08/06/2026
Oxalá puidésemos expresar con algo máis ca palabras todo o vivido este pasado sábado 6 de xuño na terceira edición da festa da nosa aldea.
Mil grazas, de corazón, a cada unha das persoas que se achegaron nalgún momento da xornada para compartir connosco un dos días máis bonitos do ano.
Grazas ao Concello de A Pobra do Caramiñal pola axuda e os servizos prestados.
Grazas tamén a todos os comercios e empresas que nos apoiaron e apareceron nesa pantalla LED que estivo acendida dende a mañá ata altas horas da madrugada. Aos da nosa vila, por suposto, e tamén aos de lugares como Palmeira, Boiro ou Escarabote, porque, a pesar de sermos unha aldea doutro concello, brindáronnos unha axuda e un apoio dignos de agradecer. Os vosos concellos deben sentirse orgullosos de contar con negocios coma os vosos.
E, sobre todo, grazas á veciñanza da Ribeiriña e do Conchido por demostrarnos un ano máis o afortunados que somos de tervos ao noso lado. Queremos lembrarvos que nós unicamente transformamos en traballo e dedicación todo o cariño e o amor que nos destes dende que eramos uns cativos correndo polas rúas da nosa querida aldea. Merecedes isto e moito máis!
Sempre por e para vós!
Vémonos na próxima edición, xentiña 💙
