What are the opening hours?

Monday 09:30 - 18:00 Tuesday 09:30 - 18:00 Wednesday 09:30 - 18:00 Thursday 09:30 - 18:00 Friday 09:30 - 18:00

Friends of the Earth (HK) 香港地球之友

Home
Hong Kong
Hong Kong
Friends of the Earth (HK) 香港地球之友

Established in 1983 as a charitable organisation — it is one of Hong Kong's most prominent green groups.

28/10/2026

呢個十月，我哋同大家走過10個日子。

🐾 世界動物日
⚡ 能源效益日
💚 世界心理健康日
🏠 國際減災日
🔌 國際電子廢物日
🌾 世界糧食日
🌿 重陽節
🦥 國際樹懶日
🌍 國際氣候行動日
🐼 國際熊貓日

10個日子，各有不同面向。
但其實，佢哋全部都指向同一個答案：
可持續發展，從來唔只係「環保」。

佢關乎動物同生態嘅存續，
係我哋每日用嘅每一度電，
係面對災害時嘅適應力，
係我哋點樣對待用唔着嘅電子產品同食剩嘅飯，
亦係我哋對長者、對自己，以至對呢個星球嘅態度。

講到底，可持續發展就係想每一個生命——包括你同我——都可以好好活著。而「好好活著」唔係遙遠口號，就喺你隨手熄燈、帶走垃圾、行多一步、諗多一步嘅日常裡面。

今日係世界可持續發展日。
就由日常大大小小嘅事開始，
一齊守護每一個生命 🌱

#可持續發展 #香港地球之友 #氣候行動

27/10/2026

【10.27 國際熊貓日 🐼「傘護種」☔﹕保謢大熊貓同時撐起成個森林？】🌳✨

今日係國際熊貓日（International Panda Day）！希望透過呢個節日喚起全球對野生動物及其棲息地保護嘅關注！🐼💚

講起大熊貓，你第一時間會諗起佢哋食竹同懶洋洋嘅Cute樣？🐼但其實喺生態學上，大熊貓係極其關鍵嘅傘護種（Umbrella Species）！☔🐾

💡 咩係「傘護種」☔？

係指「棲息地需求能涵蓋廣泛生物嘅物種」。大熊貓生存需要極廣闊、健康嘅原始森林。只要我哋撐起一把「保護傘」去保護大熊貓嘅棲息地，生活喺同一片森林嘅川金絲猴、雪豹、紅腹錦雞等稀有動物，甚至係上千種原生動植物，都可以喺呢把傘下一同得到保護！

保護一種傘護種＝保育成個森林生態系！ 🌳✨

雖然香港冇野生大熊貓，但香港作為消費都市，我哋日常用嘅紙張竹製品、碳排放，都間接影響緊遠方森林嘅命運！

💡 【守護生態！我哋可以點做？】

1️⃣ 🌳 支持 FSC 認證：選購永續紙張/竹製品，拒絕源頭濫伐，保護原生森林。

2️⃣ 🌿 愛護自然棲息地：行山恪守「山野無痕」、不打擾、不破壞

3️⃣ 🥗源頭減碳減耗：源頭減碳、少用一次性塑膠，減緩氣候變化對生態嘅衝擊。

支持生態保育，為野生動物守護連貫嘅綠色家園！ 🌱💚

#國際熊貓日 #大熊貓 #傘護種 #生物多樣性 #棲息地保護 #生態廊道 #香港地球之友

27/10/2026

【大人細路齊護林！🌳 感謝 AEON 贊助「綠林降碳2026」首場護林活動】

上個週末，香港地球之友獲AEON Stores Hong Kong贊助，聯同 32名永旺義工隊義工及 28位「永旺奇樂思俱樂部」小會員，一齊走入大欖郊野公園圓墩郊遊徑，參與今年首場「綠林降碳2026」護林活動。

活動當日，大小朋友齊齊落手落腳，為 AEON 今年4月種植嘅其中 360棵樹苗除草、施肥，用行動守護小樹苗健康成長。🌱 完成護林工作後，大家仲參加自然生態導賞，喺地球之友團隊嘅帶領下，運用不同感官探索樹林生態、認識各種植物，進一步了解香港嘅自然環境同生物多樣性。

再次感謝 AEON 多年來對本會環保工作的支持。在實踐企業社會責任、支持環境保護之餘，亦為下一代培養愛護環境嘅心。

推動氣候行動，需要每一份力量。誠邀更多企業加入「綠林降碳」，一齊守護香港綠林，為香港嘅可持續未來出一分力！🌿

了解更多活動詳情：https://tinyurl.com/2yhbytud

#香港地球之友 #永旺 #永旺奇樂思俱樂部 #綠林降碳2026 #護林活動 #大欖郊野公園 #親子環保 #氣候行動 #企業社會責任

26/10/2026

🌿 連結綠色產業與國際資源，推動環保科技走向實踐

10月22日，由中華環保聯合會主辦的「『一帶一路』綠色品牌出海計劃——香港專題活動（環保與新能源產業出海論壇）」在北京舉行。香港地球之友作為支持單位之一，參與促成此次交流，與內地環保及新能源企業、海外項目代表，以及香港投資推廣署 Invest Hong Kong、金融及專業機構共同探討綠色產業的國際合作機遇。

近年，內地環保及新能源產業在技術研發與實際應用方面累積了豐富經驗，為應對不同地區的環境挑戰提供了更多可行方案。論壇上，來自泰國、斯里蘭卡等地的代表分享當地在污水治理、廢物處理及綠色基礎設施等領域的項目需求，內地企業則展示各自的技術優勢與應用案例，為雙方尋找合作契機創造了交流機會。

香港地球之友董事會主席葉廣濤先生在論壇上分享香港在綠色金融及可持續發展方面的優勢，並就企業國際化過程中的環境、社會及管治（ESG）要求、跨境合規及氣候轉型風險等議題展開交流。活動亦獲得香港投資推廣署及金融機構支持，透過政策介紹、專業諮詢及一對一項目對接，協助企業了解以香港為平台拓展海外市場的實際路徑。

香港地球之友支持此次活動，旨在促進內地優秀環保及新能源企業與國際市場的連結，讓具備應用潛力的綠色技術有機會回應不同地區的環境需求。我們希望發揮獨立民間環保組織的橋樑作用，結合香港的綠色金融及專業服務優勢，促進企業、金融機構與海外合作夥伴之間的交流，支持環保技術在更廣泛的市場落地應用。

論壇亦為香港地球之友拓展了與環保及新能源企業的聯繫，為日後開展多元合作奠定基礎。除了探索綠色產業及可持續發展相關合作，我們亦期待將企業的技術創新與實踐經驗轉化為地球學院的教育資源，透過真實案例，幫助青少年理解環境問題與科技創新之間的關係，認識綠色轉型在現實中的機遇與挑戰。

香港地球之友將繼續連結各界力量，推動綠色技術、專業資源與實際環境需求的有效對接，促進跨地域合作，讓科技創新轉化為更廣泛的環境效益，助力建設綠色經濟和低碳社會！

#香港地球之友 #綠色科技 #新能源 #綠色金融 #氣候行動 #綠色經濟 #東盟 #香港 #北京 #可持續發展

26/10/2026

【11月「惜物・換物」環保回收活動時間表】

清衣櫃＋換家品，一次過搞掂！

11月「惜物・換物」又嚟喇～屋企有啲衫已經唔再著？一次過執乾淨，帶過嚟「惜物・換物」活動，既可以實踐減廢回收，又可以換走實用小禮物，輕鬆又實用。香港地球之友將於11月喺不同地區及屋苑舉辦活動，部分場次仲會開放畀公眾，大家快啲mark實日子。收集到嘅二手衣物會轉贈畀有需要嘅家庭，延續物品價值。

溫馨提示：
請確保捐贈物品乾淨及狀況良好。
各場次可換領禮品數量有限，換完即止。
（想知邊啲物品可以回收，請睇留言區👇）

#香港地球之友 #惜物換物 #環保回收 #舊衣回收 #衣物捐贈 #減廢回收 #可持續生活 #綠色生活 #香港環保 #換季回收 #11月回收活動

24/10/2026

【🌏氣候危機不再是未來預警：10.24 國際氣候行動日🔥】

每年 10 月 24 日為「國際氣候行動日」（International Day of Climate Action）。這一天提醒著全球社會：氣候變遷早已超越警示階段，成為此刻正在衝擊人類社會與經濟體系的現實危機。

從破紀錄的全球均溫、高頻率出現的極端天候事件，到海平面上升及生態系統退化，大自然的反撲展現了氣候系統的脆弱性。面對全球升溫 1.5°C 的臨界線，加速減碳與淨零轉型已是全球不可逆的共識。

應對氣候危機，既需要政策與產業的系統性改革，亦仰賴廣大公民社會的共同參與。

💡 個人與公民層面的關鍵行動指南：

📢 公民倡議與議題傳播：主動關注氣候政策，分享具權威性的氣候議題資訊，提升公眾對氣候韌性（Climate Resilience）與永續議題的認知。

🛍️ 責任消費與綠色選擇：優先支持落實範疇三（Scope 3）碳減排、採用循環包裝或低碳製程的企業，以消費選擇驅動產業綠色轉型。

🌱 日常碳足跡管理：深化能源轉型思維，落實源頭減量、高效能源使用與資源循環利用，將低碳生活常態化。

個人的微小改變，是促成結構性轉型的重要基石。當大眾集體跨出這一步，我們將能為下一代築起具備氣候韌性的永續未來。

#國際氣候行動日 #氣候韌性 #淨零轉型 #永續發展 #香港地球之友

23/10/2026

🌱 讓綠色科技走得更遠，讓環境效益持續擴大

好的環保科技，如何跨越地域，發揮更大的作用？10月20日至21日，香港地球之友作為支持單位之一，參與在安徽合肥舉行的「中國安徽產業出海（東盟·香港）投資合作論壇」，探索連結內地科技實力與香港專業資源的新機會。

安徽是內地新能源與高新技術的重要發展中心之一，在當地大學及科研機構的支持下，培育了一批具技術實力的新能源與環保企業。透過當地政府機構推薦及實地參訪，我們認識了多家有意以香港為第一站、拓展東盟乃至全球市場的企業，也看見了內地環保科技與供應鏈優勢，結合香港國際網絡、綠色金融及專業服務的合作潛力。

作為獨立的民間環保組織，我們希望發揮連結者與催化劑的作用。這次，我們攜手香港投資推廣署 Invest Hong Kong、金融及專業機構，與安徽省科技廳、企業及東盟國家商會交流，並期待深化合作，讓環保與新能源技術結合香港在融資、風險管理及市場拓展方面的專業支持，加快在海外市场落地，為應對氣候變化、推動綠色經濟轉型帶來實際效益。

這些交流也將為地球學院帶來鮮活的學習資源。我們希望把具教育價值的案例融入課程與實地學習，讓兩地青少年看見綠色科技如何從研發走向應用，認識其中的機遇與挑戰，找到自己參與綠色轉型的方向。

我們期待的，不只是企業走向更廣闊的市場，更是讓更多持份者成為綠色轉型的參與者與協作者，共同建設綠色經濟與低碳社會，讓這個使命走得更快、更穩。

#香港地球之友 #綠色科技 #新能源 #綠色金融 #氣候行動 #綠色經濟 #東盟 #香港 #安徽 #可持續發展

23/10/2026

【節氣失準？🌍當「霜降」遇上厄爾尼諾現象 🔥】

今日（10月23日）係二十四節氣入面嘅「霜降」——秋季嘅最後一個節氣，傳統上代表著天氣漸冷、大地開始凝結成霜。🍂 喺昔日農耕文化入面，霜降係大自然轉季嘅重要信號。

不過，隨住全球氣候變化加劇，你又有冇發現呢個「節氣節奏」好似亂咗？

💡 當「人為暖化」遇上「厄爾尼諾（El Niño）」

所謂「厄爾尼諾現象」，簡單嚟講係指赤道中東太平洋嘅海面溫度異常升高，打亂全球氣候系統。當人為引發嘅全球暖化，再加上厄爾尼諾雙重打擊，就形成了以下極端危機：

📉「秋行夏令」與四季失序：秋天越嚟越短、夏天越嚟越長。極端暖冬出現率大增，到咗應該降霜嘅日子，天氣依然悶熱。

🦆 生態大亂陣腳：氣溫異常打亂動植物生存節奏（例如候鳥遷徙錯亂、植物花期提前），嚴重更威脅農業收成與生態平衡。

🌊 極端天氣常態化：全球各地嘅超強颱風、突發暴雨同超長熱浪越嚟越頻密，威脅社區安全同全球糧食安全。

⚠️ 基層受害最深：極端天氣與高溫，對戶外工作者及基層家庭造成最大的生活與健康壓力。

💡 順應天時，從減碳生活做起！

古人講求「順應天時」過生活，而面對今日嘅氣候危機，我哋更需要主動「守護氣候」！個人的力量看似微小，但只要每個人喺日常跨出一步，就能為地球降溫：

🥦 低碳飲食：多食當造、本地生產嘅蔬菜，減少食物運輸嘅碳足跡。

🔌 節能減排：隨手關閉待機電源、減少浪費，直接降低溫室氣體排放。

🌱 支持永續：關注環境政策，一齊推動綠色轉型，為下一代留下永續未來！

由今日「霜降」開始，一齊正視氣候變化，用日常小行動做地球嘅守護者！💪🌍

#霜降 #廿四節氣 #厄爾尼諾現象 #氣候變化 #全球暖化 #環境保護 #綠色生活 #低碳飲食 #永續發展 #保護地球 #香港地球之友

20/10/2026

🌿 國際樹懶日｜由植樹到天空吊橋，為森林朋友仔守護一條回家路 🦥

🌱 點解植樹咁重要？
一棵樹唔只係一片綠色，亦係野生動物嘅棲息地、食物來源同庇護所。對香港野生動物而言，連貫嘅綠地同生態廊道，有助佢哋覓食、繁殖同遷徙，維持本地生物多樣性。
每年 10月20日係「國際樹懶日」。雖然香港冇野生樹懶，但南美洲嘅保育組織會興建「天空吊橋」（Canopy Bridges），協助樹懶等樹棲動物安全穿越道路，減少路殺同電擊危機。🦥💚

⚠️呢啲橋樑提醒我哋，無論係遠在南美洲嘅樹懶，定係生活喺香港郊野嘅野生動物，都需要一個完整、連貫同相對安全嘅棲息環境。而透過植樹、保護樹木、連結綠地、保留生態廊道，除咗係為動物提供合適棲息地，亦有助將人類活動範圍同野生動物活動範圍分隔，減少雙方不必要嘅接觸，令大家可以更安全地共存。

💡 【守護野生動物，我哋可以點做？】
❌ 不抱、不摸、不餵食、不私自飼養
❌ 不驅趕、挑釁，亦唔好為影相或拍片而靠近
✅ 觀察時保持距離，不靠近、包圍或阻擋動物去路
✅ 遇到野生動物，保持安靜，慢慢後退，讓牠保留逃生空間
✅ 收好食物同垃圾，避免吸引動物
✅ 發現受傷、受困或進入社區嘅動物，交由專業部門處理
✅選購 FSC森林認證等永續產品，減少對雨林及本地生態嘅影響。

🌳 植樹護林，一齊保護香港生態；尊重野生動物，亦保障社區安全！ 🌱🦥🇭🇰

#國際樹懶日 #天空吊橋 #樹懶保育 #香港動物 #生態廊道 #棲息地保護 #野生動物保育 #香港地球之友

17/10/2026

【重陽節環保備忘｜少一點浪費，多一點心意💚】

聽日係九月初九重陽節。對香港人嚟講，重陽係登高、掃墓、緬懷先人，亦係敬老嘅日子。祭祖敬老之餘，我哋都可以由細節做起，過一個有意義、亦更環保嘅重陽節。🌿

按需要準備祭品，心意為重
🌸 減少焚燒香燭，可以以鮮花代替，或者考慮使用可重用／充電式電子蠟燭，減低山火風險。
🛍️ 避免過量購買祭品，製造多餘垃圾。

登高遠足，做個無痕山客
🥾 自己垃圾自己帶走，唔好將垃圾留喺山上。
🥾 行指定路線，避免踩踏同破壞山林植被。
🥾 唔好餵飼野生動物。
🥾 自備水樽，減少使用即棄飲品容器。

👵🏻👴🏻敬老，也關心長者身處嘅環境
重陽亦係敬老節。喺探望同陪伴長輩之餘，不妨都關心佢哋嘅居住環境，提醒佢哋留意天氣變化、保持室內通風，並做好防暑降溫措施。💚

傳統同環保，從來唔係二揀一。今年重陽，讓我哋少一點浪費，多一點心意，一齊守護山林同社區。🌏

#重陽節 #綠色重陽節 #拜山 #登高 #環保 #無痕山林 #低碳生活 #敬老節 #愛護山林 #香港地球之友

Address

銅鑼灣屈臣道2號海景大廈A座13樓1301至1302室
Hong Kong

Opening Hours

Monday	09:30 - 18:00
Tuesday	09:30 - 18:00
Wednesday	09:30 - 18:00
Thursday	09:30 - 18:00
Friday	09:30 - 18:00

Telephone

+85225285588

Website

http://www.foe.org.hk/

Alerts

Be the first to know and let us send you an email when Friends of the Earth (HK) 香港地球之友 posts news and promotions. Your email address will not be used for any other purpose, and you can unsubscribe at any time.