04/04/2026
Ha ka 4 tarik u laiong 1829, U Pa'iem Tirot Sing lem bad k*mba 500 ngut ki rangialeh ka hima Nongkhlaw ki la hiar thma kyndit ia ka k*t shipai jong ka sorkar Bilat ha Nongkhlaw ha kaba ka la jia ka jingiaumsnam kaba jur bha. Ha kane ka jingialeh, ki rangsatar jong u Pa'iem Tirot Sing ki la ioh ban pyniap ia ar ngut ki heh shipai dohlieh jong ka Bengal Artillery kiba kynthup ia u Lieutenant R. Bedingfield bad u Lieutenant Phillip Bowles Burlton. Ki shipai ka hima Nongkhlaw wat la ki la duh bun ki mynsiem napdeng ki jong ki hynrei ki la ioh ruh ban pynap haduh 50-60 ngut ki sepoys ne ki shipai langrut kiba na ri thor.
Kane ka jingjia ha ka 4 tarik u laiong 1829 ka long k*mba iuh tdong bsein ia ka sorkar Bilat kaba donbor haduh katta katta. Hadien kane ka jingjia ki heh shipai jong ka sorkar Bilat ki la phet lut na hima Nongkhlaw bad ka sorkar Bilat mar mar ka la phah ki pyrton shipai na ka Bengal Native Infantry ban tehlakam ia ki hima Khasi kynthup ia u Pa'iem Tirot Sing. Hapdeng jong ka jingkhlain bor bad biang ki tiar ialeh katk*m ka juk, jong ka sorkar Bilat, ki paid Khasi ki la iakhum dohiap dohim da ki waitlam, ki sum, ki khnam, ki ryntieh bad hateng hateng da ki suloi ba ki ioh knieh na ki shipai ka sorkar Bilat. Kane ka thma ka la neh haduh 4 snem kynthih tad haduh ka jingshah kem noh jong u Pa'iem Tirot Sing ha u snem 1833 ha kaba la pynryngkang par ia u na ka ktem shipai ha Mairang sha Guwahati bad khatduh shaphatok ha Dhaka ha kaba u la khlad noh na ka pyrthei ha ka 17 tarik u Naitung 1835 hapdeng ka jingsh*tom kaba jur.Wat la u David Scott u la lait phet da ka jingshet kylla ki baieit bathoiñ u Syiem Tirot, hynrei ym lah ban klet ia kane ka sngi k*m Ka Sngi ka Jingialeh, Ka Sngi Kyndit Bynriew bad ka Sngi Kyrsiew ka Jaitbynriew. Dei na kane ka daw ruh ba ka KSU ka sa rakhe ia kane ka sngi k*m kata Ka Sngi Kyrsiew Ri (Khasi National Awakening Day).
Ko samla samhoi kane ka dei ka sngi ban Kyrsiew ia U khun Khasi Khara ha kylleng ka bri u Hynñiewtrep Hynñiewsk*m. To da bud ia ki dienjat ki longshuwa manshuwa U Syiem Tirot Sing, U Kiang Nangbah, U païem Wickliffe Syiem, U Monbhut bad ka Phan nonglait.
