
✔️ траума-информиран пристап и активно вклучување на преживеаните
✔️ механизми за мониторинг, евалуација и контрола на квалитетот
✔️ поддршка за реинтеграција и живот по напуштање на засолништето

📣 Воспоставувањето на минимални стандарди е суштинско за да се обезбеди достоинствена, безбедна и ефективна поддршка за сите жртви – без разлика на нивната ситуација.

✨ Овие активности се реализираат во рамки на проектот „Безбедно засолниште: Проширување на ресурсите за засолништа за жртвите на трговија со луѓе во Западен Балкан“, финансиран од Стејт Департментот на САД 🇺🇸.

Проектот го спроведуваме заедно со нашите партнери од регионот:
🤝 NVO Atina (Србија)
🤝 Fondacija "Lara" (БиХ)
🤝 Mary Ward Loreto (Албанија)
🤝 World Vision Albania (Албанија)
🤝 World Vision Bosna i Hercegovina (БиХ)

01/05/2026

Денес, на 1 Мај – Меѓународниот ден на трудот, официјално е објавен Манифестот за праведна модна индустрија.

Модната индустрија предолго се гради врз ниски плати, несигурни услови и експлоатација.
Време е за промена.

👉 Нема климатска правда без работнички права.
👉 Иднината на модата мора да ги вреднува луѓето и да ја обновува природата – не да ги експлоатира за профит.

Во изминатата година, заедно со млади луѓе, работници и партнери, работевме на создавање на овој Манифест – документ кој поставува клучни принципи за праведна транзиција во модната индустрија.

Имаме визија за модна индустрија која ги штити работниците и создава достоинствени, климатски одржливи работни места на здрава планета.

Но ова не можеме без Вас.
👉 Поддржете го Манифестот денес и бидете дел од промената.

📖✍️ Прочитајте го и поддржете го Манифестот:
https://cleanclothes.org/manifesto

👉 Секој потпис значи притисок за промена.
👉 Вашиот глас е важен.

📢 Споделете и бидете дел од движењето за праведна модна индустрија.

Clean Clothes Campaign

A guiding star for a Just Transition to a renewed future of fashion.