Asociación Micolóxica Andoa

22/12/2025

Andoa deséxavos bo Nadal 🎄🍄

25/11/2025

A Exposición Micolóxica de Cambre tivo lugar o domingo 15 de novembro. Foi unha xornada moi agradable e educativa, na que un gran equipo de socios e socias axuntou o seu traballo, coñecementos e entusiasmo para levar a cabo este proxecto de divulgación e ensino sobre o fascinante mundo da micoloxía, ao mesmo tempo que tentaba concienciar á poboación sobre a necesidade de coidar o ecosistema. Moitas grazas a todas as persoas que visitaron a exposición e polo seu interese.

20/11/2025

20/11/2025

📢 A Asociación Micolóxica Andoa súmase ao Tecido Asociativo de Cambre, xunto a máis de 50 entidades, para reclamar solucións urxentes ante a situación de bloqueo administrativo que está afectando ao traballo das asociacións e á vida social do noso concello.

🤝 Defendemos unha administración que funcione e respecte o labor das entidades e da cidadanía.

📍 Concentración polo desbloqueo de Cambre
🗓 Domingo 23 de novembro
⏰ 11:00–12:00 h
📌 Diante do Concello

Cambre merece máis. Cambre merece funcionar.

14/11/2025

Onte, como xa é tradición, celebramos a entrega de premios do concurso de debuxos “Andoa nos coles”.
Este ano o xurado non o tivo nada doado, porque o nivel dos traballos foi fantástico! ☺️
Moitas grazas a todas e todos por participar.
Este domingo poderedes desfrutar da nosa Exposición Micolóxica, con unha ampla mostra de especies de cogomelos da contorna e, por suposto, cos debuxos realizados polos nenos e nenas dos colexios.
Un plan perfecto para aprender, sorprenderse e pasar unha mañá diferente en familia.
Agardamos vervos alí! ☺️🍄

09/11/2025

Ao longo de outubro, a Asociación Micolóxica de Andoa levou a cabo un programa de divulgación para achegar aos nenos ao mundo da micoloxía.

Unha das actividades insignia da asociación é "Andoa nos coles", unha serie de charlas e excursións centradas na identificación de diferentes tipos de fungos. Os nenos participaron activamente e divertíronse mentres aprendían.

O martes 28, o equipo responsable deste programa visitou o Colexio Wenceslao Fernández Flórez. Foi unha visita moi interesante e amena, durante a cal os nenos coñeceron novos coñecementos.

03/11/2025

Convidámosvos á ###II Exposición Micolóxica de Cambre, unha cita obrigada para todos os amantes do mundo dos cogomelos e da natureza.

Información:

QUE: ###II Exposición Micolóxica de Andoa

CANDO: Domingo, 16 de novembro de 2025

HORARIO: De 11:30 a 17:30 horas

ONDE: Patio do Colexio Wenceslao Fernández Flórez, Cambre

ENTRADA: Libre e gratuíta

22/10/2025

Hoxe alzamos a voz por Cambre máis de 40 entidades do tecido asociativo de Cambre , que traballamos en conxunto e sen partidismos:
Denunciamos o abandono total que sofre o noso municipio por parte de todos os partidos políticos e dos distintos estamentos e funcionariado do Estado.

Cambre está bloqueado, e este bloqueo pagámolo todos: veciñanza, clubs, asociacións e familias.

🚫 Non falamos de cores políticas.
💬 Falamos do ben común, do futuro de Cambre e da necesidade de actuar con transparencia e unidade.
Necesitamos prazos reais e nalgúns casos son de extrema urxencia.

Xa é hora de que todos se unan por un fin social, deixando ao carón intereses e diferenzas.
Cambre necesita solucións reais, non máis divisións.
Cada asociación de Cambre temos as nosas necesidades e dificultades propias, pero do mesmo xeito que pedimos unión e non división a todos os representantes políticos, mostramos a nosa unión e dispostos a predicar co exemplo, e antepoñer as nosas necesidades propias por dúas cremos son de extremada urxencia, como son o caso de Sementeira e club ciclista Cambre, que se atopan ao bordo da desaparición por non poder facer fronte ao pago de nóminas, seguros sociais, e/o fichas federativas que deben desde tempada 2023.

💛 Polo ben de todos.
Polo ben de Cambre.

E esa petición urxente non quita que desde a Asociación Micolóxica Andoa sigamos tendo e loitando polas nosas necesidades tales como: o abono das subvencións pendentes, o mantemento do local social, a recuperación da Semana Micolóxica e unha xestión no Concello na que teña cabida o crecemento e as novas iniciativas a favor do Medioambiente e a Biodiversidade.

19/10/2025

O sábado 11 de outubro realizamos a segunda saída de outono á Serra da Capelada, situada nos montes de Cedeira. As 08:30, con puntualidade, saiamos dende o centro de saúde de Cambre.
O noso compañeiro e membro fundador Álvaro Martiañez acompañounos nesta xornada como experto. Antes de comezar a xornada, repasounos as normas e boas prácticas que todos debemos manter no monte. Se coidamos o que temos, podemos seguir desfrutando da natureza.
Tivemos un día marabilloso, cun tempo excelente, que nos permitiu atopar moitos exemplares para estudar e levar para casa.
Ao final da mañá, comemos todos xuntos en Cedeira, e despois procedemos a identificar os exemplares que atopamos. Alberto fixo uso dos seus amplos coñecementos micolóxicos, explicándonos e respondendo a todas as nosas preguntas. Moitas grazas pola tua axuda.
Finalmente, volvemos a Cambre, fixemos a nosa foto habitual e puxemos rumbo para casa a descansar. O noso membro máis novo a necesitaba.

03/10/2025

E por fin chegou o gran día!. O sábado 27 de setembro, unha boa representación de socios de Andoa inauguramos a tempada de saídas micolóxicas da Asociación. Nesta ocasión visitamos A Serra Gañidoira.
O comezo non puido ser mellor, o día foi espectacular, o monte estaba precioso e sumouse a iso unha boa eclosión. Todos os asistentes puideron regresar a casa cos cogumelos recollidos na xornada matinal, lembrando
sempre os límites establecidos no Decreto 50/2014, do 10 de abril, polo
que se regulan, entre outros, os aproveitamentos micolóxicos (DOGA
07/05/2014), non superando os 2 quilos por persoa e, como sempre nos
ensinan os nosos expertos, "deixando o monte como o atopamos".
Ao mediodía comemos na área recreativa da Veiga, en Muras, xunto ao río
Eume, onde compartimos viandas, risos e coñecementos, dirixidos por un experto, o noso compañeiro Antonio Couceiro (Necho), quen realizou a identificación das especies atopadas. Rematamos o día retornando ao punto de partida e facendo plans para a seguinte saída.

15/06/2025

15/06/2025

O sábado 24 de maio realizamos a última saída antes do verán. Nesta ocasión tomamos rumbo a Taramundi, un dos pobos máis bonitos de Asturias, asentado nun pequeno val de media montaña, rodeado de exuberante natureza e zona de interese artesanal desde o ano 2005. Tivemos un día espectacular que nos permitiu realizar parte da “Ruta da auga”, onde visitamos o museo dos muíños de Mazonovo que mostra as diferentes formas de aproveitamento da forza da auga para moer grao e mesmo unha pequena central de enerxía eléctrica. Continuamos a ruta e adentrámonos no bosque de ribeira observando e estudando as distintas especies que o compoñen, da man do noso experto e socio fundador Álvaro Martiañez. Apartándonos un pouco da ruta vimos a “cascada do regato da Salgueira”, de 50 metros de altura, estaba preciosa. De volta ao pobo e tras o aperitivo, degustamos unha comida típicamente asturiana, sobremesa e paseo pola localidade. Todo perfecto. Rematada a xornada volvemos ao lugar de orixe.