Fundación Juana de Vega

Inicio
España
Oleiros, Galicia
Fundación Juana de Vega

Llamar Cómo llegar Página web

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Fundación Juana de Vega, Organización sin ánimo de lucro, Avenida Salvador Allende, 92, Oleiros.

Promover o coñecemento, conservación e desenvolvemento do medio rural de Galicia, con especial dedicación á formación da poboación activa, á preservación do ámbito natural e humano e á mellora da base económica e das actividades con ela relacionadas.

02/11/2026

🐂 𝗨𝗻 𝗽𝗿𝗼𝘅𝗲𝗰𝘁𝗼 𝗴𝗮𝗻𝗱𝗲𝗶𝗿𝗼 𝗾𝘂𝗲 𝗰𝗿𝗲𝗮 𝗿𝗶𝗾𝘂𝗲𝘇𝗮 𝗻𝗼 𝗿𝘂𝗿𝗮𝗹

Como pode unha explotación gandeira evolucionar cara a un modelo de negocio diferencial e conectado co territorio? José Caridad está a desenvolver esa aposta con O Prego, un proxecto de cría de bois en pastoreo situado en Cerceda, A Coruña.

A súa proposta de emprendemento rural vai máis alá da produción de carne: busca poñer en valor a gandería a través da trazabilidade, a calidade do produto, a comercialización directa e a creación de experiencias arredor da finca.

A súa participación no Programa de Apoio a Empresas Agroalimentarias da Fundación Juana de Vega axudouno a estruturar o modelo de negocio, analizar a súa viabilidade e decidir onde concentrar os esforzos. Ademais, recibiu un accésit, que lle achegou 15 horas adicionais de asesoramento.

𝗟𝗲 𝗮 𝗲𝗻𝘁𝗿𝗲𝘃𝗶𝘀𝘁𝗮 𝗰𝗼𝗺𝗽𝗹𝗲𝘁𝗮 𝗰𝗼𝗻 𝗝𝗼𝘀𝗲 𝗻𝗮 𝗻𝗼𝘀𝗮 𝘄𝗲𝗯! ⤵️
📱 https://juanadevega.org/jose-caridad-de-o-prego-o-programa-axudoume-a-decidir-onde-tina-sentido-concentrar-os-esforzos/
Recorda que a inscrición para ser un dos beneficiarios do próximo Programa de Apoio a Empresas Agroalimentarias (edición 2027) está aberta ata o 8 de decembro. Hai dúas modalidades: Emprendemento e Crecemento-Consolidación. Toda a información e formulario de candidatura ⤵️
📱 programadeapoyo.juanadevega.org

31/10/2026

🌱 𝐑𝐄𝐅𝐎𝐑𝐙𝐀𝐍𝐃𝐎 𝐀𝐒 𝐂𝐀𝐃𝐄𝐀𝐒 𝐃𝐄 𝐕𝐀𝐋𝐎𝐑 𝐋𝐎𝐂𝐀𝐈𝐒!

🌾 Onte celebramos a primeira sesión de traballo do grupo «𝐑𝐞𝐟𝐨𝐫𝐳𝐨 𝐝𝐞 𝐜𝐚𝐝𝐞𝐚𝐬 𝐝𝐞 𝐯𝐚𝐥𝐨𝐫 𝐥𝐨𝐜𝐚𝐢𝐬», no marco do 𝐅𝐨𝐫𝐨 𝐓𝐞𝐫𝐫𝐢𝐭𝐨𝐫𝐢𝐨 𝐑𝐮𝐫𝐚𝐥 𝐑𝐞𝐬𝐢𝐥𝐢𝐞𝐧𝐭𝐞.
Durante o encontro reflexionamos sobre a situación actual das cadeas de valor galegas, identificando as súas principais dificultades, puntos de ruptura e potencialidades, así como as medidas que precisamos das administracións públicas para fortalecer a produción local.
🤝 Un espazo de intercambio de experiencias e propostas para avanzar cara a un sistema alimentario máis xusto, sostible e de proximidade, que contribúa a garantir a 𝐬𝐨𝐛𝐞𝐫𝐚𝐧𝐢́𝐚 𝐚𝐥𝐢𝐦𝐞𝐧𝐭𝐚𝐫𝐢𝐚 e o 𝐟𝐮𝐭𝐮𝐫𝐨 𝐝𝐨 𝐧𝐨𝐬𝐨 𝐫𝐮𝐫𝐚𝐥.
📍 A sesión celebrouse na Acasadotaberneiro, en formato híbrido, combinando a participación presencial coa conexión telemática doutras persoas participantes.
🔗 Os resultados desta mesa de traballo poderán consultarse na web do proxecto: https://foroterritoriorural.gal/
𝐅𝐨𝐫𝐨 𝐓𝐞𝐫𝐫𝐢𝐭𝐨𝐫𝐢𝐨 𝐑𝐮𝐫𝐚𝐥 𝐑𝐞𝐬𝐢𝐥𝐢𝐞𝐧𝐭𝐞 é unha iniciativa impulsada pola Fundación Juana de Vega e LaboraTe, en colaboración coa Fundación Roberto Rivas, Fundación RIA e Colexio de Xornalistas.

30/10/2026

𝗖𝗼𝗹𝗮𝗯𝗼𝗿𝗮𝗰𝗶ó𝗻 𝗰𝗼𝗻 𝗔 𝗖𝗿𝗼𝗮 𝗱𝗲 𝗖𝗮𝗺𝗮𝗿𝗶ñ𝗮𝘀 𝗽𝗮𝗿𝗮 𝗶𝗺𝗽𝘂𝗹𝘀𝗮𝗿 𝗮 𝘅𝗲𝘀𝘁𝗶ó𝗻 𝘀𝗼𝘀𝘁𝗶𝗯𝗹𝗲 𝗱𝗼 𝗺𝗼𝗻𝘁𝗲

A Fundación Juana de Vega e A Croa Camariñas asinaron onte un acordo de colaboración para avanzar na xestión do territorio, a prevención de incendios e o aproveitamento sostible dos recursos do monte.

A colaboración dá continuidade ao traballo iniciado en 2025, que xa tivo como resultado a creación dunha Agrupación Forestal de Xestión Conxunta básica que reúne máis de 80 hectáreas, distribuídas en 630 parcelas de 60 titulares. A iniciativa continúa medrando coa incorporación de novos propietarios, nun proceso no que a Fundación Juana de Vega achega acompañamento técnico.

✍️ Asinaron o convenio Enrique Sáez Ponte, presidente da Fundación Juana de Vega, e Chus Castro Candal, presidenta da A Croa Camariñas.

🗣 Como destacou o noso presidente, “a experiencia de A Croa demostra o potencial da cooperación entre propietarios para facer viable a xestión de superficies forestais fragmentadas e xerar novas oportunidades de desenvolvemento no medio rural galego”.

𝗟𝗲 𝗮 𝗻𝗼𝘃𝗮 𝗰𝗼𝗺𝗽𝗹𝗲𝘁𝗮 𝗻𝗮 𝗻𝗼𝘀𝗮 𝘄𝗲𝗯 ⤵️
https://juanadevega.org/a-fundacion-juana-de-vega-e-a-croa-de-camarinas-reforzan-a-sua-colaboracion-para-impulsar-a-xestion-sostible-do-monte/

29/10/2026

🍇📈 𝗘𝗖𝗢𝗦𝗣𝗛𝗘𝗥𝗘𝗪𝗜𝗡𝗘𝗦 𝘃𝗮𝗹𝗶𝗱𝗮 𝗲𝗻 𝘀𝗼𝗹𝘂𝗰𝗶𝗼́𝗻𝘀 𝗻𝗮𝘁𝘂𝗿𝗮𝗶𝘀 𝗽𝗮𝗿𝗮 𝗺𝗲𝗹𝗹𝗼𝗿𝗮𝗿 𝗮 𝗿𝗲𝘀𝗶𝗹𝗶𝗲𝗻𝗰𝗶𝗮 𝗲 𝘀𝗼𝘀𝘁𝗶𝗯𝗶𝗹𝗶𝗱𝗮𝗱𝗲 𝗱𝗼 𝘃𝗶𝗻̃𝗲𝗱𝗼

O proxecto europeo converteu durante os últimos tres anos as dez hectáreas da histórica parcela da Picha, en Paderne (A Coruña), nun laboratorio vivo para ensaiar unha nova forma de entender a viticultura atlántica do futuro, combinando produción con conservación. Os primeiros resultados das análises amosan melloras significativas no vigor das vides e na saúde do solo mediante prácticas como os acolchados de toxo, as cubertas vexetais e a aplicación de biochar.

Baixo o título “ECOSPHEREWINES: cara a unha viticultura máis verde en Galicia: resultados e retos futuros para o sector vitícola”, os anfitrións do evento fomos os socios galegos de ECOSPHEREWINES: Fundación Juana de Vega, o CICA. Centro Interdisciplinar de Química e Bioloxía - Universidade da Coruña, a Reserva de Biosfera Mariñas Coruñesas e Terras do Mandeo e o novo propietario da adega Pagos de Brigante, quen xa manifestou a súa intención de dar continuidade ao proxecto.

Durante o encontro, ao que asistiron investigadores e profesionais do sector da viticultura de Galicia, tamén se fixo pública a "Estratexia de infraestrutura verde no viñedo de ECOSPHEREWINES", un plan de acción de 25 actuacións para 2027-2030, pensado para viticultores, denominacións de orixe e administracións.

A xornada rematou cunha visita á parcela experimental da Picha.

26/10/2026

🌿 𝗔 𝘁𝗿𝗮𝗱𝗶𝗰𝗶ó𝗻 𝗼𝗹𝗲í𝗰𝗼𝗹𝗮 𝗱𝗲 𝗤𝘂𝗶𝗿𝗼𝗴𝗮 𝗺𝗲𝗱𝗿𝗮 𝗰𝘂𝗻 𝗽𝗿𝗼𝘅𝗲𝗰𝘁𝗼 𝗱𝗲 𝘁𝘂𝗿𝗶𝘀𝗺𝗼 𝗿𝘂𝗿𝗮𝗹 𝗱𝗲 𝗰𝗮𝗹𝗶𝗱𝗮𝗱𝗲

Continuamos coñecendo as experiencias de beneficiarias do 𝗣𝗿𝗼𝗴𝗿𝗮𝗺𝗮 𝗱𝗲 𝗔𝗽𝗼𝗶𝗼 𝗮 𝗘𝗺𝗽𝗿𝗲𝘀𝗮𝘀 𝗔𝗴𝗿𝗼𝗮𝗹𝗶𝗺𝗲𝗻𝘁𝗮𝗿𝗶𝗮𝘀 da Fundación Juana de Vega para saber que lles achegou, que aprendizaxes levan e como evolucionan os seus proxectos.

Natalia e Matilde Mondelo, da empresa Aceiroga, queren poñer en valor a tradición oleícola e o patrimonio familiar creando o 𝗠𝘂𝘀𝗲𝗼 𝗖𝗮𝘀𝗮 𝗱𝗼 𝗔𝗰𝗲𝗶𝘁𝗲 en Quiroga, Lugo, na Ribeira Sacra. Esta iniciativa de oleoturismo combina cultura, gastronomía e territorio para ofrecer unha experiencia turística de calidade e contribuír a crear riqueza no rural galego. Un exemplo de emprendemento que dá lugar a proxectos con identidade propia, estreitamente vinculados ao territorio

A súa participación no Programa de Apoio, na edición 2025, axudounas a estruturar o modelo de negocio e avanzar na súa viabilidade. Ademais, foron recoñecidas cun accésit grazas ao que están a recibir asesoramento adicional.

Segundo contan na entrevista, o intercambio con outros emprendedores tamén lles permitiu crear unha rede de contactos e aprendizaxe que continúa máis alá do programa.

Queres coñecer a súa experiencia e saber por que recomendan o programa? 𝗟𝗲 𝗮 𝗲𝗻𝘁𝗿𝗲𝘃𝗶𝘀𝘁𝗮 𝗰𝗼𝗺𝗽𝗹𝗲𝘁𝗮 𝗻𝗮 𝗻𝗼𝘀𝗮 𝘄𝗲𝗯 ⤵️
📱 https://juanadevega.org/natalia-e-matilde-mondelo-do-museo-casa-do-aceite-creamos-unha-gran-rede-de-contactos-e-de-aprendizaxe/
Recorda que a inscrición para ser un dos beneficiarios do próximo Programa de Apoio a Empresas Agroalimentarias (edición 2027) está aberta ata o 8 de decembro. Hai dúas modalidades: Emprendemento e Crecemento-Consolidación. Toda a información e formulario de candidatura ⤵️
📱 programadeapoyo.juanadevega.org

22/10/2026

🐏 𝗘𝗻𝗰𝗼𝗻𝘁𝗿𝗼 𝗽𝗮𝗿𝘁𝗶𝗰𝗶𝗽𝗮𝘁𝗶𝘃𝗼 𝗱𝗼 𝗚𝗿𝘂𝗽𝗼 𝗢𝗽𝗲𝗿𝗮𝘁𝗶𝘃𝗼 𝗦𝘂𝗽𝗿𝗮𝗮𝘂𝘁𝗼𝗻ó𝗺𝗶𝗰𝗼 𝗥𝗲𝗯𝗮ñ𝗼𝘀 𝗱𝗲 𝗖𝘂𝘀𝘁𝗼𝗱𝗶𝗮

Onte celebramos en Vilamor (Folgoso do Courel) un encontro participativo para compartir os avances técnicos do proxecto . Abordamos a identificación de áreas estratéxicas fronte aos incendios e revisamos as actuacións para mellorar a xestión destas zonas mediante o pastoreo extensivo.

A xornada reuniu gandeiros, representantes da comunidade de montes, veciñanza e entidades como a Asociación Galega de Custodia do Territorio, a Sociedade Galega de Pastos e Forraxes, o GDR Ribeira Sacra - Courel e a Asociación de Desenvolvemento Rural Serra do Caurel. As súas achegas e experiencia permitiron contrastar os resultados co coñecemento do territorio e identificar necesidades e condicionantes técnicos e administrativos que cómpre ter en conta para desenvolver actuacións viables.

O encontro permitiu avanzar na definición das zonas onde se desenvolverán as actuacións piloto do proxecto, co obxectivo de crear novos pastos que contribúan a previr incendios e conservar hábitats. As cuestións recollidas nesta xornada servirán de base para seguir traballando nas próximas reunións do grupo de traballo, consolidando a colaboración entre os axentes locais e o equipo técnico do proxecto.
ℹ️ O Grupo Operativo está liderado pola Fundación Juana de Vega, xunto coa Pau Costa Foundation e Ovica Criadores De Ovino E Caprino. Está financiado mediante as axudas para proxectos de innovación de interese xeral por grupos operativos da AEI-Agri, no marco do Plan Estratéxico da Política Agraria Común (PEPAC) 2023-2027, cofinanciadas nun 80% polo FEADER e nun 20% polo Ministerio de Agricultura, Pesca y Alimentación de España.

21/10/2026

🐂📊 𝗫𝗼𝗿𝗻𝗮𝗱𝗮 𝗳𝗶𝗻𝗮𝗹 𝗲 𝗽𝗿𝗲𝘀𝗲𝗻𝘁𝗮𝗰𝗶𝗼́𝗻 𝗱𝗲 𝗿𝗲𝘀𝘂𝗹𝘁𝗮𝗱𝗼𝘀 𝗱𝗼 𝗚𝗿𝘂𝗽𝗼 𝗢𝗽𝗲𝗿𝗮𝘁𝗶𝘃𝗼 𝗥𝗲𝗱𝗲 𝗚𝗮𝗹𝗲𝗴𝗮 𝗱𝗲 𝗚𝗿𝗮𝗻𝘅𝗮𝘀 𝗠𝗼𝗱𝗲𝗹𝗼.

Esta mañá presentamos o último dos tres estudos elaborados pola Fundación Juana de Vega sobre os custos de produción do vacún de carne en Galicia durante 2025. O traballo constata unha mellora notable na rendibilidade das explotacións, impulsada pola forte revalorización dos animais, pero tamén advirte da vulnerabilidade desta recuperación ante a caída dos prezos e as presións sobre os custos de produción que está experimentando o sector no 2026.

Con todo, as subvencións recorrentes da PAC, seguen sendo fundamentais para a viabilidade económica, xa que os ingresos procedentes da venda dos animais aínda non permiten cubrir a totalidade dos custos de produción, incluída unha remuneración adecuada do traballo familiar.

📲 O 𝗘𝘀𝘁𝘂𝗱𝗼 𝗱𝗲 𝗰𝘂𝘀𝘁𝗼𝘀 𝗽𝗮𝗿𝗮 𝗼 𝘃𝗮𝗰𝘂́𝗻 𝗱𝗲 𝗰𝗮𝗿𝗻𝗲 𝗱𝗲 𝟮𝟬𝟮𝟱 pode descargarse na web do proxecto ao igual có dos anos 2023 e 2024 ⤵️ https://redegranxasmodelo.juanadevega.org/informes-rede.

🎥 En Youtube pode verse o vídeo resumo do proxecto ⤵️
https://youtu.be/OxkQBB8WiCw
·
·
·
ℹ️ Estes resultados reforzan a importancia do traballo desenvolvido polo consorcio do Grupo Operativo Rede Galega de Granxas Modelo, impulsado pola Fundación Juana de Vega, o Consello Regulador das IXPs de Ternera Gallega e Vaca Galega-Boi Galego e a Cooperativa A Carqueixa, coa colaboración do CIAM-AGACAL, para dotar ás explotacións de ferramentas de análise técnico-económica que faciliten a toma de decisións e a mellora da súa competitividade.

20/10/2026

🍇 🌿 𝗜𝗻𝘀𝗳𝗿𝗮𝗲𝘀𝘁𝗿𝘂𝘁𝘂𝗿𝗮 𝘃𝗲𝗿𝗱𝗲 𝗽𝗮𝗿𝗮 𝗰𝗼𝗻𝘀𝘁𝗿𝘂𝗶́𝗿 𝗼 𝗳𝘂𝘁𝘂𝗿𝗼 𝗱𝗮 𝘃𝗶𝘁𝗶𝗰𝘂𝗹𝘁𝘂𝗿𝗮 𝗮𝘁𝗹𝗮́𝗻𝘁𝗶𝗰𝗮.

O próximo xoves, 29 de outubro, os socios galegos de xuntarémonos na xornada final de presentación dos resultados da zona experimental de Galicia, organizada polos compañeiros do CICA. Centro Interdisciplinar de Química e Bioloxía.

Baixo o título “ECOSPHEREWINES: cara a unha viticultura máis verde en Galicia: resultados e retos futuros para o sector vitícola”, presentaremos os resultados da investigación desenvolvida no piloto da IXP Betanzos e a "Estratexia de infraestrutura verde no viñedo de ECOSPHEREWINES".

O programa inclúe tamén unha mesa redonda con investigadores de distintas entidades e proxectos irmáns para analizar as perspectivas futuras da investigación en viñedos e o potencial da infraestrutura verde e das Solucións Baseadas na Natureza para avanzar cara a unha viticultura máis sostible e resiliente.

🌱 A xornada completarase cunha visita á parcela experimental da Picha, condicionada á meteoroloxía.

📍 CICA · Campus de Elviña, A Coruña
🕘 09:45–18:30 h · Recepción desde as 09:30h
📝 Asistencia libre previa inscrición ata o venres, 23 de outubro [link na bio e en stories]: https://forms.cloud.microsoft/pages/responsepage.aspx?id=E9mRn7KHA0eTXo_V5upzo59oYxAZoMlNkgPYUsL8e8tUNDRBVVlTUUdXMk5MWTNBV0RaTEtHQ0I3TS4u&route=shorturl
📲 Programa ⤵️
·
·
·
é un proxecto Interreg Sudoe Programme liderado pola Fundación Juana de Vega, no que participan a Universidade da Coruña – CICA. Centro Interdisciplinar de Química e Bioloxía xunto con ADVID – Associação para o Desenvolvimento da Viticultura Duriense, Institut Français de la Vigne et du Vin (IFV), ITACyL - Instituto Tecnológico Agrario de Castilla y León, ITER Investigación, Universidade de Trás-os-Montes e Alto Douro, Plataforma Tecnológica del Vino - PTV, a Reserva de Biosfera Mariñas Coruñesas, Vins de Gaillac, ademais das adegas DUORUM VINHOS - João Portugal Ramos. e Pagos de Brigante.

19/10/2026

🧄 𝗖𝗼𝗺𝗼 𝘁𝗿𝗮𝗻𝘀𝗳𝗼𝗿𝗺𝗮𝗿 𝘂𝗻𝗵𝗮 𝗶𝗱𝗲𝗮 𝗻𝘂𝗻 𝗽𝗿𝗼𝘅𝗲𝗰𝘁𝗼 𝗾𝘂𝗲 𝗰𝗿𝗲𝗮 𝗿𝗶𝗾𝘂𝗲𝘇𝗮 𝗻𝗼 𝗿𝘂𝗿𝗮𝗹 𝗱𝗲 𝗚𝗮𝗹𝗶𝗰𝗶𝗮?

Nas próximas semanas imos entrevistar a varios beneficiarios do 𝗣𝗿𝗼𝗴𝗿𝗮𝗺𝗮 𝗱𝗲 𝗔𝗽𝗼𝗶𝗼 𝗮 𝗘𝗺𝗽𝗿𝗲𝘀𝗮𝘀 𝗔𝗴𝗿𝗼𝗮𝗹𝗶𝗺𝗲𝗻𝘁𝗮𝗿𝗶𝗮𝘀 da Fundación Juana de Vega para saber que lles achegou a súa participación, por que o recomendan e en que fase se atopa agora o seu proxecto.

Empezamos por Rosa Mª Covelo, ganadora do Premio ao Emprendemento Agroalimentario na edición de 2025. Ela atopou no noso Programa de Apoio as ferramentas para centrar esforzos e facer medrar o seu proxecto Aloumiños da Terra, localizado en Ponteareas, Pontevedra.

A formación especializada e o acompañamento profesional que recibiu durante todo o ano axudárona a ganar confianza e avanzar no desenvolvemento comercial dun produto novidoso como é o allo negro e das plantas aromáticas, sen perder de vista o respecto pola terra e a contorna.

A finais de novembro fará a presentación pública dos seus produtos nunha xornada no restaurante Catavento de Ponteareas.

𝗟𝗲 𝗮 𝗲𝗻𝘁𝗿𝗲𝘃𝗶𝘀𝘁𝗮 𝗰𝗼𝗺𝗽𝗹𝗲𝘁𝗮 𝗰𝗼𝗻 𝗥𝗼𝘀𝗶 𝗻𝗮 𝗻𝗼𝘀𝗮 𝘄𝗲𝗯! ⤵️
📱 https://juanadevega.org/rosa-ma-covelo-de-alouminos-da-terra-nunca-pensei-chegar-ao-punto-no-que-esta-agora-o-meu-proxecto/
Recorda que a inscrición para ser un dos beneficiarios do próximo Programa de Apoio a Empresas Agroalimentarias (edición 2027) está aberta ata o 8 de decembro. Hai dúas modalidades: Emprendemento e Crecemento-Consolidación. Toda a información e formulario de candidatura ⤵️
📱 programadeapoyo.juanadevega.org

15/10/2026

𝗲𝗻 𝗮𝗴𝗿𝗶𝗰𝘂𝗹𝘁𝘂𝗿𝗮 𝗿𝗲𝘅𝗲𝗻𝗲𝗿𝗮𝘁𝗶𝘃𝗮 𝗲 𝗼𝗿𝗴á𝗻𝗶𝗰𝗮 | 𝗖𝘂𝗿𝘀𝗼 𝗱𝗲 𝗰𝗿𝗼𝗺𝗮𝘁𝗼𝗴𝗿𝗮𝗳í𝗮 𝗰𝗼𝗻 𝗝𝗮𝗶𝗿𝗼 𝗥𝗲𝘀𝘁𝗿𝗲𝗽𝗼

O venres 20 e sábado 21 de novembro acolleremos na sede da Fundación Juana de Vega o Curso de cromatografía agrícola, impartido por Jairo Restrepo La Mi**da de Vaca, referente internacional en agricultura orgánica e rexenerativa.

Trátase dunha revolucionaria ferramenta que revela a saúde e a vitalidade do solo nunha soa imaxe viva, permitindo aos agricultores avaliar a calidade das súas terras, humus e biofertilizantes.

Este obradoiro está pensado para que profesionais, técnicos, agricultores e produtores do sector agroalimentario poidan mellorar a toma de decisións no manexo dos seus cultivos.

📆 Venres 20 e sábado 21 de novembro
⌚ 09:00 - 18:00h
📍 Sede da Fundación Juana de Vega (San Pedro de Nós, Oleiros)
👥 35 prazas
💶 300€

𝗙𝗼𝗿𝗺𝘂𝗹𝗮𝗿𝗶𝗼 𝗱𝗲 𝗶𝗻𝘀𝗰𝗿𝗶𝗰𝗶𝗼́𝗻 𝗻𝗮 𝗻𝗼𝘀𝗮 𝘄𝗲𝗯 ⤵ ️
📱 https://juanadevega.org/xornadas_e_cursos/xornada-formativa-curso-de-cromatografia-agricola/
Na Fundación Juana de Vega apostamos pola formación especializada como motor de innovación e desenvolvemento do sector agroalimentario, impulsando iniciativas que achegan coñecemento e ferramentas prácticas aos profesionais. Esta formación forma parte da liña “𝗔𝗰𝘁𝗶𝘃𝗮𝗻𝗱𝗼 𝗼 𝘁𝗮𝗹𝗲𝗻𝘁𝗼 𝗱𝗼 𝘀𝗲𝗰𝘁𝗼𝗿 𝗮𝗴𝗿𝗼𝗮𝗹𝗶𝗺𝗲𝗻𝘁𝗮𝗿𝗶𝗼”.

Dirección

Avenida Salvador Allende, 92
Oleiros
15176

Teléfono

+34981654637

Página web

http://juanadevega.org/

Notificaciones

Sea el primero en enterarse: le enviaremos un correo electrónico cuando Fundación Juana de Vega publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.