03/06/2026
⚽ A Pobra do Caramiñal acolle esta fin de semana o XII Torneo de Fútbol Base Crocha Balompé
Os días 6 e 7 de xuño, o campo da Alta será o escenario da celebración do XII Torneo de Fútbol Base Crocha Balompé, unha cita xa consolidada no calendario deportivo local.
Ao longo das dúas xornadas, en horario de 10.00 a 20.00 horas, daranse cita 52 equipos e máis de 700 nenos e nenas de entre 6 e 12 anos, que compartirán unha fin de semana marcada polo deporte, a convivencia e os valores do fútbol base.
A competición incluirá a entrega de 18 trofeos e máis de 700 medallas, ademais de merendas e agasallos para todas as persoas participantes. O evento completarase cunha zona de xogos infantís destinada ao desfrute da cativada.
Desde o Concello da Pobra do Caramiñal animamos á veciñanza a achegarse á Alta para acompañar aos equipos participantes e g***r dunha das grandes citas deportivas da tempada. ⚽🏆
