12/03/2025
Gatuchinhos: COMUNICACIÓN IMPORTANTE
Con profunda tristeza, comunicamos o cese das actividades da asociación Gatuchinhos. Despois de 10 anos de esforzo, dedicación e amor polos gatos, atopámonos na difícil situación de pechar as nosas portas de xeito indefinido.
A pesares dos retos, estamos orgullosos de axudar a numerosos gatos a atopar fogar e contribuír a concienciar sobre o respecto e coidado destes animais.
Quedan dúas gatas por atopar fogar e seguiremos buscando un fogar definitivo para elas, pero non imos atender máis casos.
Queremos agradecer a todas as persoas que apoiaron a nosa causa: voluntarios, adoptantes, doadores e seguidores. Sen vós, nada disto sería posible.
Seguiremos promovendo o respecto polos animais e esperamos que o noso traballo deixe pegada na comunidade. Se queres seguir apoiando a causa, animámoste a colaborar con outras organizacións locais.
Grazas por formar parte desta historia.
Bicos e ronroneos.
