24/07/2025
https://www.facebook.com/share/19dqhZ4gJP/
Pynthymmai ka KSU Kyrshai Unit ia ki Nongkitkam na ka bynta ka term 2025 - 2028.
Ka KSU Kyrshai Unit kaba hap hapoh ka Rambrai Circle kaba hap haka jingpeit jingkhmih jong ka KSU West Khasi Hills District Unit haka 23 tarik July 2025 ka la ïoh ban pynthymmai ïa ki Nongkitkam na ka bynta ka samoi treikam 2025 - 2028. Ha katei ka lympung jingïalang la pynïaid ïa ka jingïalang da U Samla Wanbhakupar L Nonglait (Organising Secretary KSU West Khasi Hills District)
Ïa ki Dkhot bad ki Nongkitkam ba thymmai la ïoh ban pynskhem bad pyntiansmai da U Samla Spaiñdar Lyngkhoi (Office Secretary KSU CEC) ha ryngkat ka jingïadon lang jong ki Nongïalam jong ka KSU CEC bad ruh ki Nongïalam jong ka KSU West Khasi Hills District Unit naduh U Samla Mixstarwell Samakha (Vice President KSU West Khasi Hills District), Samla Banlumlang Nonglang (Publicity Secretary KSU West Khasi Hills District Unit) bad kiwei pat ki Nongïalam kumjuh ruh ki Nongïalam jong ka KSU Rambrai Circle naduh U Samla Pyrshang Jyrwa (President KSU Rambrai Circle), Samla Dankobartis Nongphud (General Secretary KSU Rambrai Circle) bad kiwei pat ki nongïalam.
Ha katei ka lympung pyntiansmai la ïoh ban ai jingkren ban kyntu kynpham da ki Samla Nongialam jong ka KSU Rambrai Circle, ki Nongïalam jong ka KSU West Khasi Hills District Unit bad ki Nongïalam jong ka KSU Central Executive Council, kumjuh ruh la ïoh ban jingkren na I Bah Phistarwell Syiem u ba dei U Riewrangbah na ka Shnong Kyrshai u ba ju ïai don ha syndah bad kyrshan ïaka KSU Kyrshai Unit haman la ki por.
Hadien ba la ïoh ban pyntiansmai ïa ki Dkhot jong ka KSU Kyrshai Unit na ka liang jong u Samla Spaiñdar Lyngkhoi u la ai jingkren haka ba nyngkong eh U la pynpaw halor ka jingeh ban im ha ka jaka khappud namar ka jingbun jong ki paradoh parasnam ki bymsngewthuh kiba kwah ban donlang ha ki wei pat ki jylla ban ioh ia ki jingmyntoi shimet, kumta u la kyntu kynpam ia ki para Dkhot ba ngin dei ban peit bniah bad ban ym shongkli kti hynrei dei ban trei sh*tom ban pynsngewthuh ïa ki para Ri ba hashuwa ba ngin long tang ki nongshongwai jong ki mynder bs to ngin kyndit bynriew. Kumjuh ruh u la pynkut ïa ka jingkren da ka jingai ka jingkitbok kitrwiang bad kyrkhu kyrdoh na ka bynta jong ki samla ba kin ym dei ban tieng ia ki jingeh baroh hynrei ki dei ban ieng skhem ban ïaleh namar ki nongïalam barangbah kin don ha syndah jong ki.
