Asociación Española Contra o Cancro A Coruña

19/06/2026

🔬 Detrás de cada avance hai investigación.

Neste reel contámosche como apoiamos e financiamos proxectos de investigación en cancro.

19/06/2026

Este verán, Ferrol comprométese coa protección solar ☀️🏖

O Concello de Ferrol pon a disposición da cidadanía crema solar gratuíta de factor 50 nas praias de Covas, Caranza, A Graña, Penencia, San Xurxo, Doniños, Santa Comba, Esmelle e Ponzos, facilitando así o acceso á protección solar durante o verán 🌊

Ademais, levouse a cabo a colocación de carteis da nosa campaña de protección solar, unha acción que xa vimos desenvolvendo en anos anteriores para seguir concienciando sobre a importancia da prevención.

A presentación tivo lugar hoxe na praia de Ponzos, coa presenza do alcalde de Ferrol, José Manuel Rey; da concelleira de Turismo, Patrimonio Histórico, Sanidade, Consumo, Benestar Animal e Mercados, Maica García; e da presidenta e vicepresidenta da nosa Xunta Local en Ferrol, Isabel Estevan e Mabel Sanesteban.

Unha iniciativa que suma esforzos para promover hábitos saudables e reducir os riscos asociados á exposición solar 💚

19/06/2026

O vindeiro xoves 2 de xullo temos unha cita en Carballo para falar de prevención do cancro de pel e aprender a coidarnos mellor.

🗓 Xoves, 2 de xullo

⏰ 19:00 horas

📍 Sala de Conferencias do Mercado Municipal

A charla será impartida por Iria Villar, técnica de Prevención da Asociación Española Contra o Cancro, que nos axudará a coñecer os riscos da exposición solar e as mellores formas de protexer a nosa pel no día a día.

Unha actividade gratuíta, aberta a toda a cidadanía, para resolver dúbidas e incorporar pequenos hábitos que poden marcar a diferenza 💚

🤝 Grazas ao Concello de Carballo e á Xunta de Galicia pola súa colaboración.

Agardámoste! Coidar a pel tamén é coidar a saúde.

19/06/2026

O vindeiro 19 de xullo celebramos a nosa andaina solidaria en Cedeira, unha oportunidade para camiñar xuntas e xuntos por unha causa que nos une 💚

🗓 Domingo, 19 de xullo

⏰ 11:00 horas

📍 Saída: Praza Roxa

Unha xornada para compartir, facer exercicio e apoiar a investigación e os servizos de atención ás persoas con cancro

E ademais… amenizada con zumba 🎶

📍 Inscricións en: Regalos Rosa, Local da Asociación en Cedeira (Palacete) e Carpas na Praza Roxa o propio día.

Tamén podes inscribirte na nosa web: https://enmarcha.contraelcancer.es/es/evento/cedeira-en-marcha-contra-o-cancro-2026

🤝 Grazas ao Concello de Cedeira, a Xeoparque Cabo Ortegal, ás entidades patrocinadoras ( Vegalsa Eroski e Solán de Cabras España), á entidade colaboradora (Clúster Galego da Industria do Deporte e o Benestar) e ao noso voluntariado.

Súmaste? Cada paso conta 💚

18/06/2026

Detrás de EnRede hay moitas historias. Hoxe coñecemos a de Marcos 💚

A través da súa testemuña, vemos o que significa para él este programa: un espazo no que pode volver a sentirse áxil e, sobre todo, afrontar mellor a enfermidade 💪

EnRede é unha iniciativa dirixida a pacientes oncolóxicos e ás súas familias que, a través de propostas como ximnasia, club de lectura, paseos culturais ou natación, promove hábitos de vida saudables e favorece o benestar físico, emocional e social

Máis de 200 persoas participaron nesta edición, demostrando que, cando se comparte o camiño, todo faise un pouco máis doado.

Grazas, Marcos, por compartir a túa experiencia. E grazas a todas as persoas que formades parte de EnRede por facer deste programa algo tan especial 🫶

En outubro volveremos con enerxías renovadas ✨️

18/06/2026

Contra o cancro, CON TODO

Unimos forzas con Atresmedia Comunicación para crear o maior altofalante informativo sobre o cancro en España.
Porque o cancro afecta a millóns de persoas:

👉 Máis de 2,2 millóns conviven coa enfermidade
👉 Máis de 267.000 novos diagnósticos cada ano

E ante esta realidade, hai algo esencial:
💚 información rigorosa, contrastada e accesible para todas as persoas

Con esta iniciativa:
✔ Levaremos contidos semanais sobre cancro a Antena 3, laSexta e Onda Cero
✔ Impulsaremos información fiable en TV, radio, dixital e redes sociais
✔ Contaremos con expertos e profesionais para garantir o máximo rigor
✔ Traballaremos desde o respecto, a sensibilidade e a responsabilidade
✔ Combatiremos os bulos e as fake news

Porque estar ben informados axúdanos a previr, comprender e afrontar mellor a enfermidade.

💚

17/06/2026

💃 Unímonos a iDance para poñerlle pasos á canción do verán.

‼️ Aviso: esta coreografía pégase case tanto como a canción ☀️

👉 Animádesvos a facer a vosa propia coreografía e etiquetarnos? Podedes atopar a nosa canción “Al sol con crema” na nosa canle de Youtube ou en Spotify 🎶

17/06/2026

O pasado domingo vivimos unha xornada moi especial cunha andaina que encheu A Pobra do Caramiñal de solidariedade 💚👣

Un percorrido cheo de enerxía e compromiso, no que cada paso contou para seguir impulsando a investigación e apoiar ás persoas con cancro e ás súas familias 🫶

Moitas grazas ás persoas que participaron, ao Concello da Pobra do Caramiñal, aos patrocinadores (Vegalsa Eroski e Solán de Cabras España) e ao colaborador Clúster Galego da Industria do Deporte e o Benestar, así como aos nosos voluntarios e voluntarias.

16/06/2026

Máis de 30 anos axudando ás persoas con cancro e ás súas familias desde a Xunta Local de Coristanco 💚✨

Maricarmen Facal, da Xunta Local, compartiu con nós a súa experiencia e aproveitou tamén para lembrar a gran labor da súa compañeira, Dalmira Cameán. Grazas a xente como elas, a nosa Asociación chega cada vez más lonxe 💪

16/06/2026

📰💚 A prevención tamén se constrúe con información.

A nosa técnica de Promoción da Saúde, Iria Villar, compartiu en El Ideal Gallego unha mensaxe clara: pequenos hábitos poden marcar unha gran diferenza na prevención do cancro de pel ☀️

📊 Nos últimos anos, a incidencia aumentou de forma preocupante. Por iso, é máis importante ca nunca reforzar a concienciación.

Non se trata só de protexerse cando imos á praia… Trátase de incorporar xestos sinxelos no día a día:

🧴 usar protección solar

💧 manterse ben hidratado

🕶️ evitar as horas centrais do sol

🔍 revisar posibles lesións na pel

E lembrar algo clave: Non hai bronceado saudable. O bronceado é unha forma de defensa que a nosa pel ten para protexerse da radiación solar.

Grazas a El Ideal Gallego por dar visibilidade a esta mensaxe tan importante 🙌

Accede á entrevista completa 👇

Técnica de prevención da AECC en A Coruña, alerta de que as taxas da incidencia do cancro de pel non paran de subir dende 2022 e apela a introducir pequenos hábitos que poden “salvarnos”