សម្ព័ន្ធសមណនិស្សិត-និស្សិតខ្មែរកម្ពុជាក្រោម UKKBS

Home
Cambodia
Phnom Penh
សម្ព័ន្ធសមណនិស្សិត-និស្សិតខ្មែរកម្ពុជាក្រោម UKKBS

ធនធានមនុស្ស ជាមូលដ្ឋានគ្រឹះនៃការកសាងសង្គម
ទំនាក់ទំនង ការិយាល័យកណ្ដាល : +85512992470

29/10/2026

#សារលិខិតរំលែកមរណទុក្ខ

11/10/2026

អនុមោទនាបុណ្យភ្ជុំបិណ្ឌ(សែនដូនតា)

អប្បមាទោ អមតំ បទំ សេចក្ដីមិនប្រមាទ
អត្ថន័យ«មិនប្រមាទ»
• សេចក្តីមិនប្រមាទ (អប្បមាទ)៖ សំដៅលើការមាន «សតិ» ឬស្មារតីរលឹកដឹងខ្លួនជានិច្ច មិនថាក្នុងការគិត ការនិយាយ ឬការធ្វើសកម្មភាពផ្សេងៗ។ នៅក្នុងផ្លូវធម៌ អ្នកដែលមានសតិគ្រប់គ្រងចិត្តមិនឱ្យធ្លាក់ទៅក្នុងអកុសល តែងតែសាងតែសេចក្តីល្អ ដែលជាផ្លូវនាំទៅរកការរួចផុតពីទុក្ខ (មិនស្លាប់)។

សរុបមក ធម៌មិនប្រមាទគឺជាកំពូលនៃធម៌ទាំងពួង ដែលបណ្ឌិត និងអ្នកប្រាជ្ញតែងតែរក្សាទុកដូចជាទ្រព្យដ៏ប្រសើរបំផុត ដើម្បីដឹកនាំជីវិតទៅរកសេចក្តីសុខ វឌ្ឍនភាព និងសេចក្តីរុងរឿង។

10/10/2026

អប្បមាទញ្ច មេធាវី ធនំសេដ្ឋំវ រក្ខតិ
"ជនមានប្រាជ្ញា តែងរក្សានូវសេចក្តីមិនប្រមាថ ដូចជាទ្រព្យដ៏ប្រសើរ"។

ការពន្យល់ពាក្យគន្លឹះ

• អប្បមាទ (សេចក្តីមិនប្រមាថ)៖ ការមិនធ្វេសប្រហែស ការមានស្មារតីរំលឹកដឹងខ្លួនជានិច្ចក្នុងការធ្វើអំពើល្អ និងការបំពេញភារកិច្ច។
• មេធាវី (ជនមានប្រាជ្ញា)៖ អ្នកដែលចេះគិតពិចារណាវែងឆ្ងាយ ដឹងខុសត្រូវ គុណទោស ជឿជាក់លើហេតុនិងផល។
• ធនំសេដ្ឋំ (ទ្រព្យដ៏ប្រសើរ)៖ ទ្រព្យសម្បត្តិដែលមានតម្លៃខ្ពង់ខ្ពស់បំផុត ដែលគេត្រូវថែរក្សាការពារយ៉ាងម៉ត់ចត់។

អត្ថន័យអប់រំ និងការអនុវត្តក្នុងជីវិត

ព្រះសម្មាសម្ពុទ្ធទ្រង់ប្រៀបប្រដូច "សេចក្តីមិនប្រមាថ" ទៅនឹង "ទ្រព្យសម្បត្តិដ៏មានតម្លៃបំផុត"ពីព្រោះ៖
១. ការការពារខ្លួន៖ មនុស្សទូទៅតែងចេះលាក់ទុក និងការពារលុយកាក់មាសប្រាក់មិនឱ្យបាត់បង់យ៉ាងណា ជនមានប្រាជ្ញាក៏ត្រូវយកចិត្តទុកដាក់ក្តោបក្តាប់ "ស្មារតី" របស់ខ្លួនមិនឱ្យភ្លាត់ភ្លាំងយ៉ាងនោះដែរ។
២. ប្រភពនៃភាពជោគជ័យ៖ សេចក្តីមិនប្រមាថ ឬការមានស្មារតីប្រុងប្រយ័ត្នជានិច្ច គឺជាឫសគល់នាំមកនូវសេចក្តីសុខ វឌ្ឍនភាព ទាំងផ្លូវលោក (ការសិក្សា ការងារ មុខរបរ) និងផ្លូវធម៌ (ការអភិវឌ្ឍផ្លូវចិត្ត)។
៣. ការជៀសផុតពីក្តីវិនាស៖ មនុស្សដែលរស់នៅដោយភាពធ្វេសប្រហែស ប្រៀបដូចជាមនុស្សដែលស្លាប់ទៅហើយ ព្រោះអាចធ្លាក់ខ្លួនទៅក្នុងអំពើអបាយមុខឬកំហុសឆ្គងធ្ងន់ធ្ងរបានគ្រប់ពេល។

09/10/2026

ពុទ្ធភាសិតអប់រំ

* # អកតំ ទុក្កដំ សេយ្យោ អំពើអាក្រក់ មិនធ្វើសោះឡើយប្រសើរជាង

១.កុំធ្វើអំពើបាប៖ ការមិនធ្វើអំពើអាក្រក់ ទោះបីជាមិនបានទទួលផលអ្វីភ្លាមៗតែវាប្រសើរជាងការធ្វើខុសរួចមកអង្គុយសោកស្តាយ ឬទទួលការឈឺចាប់ជា បន្តបន្ទាប់។
២.គប្បីធ្វើតែអំពើល្អ៖ អំពើល្អដែលធ្វើហើយនឹងមិននាំមកនូវក្តីក្តៅក្រហាយឬវិប្បដិសារី (ការស្តាយក្រោយ) នាពេលអនាគតឡើយ។

* # និព្វាន បរមំ សុខំ ព្រះនិព្វាន ជាសុខយ៉ាងក្រៃលែង
មូលហេតុដែលព្រះនិព្វានជាសុខយ៉ាងក្រៃលែង៖
•-ការរលត់ទុក្ខ៖ ព្រះនិព្វានជា និរោធសច្ចៈ គឺការរលត់ទៅនៃសេចក្តីទុក្ខទាំងពួង ក៏ដូចជាការរលត់ទៅនៃការកើត ជរា ព្យាធិ និងមរណៈ។
•-ការស្ងប់រម្ងាប់សង្ខារ៖ ព្រោះជាទីរលត់ ឬស្ងប់រម្ងាប់នូវសង្ខារទាំងឡាយដែលជា ហេតុនៃក្តីទុក្ខ។
•-សុខដោយមិនប្រែប្រួល៖ ជាសុខដែលមិនាការតបស្នង ឬការប្រែប្រួលជាទុក្ខវិញឡើយ។

08/10/2026

ពុទ្ធភាសិតអប់រំ

-អប្បមាទោ អមតំ បទំ
សេចក្ដីមិនប្រមាទ ជាផ្លូវនៃសេចក្ដី
មិនស្លាប់។
សេចក្ដីមិនប្រមាទ ជាឈ្មោះរបស់សតិដែលតាំងមាំជានិច្ច ដោយអត្ថ
គឺការមិននៅប្រាសចាកសតិ។ សេចក្ដីមិនប្រមាទ ជាឫសគល់នៃ
កុសលធម៌ទាំងអស់ ជាទីប្រជុំចុះនៃកុសលធម៌ទាំងពួង ប្រៀបដូច
ជាស្នាមជើងដំរី ជាស្នាមជើងដ៏ធំ ជាទីប្រជុំចុះនៃព្រះពុទ្ធវចនៈក្នុង
៤៥ ព្រះវស្សាផងដែរ។

- មនោបុព្វង្គមា ធម្មា ធម្មទាំងឡាយមានចិត្តជាប្រធាន (មានចិត្តប្រសើរបំផុត សម្រេចអំពីចិត្ត បើបុគ្គលមានចិត្តជ្រះថ្លាហើយពោលក្ដី ធើ្វក្ដី (រមែងជាសុចរិត) ព្រោះសុចរិតទាំងនោះសុខរមែង ជាប់តាមបុគ្គលនោះទៅ ដូចស្រមោលអន្ទោលតាមប្រាណ)។

07/10/2026

ទុច្ចរិតដោយចិត្ត ឬ មនោទុច្ចរិត គឺការប្រព្រឹត្តអាក្រក់ ឬគិតខុសផ្លូវបាបដោយចិត្ត
- អភិជ្ឈា៖ គិតរំពៃចង់បានទ្រព្យរបស់អ្នកដទៃមកជាខ្លួន
- ព្យាបាទ៖ គិតចង់ប្រទូស្តរាយ ឬប៉ងគ្រោះថ្នាក់ដល់អ្នកដទៃ
- មិច្ឆាទិដ្ឋិ៖ ការយល់ឃើញខុសពីគន្លងធម៌ ឬខុសការពិត

05/10/2026

ទុច្ចរិតដោយវាចា ហៅថា វចីទុច្ចរិត គឺជាការប្រព្រឹត្តអាក្រក់ដោយសម្ដី

វចីទុច្ចរិត ៤ យ៉ាង

- ការនិយាយកុហក (មុសាវាទ)៖ ការពោលពាក្យមិនពិត បោកប្រាស់ ឬភូតកុហកអ្នកដទៃឱ្យយល់ច្រឡំ។
- ការនិយាយញុះញង់ (បិសុណាវាចា)៖ ការពោលពាក្យស៊កសៀត ឬនិយាយបង្កាច់បង្ខូចដើម្បីបំបែកបំបាក់គេឱ្យខុសគ្នា។
- ការនិយាយអាក្រក់ (ផរុសវាចា)៖ ការពោលពាក្យផ្តាសា ជេរប្រទេច ឬប្រមាថដោយពាក្យសម្តីធ្ងន់ៗ។
- ការនិយាយអត់ប្រយោជន៍ (ពោលពាក្យក្រៅផ្លូវការរកប្រយោជន៍គ្មាន ៖ ការនិយាយពាក្យឥតប្រយោជន៍ ឬនិយាយរោយរាយគ្មានខ្លឹមសារនាំឱ្យខាតពេល។

05/10/2026

កាយទុច្ចរិត គឺការប្រព្រឹត្តអាក្រក់ឬខុសឆ្គងតាមរយៈផ្លូវកាយ ដែលជាអំពើបាប
យោងតាម ពុទ្ធឱវាទ កាយទុច្ចរិតមាន ៣ ប្រការ៖
- បាណាតិបាត (សម្លាប់សត្វ)៖ ការធ្វើសត្វមានជីវិតឱ្យធ្លាក់ចុះកន្លង គឺការបំបាត់អាយុជីវិតសត្វដោយខ្លួនឯង ឬប្រើអ្នកដទៃឱ្យធ្វើសម្លាប់។
- អទិន្នាទាន (លួចទ្រព្យគេ)៖ ការកាន់យក ឬប្លន់យកនូវវត្ថុទ្រព្យសម្បត្តិដែលម្ចាស់គេមិនបានឱ្យ ដោយកាយ ឬប្រើឧបាយកលផ្សេងៗ។
- កាមេសុមិច្ឆាចារ (ប្រព្រឹត្តខុសក្នុងកាម)៖ ការប្រព្រឹត្តខុសឆ្គងក្នុងកាមទាំងឡាយ ដូចជាការបំពានលើប្រពន្ធ កូន ឬស្វាមីរបស់អ្នកដទៃដែលមិនមែនជាកម្មសិទ្ធិរបស់ខ្លួន។

04/10/2026

សុចរិតដោយចិត្ត» គឺជាការប្រព្រឹត្តល្អ ឬគិតត្រឹមត្រូវតាមផ្លូវចិត្ត ដែលក្នុងពុទ្ធសាសនាហៅថា មនោសុចរិត។

អំពើសុចរិតដោយចិត្តមាន ៣ យ៉ាងសំខាន់ៗ៖
មិនលោភលន់៖ មិនតាំងចិត្តគិតរំពៃ ឬចង់បានទ្រព្យសម្បត្តិរបស់អ្នកដទៃមកជារបស់ខ្លួន។
មិនព្យាបាទ៖ គ្មានចិត្តចងគំនុំ គុំកួន ឬចង់ឱ្យអ្នកដទៃវិនាសអន្តរាយ ព្រមទាំងមានចិត្តមេត្តាករុណាចង់ឱ្យអ្នកដទៃមានសេចក្តីសុខ។
មានសម្មាទិដ្ឋិ៖ យល់ឃើញត្រឹមត្រូវតាមខ្នាតកាប់កម្មផល គឺជឿជាក់ថាធ្វើបុណ្យបានបុណ្យ ធ្វើបាបបានបាប និងយល់ហេតុផលតាមច្បាប់ធម្មជាតិ។

03/10/2026

វចីសុចរិត គឺការប្រព្រឹត្តត្រូវតាមផ្លូវវាចា ឬការនិយាយស្តីល្អស្អាត ប្រាសចាកទោសទាំងពួង

វចីសុចរិតមាន ៤ ប្រការ
- សច្ចវាចា (ការនិយាយពាក្យពិត) ការតាំងចិត្តនិយាយតែការពិត មិននិយាយកុហក បោកប្រាស់ ឬភូតភរអ្នកដទៃ។
- អបិសុណាវាចា វៀរចាកពាក្យស៊កសៀត៖ មិននិយាយញុះញង់ ស៊កសៀត ឬនិយាយបញ្ឆោះឱ្យគេបែកបាក់សាមគ្គីគ្នា។
- សណ្ហវាចា (ការនិយាយពាក្យពីរោះ) ការនិយាយពាក្យទន់ភ្លន់ ពីរោះពិសា ស្ដាប់ឮហើយជាទីគាប់ចិត្ត និងសុខស្រួលដល់អ្នកស្ដាប់។
- មត្តភាសា និយាយពាក្យមានប្រយោជន៍ ការនិយាយពាក្យសមរម្យ និយាយប្រមាណដល់កិច្ចការ មិននិយាយពាក្យរោយរាយឥតខ្លឹមសារ ឬនិយាយរឿងអត់ប្រយោជន៍។

Address

Nº 17 Wat Botumvatey, Street 264, Sangkat Chaktomok, Khan Daun Penh
Phnom Penh

Telephone

+85512992470

Website

http://ukkbs.org/

Alerts

Be the first to know and let us send you an email when សម្ព័ន្ធសមណនិស្សិត-និស្សិតខ្មែរកម្ពុជាក្រោម UKKBS posts news and promotions. Your email address will not be used for any other purpose, and you can unsubscribe at any time.