低碳想創坊 CarbonCare InnoLab

24/08/2026

🌕 一年容易又中秋！

我哋好高興今年再次成為「食德有營過中秋」嘅 「綠惜伙伴」，同主辦單位食德好攜手推動惜食減廢，鼓勵大家喺歡度佳節嘅同時，珍惜食物、減少浪費。

一個小小行動，都可以為環境出一分力。無論係適量選購月餅、善用剩餘食物，定係同親友分享，都係支持惜食文化嘅好方法。💚

邀請大家一齊參與「食德有營過中秋」，身體力行實踐惜食文化，共度一個有營、低碳又溫暖嘅佳節！🌱

活動包括：
-【中秋惜食約章】｜ 動員各企業簽署約章，以不同措施改變送禮文化，推廣節日惜食，源頭減廢
-【月餅回收行動】｜在全港百多個屋苑和商場設「月餅回收站」，鼓勵捐贈過剩月餅再轉贈基層，秉承惜食惠社群的精神
-【中秋加餸愛心行動】｜動員企業員工籌集指定的營養健康食物，再轉贈予弱勢社群

#食德有營過中秋 #綠惜伙伴 #惜食減廢 #環保生活 #中秋節

21/08/2026

【涼夜不再來 家庭照顧者首當其衝】

在極端酷熱的天氣下，「家」本應是避風港，但對全港超過 21 萬名不適切居所（劏房、天台屋、寮屋）居民而言，家卻成了一個悶熱、難以散熱的「蒸籠」。
今年，是低碳想創坊連續第三年進行夏日室內溫度調查。我們從過去深耕單一地區，今年聯同劏房支援連線擴展至全港九個地區、共 86 戶家庭進行連續 21 日的實測，當中78戶為不適切居所住戶。
以下是我們在發佈會上公佈的四大「熱不公」情況：

🏚️ 入夜高溫不退，夜間平均體感高達 34.78°C

監測期間，不適切居所的平均最高溫錄得 29.93°C，平均體感溫度竟高達 35.58°C！即使入夜，室內平均氣溫仍有 29.42°C（遠超天文台 28°C 的「熱夜」門檻），比天文台（京士柏）平均氣溫還高出 1.42°C，平均體感高達 34.78°C。不適切居所內各不同狀況蓄熱，讓街坊們「涼夜不再來」，嚴重影響睡眠質素與體能恢復。

👩‍👧家庭照顧者身心全面透支

受訪住戶中，有近半數（48%）為家庭照顧者，她們的「工作地方」正是酷熱、難散熱的狹窄空間：
💬 有居於劏房的照顧者因女兒在悶熱環境下無法集中精神做功課，沒辦法時只能開著雪櫃門，讓她靠在雪櫃冷氣無咁熱……
- 因為電費沉重，近九成家庭照顧者表示感到壓力，情況與全職人士情況類近
- 有街坊因為想節省用電，只敢在睡前定時開冷氣兩小時。冷氣關掉後室溫瞬間飆升，後半夜依然會被熱醒。

⚡不適切居所電費貴公屋一倍以上！

不適切居所夏季每平方呎的平均月電費高達 $3.9，是公屋受訪住戶（$1.9）的兩倍以上！
💬 有患癌的劏房住戶表示正在康復中，但為省錢，會在丈夫下班回家前才開冷氣……
- 85.9% 的受訪不適切居所住戶未能直接收到電力公司的獨立電費單，直接影響住戶了解實際用電量、核對收費及享用能源支援計劃。

🪟 「可開窗」不等於「有效通風」
雖然有 87.2% 的單位設有窗戶，但其中 52.9% 的住戶表示不敢開窗。這主要是因為
- 低層或鄰近公眾走廊的單位開窗易引致盜竊風險或喪失居住隱私；
- 開窗容易招致老鼠、蚊蟲入屋；
- 劏房內廚廁共用或天井通風差，開窗反而導致鄰舍油煙或廁所異味倒灌。

面對炎熱，基層市民只可以「硬食」。我們期望政府可以在氣候適應、住屋及社區支援等範圍推行有效措施，保障不適切居所住戶免受酷熱之苦。

#低碳想創坊 #劏房支援連線 #氣候公義 #氣候適應 #酷熱天氣 #健康危機 #劏房 #能源貧窮 #社區倡議

19/08/2026

【第七屆CATY 氣候變化社區倡議項目簡介🌱】

第七屆CATY倡議成果分享會已經圓滿結束啦！🎉 大家會唔會都想了解多啲，4組學員過去一段時間究竟喺倡議咩議題呢？今日就等我哋一齊睇睇啦～

🍃 涼伴友里 .neighbours.hk｜倡議政府將「基於自然的解決方案（Nature-based Solutions）」全面應用於舊區公共空間改善，為基層市民提供更具氣候韌性嘅公共空間，保障身心健康。

🔋 鋰想循環｜建議改善本港退役電動車電池嘅監管、回收及追溯機制，兼顧公共安全同環境保護，推動本地循環經濟發展。

☀️ 涼心特工｜提出改善高溫工作保障制度，將工作暑熱警告升格為法定要求，強化監察機制，並要求僱主承擔熱壓力風險評估責任，保障勞工安全同健康。

🧠 氣候心靈｜要求將精神健康納入氣候相關政策，正視氣候變化對精神健康嘅影響，並以精神復元人士作為切入點，關注氣候脆弱群體嘅需要。

💚 成果分享會雖然告一段落，但第七屆CATY學員嘅倡議旅程仍然繼續！

未來，佢哋會繼續關注唔同社群喺氣候變化下嘅需要，約見持分者及相關決策部門跟進倡議工作，推動社會發展更重視氣候公義，為更公平、更具韌性嘅未來努力🌍✨

#低碳想創坊 #青年氣候倡議培訓 #氣候倡議 #氣候行動 #香港青年培訓 #國際氣候會議 #氣候公義 #氣候適應 #青年參與 #香港交易所慈善基金

17/08/2026

【ASECCC 2026 官方日程正式出爐！一齊重新定義太陽能生命週期！】

雖然全球再生能源發展不斷破紀錄，但喺亞太地區，依然有成 1.5 億人過著無電可用嘅生活。係時候要確保呢場能源轉型不單止行得快，仲要行得夠公平、夠徹底！

當我哋起越來越多太陽能發電廠嘅同時，有無諗過 25 年後，呢啲太陽能板退役嗰陣可以點處理？

誠邀你參與今次會議，一齊重新想像成個太陽能生命週期，為亞洲各地社區注入新力量：
🔹 Day 1：共融起步 (9月23日)
• 以人為本嘅政策：跳出冰冷嘅技術數據，實實在在關注社區影響
•在地融資：將本地社區嘅需求與金融資源相連結
• 實用科技：專為本地社區而設嘅數碼太陽能工具

🔹 Day 2：負責任終結 (9月24日)
• 報告發佈：亞洲太陽能板退役法例與監管
• 填補政策漏洞：探討系統性合規同政策解決方案
• 賦予太陽能新生命：可持續嘅退役太陽能板管理與回收

Asia Solar Energy for Climate Change Conference (ASECCC 2026)
📅 日期：2026 年 9 月 23 至 24 日
🕑時間：14:00 - 18:00 HKT (GMT+8)
📍形式：網上舉行
💬語言: 英文
👉 立即報名: https://www.ccinnolab.org/ASECCC

16/08/2026

【低碳想創坊聯同劏房支援連線發佈 】 　2026夏天不適切居所熱辣辣溫度調查　家庭照顧者成極端高溫最脆弱一群 ！

極端高溫已逼到埋身！上周日，天文台錄得「史上最熱」的室外氣溫36.9℃，室外固然暑熱難當，而低碳想創坊及 .alliance #劏房支援連線 在今年6月至7月間進行的追蹤調查發現，不適切居所日間平均 29.93°C，夜間仍高達 29.42°C，超越天文台 28°C「熱夜」門檻，日夜溫差僅0.5度，顯示熱力無法消散。 �

在基層市民僅有的起居空間裡，氣溫全日高企，反映基層市民面臨嚴峻「熱不公」（Heat Injustice）現象。其中，長時間留守家中的「家庭照顧者」，長時間身處高溫環境，影響健康及睡眠之餘，高溫濕熱亦使家務量增加，能源開支上升，憂慮高溫影響家人健康，亦為他們帶來心理壓力，正承受著沉重的身心與經濟煎熬。

正如今日在台上分享的街坊阿琴所形容，暑熱讓大人和小孩的情緒都受影響，讓照顧工作更辛苦：「熱會令小朋友有脾氣，瞓唔著。小朋友唔瞓，就大人都唔洗瞓。所以一定要開冷氣。」但業主配備的冷氣機降溫慢，冷氣費用更增加生活壓力，讓阿琴更苦惱。

而另一位分享的街坊翁先生則來自雙老家庭，靠長者生活津貼生活。 翁先生自己曾因暑熱不適，頭暈及呼吸困難，太太身體亦不好；只是，由於開窗會有老鼠入屋，他無其他方法降溫，只能開冷氣。然而，開冷氣令夏日電費高達每月＄1000，加上租金，用於房屋及水電的每月基本支出便破＄5000。他感嘆：「兩個老人家，搞唔掂。」

這已是低碳想創坊連續第三年進行相關調查，而三年的數字均顯示體感溫度都達至危險級別，進一步證實基層面對酷熱及極端天氣所產生問題嚴峻，情況每況愈下。

為保障市民在暑熱之下的身心健康，低碳想創坊及劏房支援連線提出以下5項政策建議︰
1) 將健康適應納入《香港氣候行動藍圖2050》： 全面評估極端高溫對市民身心健康的影響，制定針對高風險群體的跨部門支援及應變措施。

2)建立室內高溫監測及極端酷熱應變機制： 在高風險居所進行長期熱力監測，制定室內高溫安全標準，並建立高溫警示及醫療轉介機制。

3) 改善「簡樸房」標準與加快過渡居所供應： 強制將隔熱、遮陽、通風及必要降溫設備納入「簡樸房」最低標準，嚴格監察電費分攤，並提供恆常夏季能源津貼。同時，政府應主動向私人業主承租或「買位」作過渡居所，避免市民持續暴露於高熱風險中。

4) 建立高風險住戶及照顧者支援網絡： 建立主動探訪制度，為長時間留家照顧家人的照顧者提供臨時暫託及上門支援，並優先安排房屋改善。

5) 落實「以人為本」的社區降溫與物資支援網絡： 政府應根據調查，找出不適切居所密集區，並與地區組織合作設立具備基本照顧、無障礙及適時延長時間的社區降溫空間；同時建立跨部門的健康監察與轉介應變機制，並參考冬季禦寒物資派發模式，於炎夏恆常資助或送贈基本降溫電器。

整體而言，調查結果顯示，室內高溫應被視為氣候適應、公共衞生、住屋及社會保障的共同政策議題。政府需要同時從居所改善、能源支援、社區服務及高風險住戶保障四方面採取行動，才能有效降低不適切居所居民面對的健康及生活風險。

報告全文�https://www.ccinnolab.org/uploads/media/20260815_Heat%20Survey%202026_FINAL.pdf

#低碳想創坊 #劏房支援連線 #氣候公義 #氣候適應 #酷熱天氣 #健康危機 #劏房 #能源貧窮 #社區倡議

16/08/2026

14/08/2026

【認識太陽能關懷夥伴☀️基督教巴拿巴愛心服務團︰南丫島訓練之家】

基督教巴拿巴愛心服務團喺1981年成立，透過活動、住宿、福音、進修等方式，為女性吸毒者提供戒毒服務🤝

低碳想創坊喺2022年為巴拿巴南丫島訓練之家安裝咗30塊太陽能板，第一年就生產咗13,020度電！由系統啟用開始，呢啲綠電💡每個月都透過「上網電價」回贈，變成戒毒學員寶貴嘅學習體驗🥳

過去一年，南丫島訓練之家使用回贈舉辦嘅活動好豐富，包括有機耕種、烹飪班、縫紉班、乒乓球訓練班、籃球訓練班、家居維修班等。仲有其他特別體驗，包括賣旗、舊布回收時裝設計、戶外旅行，甚至18日@outwardboundhongkong 嘅刺激外展旅程🫨

參與活動嘅學員獲益良多🤓，活動 除咗令佢哋見識多咗，亦培養咗佢哋嘅堅毅同解難能力，令佢哋喺戒毒路上多咗信心💖 而過去一年有過百位學員受惠，簡直100 Fun 啊💯😎

記得留意嚟緊嘅認識太陽能關懷夥伴系列👀 睇吓太陽能點樣喺社區發光發亮✨

閱讀全文︰https://www.ccinnolab.org/solarcare/zh/SolarAroundTheWorldPost/BarnabasStory

#低碳想創坊 #太陽能關懷計劃 #太陽能 #慈善 #基督教巴拿巴愛心服務團 #南丫島訓練之家

13/08/2026

【預告】 「2026 夏⽇不適切居所調查發佈會」將於本周日上午10時進行！

低碳想創坊及劏房⽀援連線將於本周日（16日）聯合發佈「2026 夏⽇不適切居所調查」的研究結果。剛過去的6月至7月期間，我們在全港9個地區，邀請超過70戶不適切居所住戶，進行連續3個星期的溫度及濕度監測。本周日，我們將公佈今次調查結果，從數據了解弱勢社群在極端天氣下的真實處境。敬請各位留意！

#低碳想創坊 #劏房支援連線 #氣候公義 #氣候適應 #酷熱天氣 #健康危機 #劏房 #能源貧窮 #社區倡議

10/08/2026

☀️重塑亞洲太陽能生命週期☀️

想像一下，一條偏遠鄉村首次亮起由太陽能供電嘅燈光，又或者一個大都市嘅天際線，近三十年來一直依靠天台太陽能系統提供能源。呢種轉變帶來嘅影響毋庸置疑，但鑑於太陽能板一般使用壽命約為 25 至 30 年，依家正係時候開始認真思考佢哋喺壽命結束後嘅管理問題。

真正可持續嘅能源轉型，唔可以只係「裝完就算」。我哋需要對整個生命週期作出承擔，由共融起步（Inclusive Beginnings）到 負責任終結（Responsible Endings）。

共融起步（Inclusive Beginnings）確保本地社區唔再只係潔淨能源嘅被動受惠者，而係積極參與共同設計嘅夥伴。透過由一開始就融入社區共同規劃、本地化融資方案同容易使用嘅技術，家庭能夠成為推動自身能源未來嘅韌性合作夥伴。

負責任終結（Responsible Endings）則為氣候公義作出完整實踐。隨住太陽能應用迅速普及，我哋必須透過建立循環經濟導向嘅設備退役監管與政策、創新方案，以及安全退役機制，保護生態系統，妥善處理老化基礎設施。

目前，亞洲及太平洋地區仍有接近 1.5 億人口未能用上電力。因此，我哋嘅能源轉型必須兼顧公平性，同時對長遠責任作出承擔，並以更大規模推進。

歡迎參加由低碳想創坊主辦嘅Asia Solar Energy for Climate Change Conference (ASECCC 2026），一齊探討應對呢啲關鍵挑戰嘅可行方案。

📅 日期：2026 年 9 月 23 至 24 日
🕑時間：14:00 - 18:00 HKT (GMT+8)
📍形式：網上舉行
💬語言: 英文
👉 立即報名: https://www.ccinnolab.org/ASECCC

誠邀區內政策制定者、業界先驅、學術界人士及倡議者攜手合作，連結公平規劃同循環創新。共同打造一套能夠為亞洲各地持續創造社會、經濟及環境價值嘅太陽能發展模式。

07/08/2026

【熱浪來襲，但性別定型更可怕？氣候與性別的真實生存挑戰 💥】

早前喺「2026 年香港青年氣候峰會」（LCOYHK 2026），低碳想創坊就聯同香港家庭計劃指導會 面不紅研究社 透過工作坊，模擬 2048 年能源配給下嘅香港，等一眾參加者親身體驗好似照顧者等等嘅身份喺熱浪下面對嘅「隱形限制」。

好多人以為遊戲設定只係誇張化，但現實往往比遊戲更殘酷。為咗令大家都了解現實環境，我哋早前進行咗一場針對基層住戶嘅問卷同家訪調查。遊戲入面嘅生存考驗，就係街坊每日嘅真實處境。

「暑熱壓力」🤧：指高溫對人體造成致命傷害。單睇氣溫並唔夠，通風、濕度同樣關鍵、「體感溫度」、「室內熱餘量」等暑熱指標則讓我們更具體了解狀況。我哋深入全港不適切居所，收集環境數據與質性調查令大家都睇到住戶面對緊啲咩呢。

不見天日嘅劏房困局 🥵：日間平均最高體感溫度接近 30°C！面對夏季電費飆升嘅經濟壓力，高達 85.9% 街坊無獨立電費單，為慳電「不開冷氣」者，身體不適次數是「從未因電費停開冷氣」者嘅 3 倍！

照顧者嘅身心枷鎖 👩‍👦：受訪者中過半數為全職女性家庭照顧者。喺濕熱天氣下，佢哋家務量暴增、情緒壓力爆煲，暑熱下有感疲倦率高達 82.0%。更有66.7% 照顧者因為屋企太熱而選擇「故意遲返屋企」，帶住屋企人喺商場或社區客廳流連，身心難獲片刻安寧。

氣候變化從來都唔只係數字，佢對唔同性別、年齡同階層嘅人士，產生唔同嘅影響。

請密切留意我哋即將喺 8 月 16 日 公佈不適切住所嘅暑熱調查

#低碳想創坊 #香港青年氣候峰會 #性別定型 #氣候公義 #氣候適應 #酷熱天氣 #健康危機 #劏房 #能源貧窮 #社區倡議