Kryqi Kuq Shqiptar,Dega Elbasan

16/10/2026

❤️🥖 16 Tetor – Dita Botërore Kundër Urisë

Në kuadër të Fushatës Kundër Urisë, Kryqi i Kuq Dega Elbasan, në bashkëpunim me shkollën 9-vjeçare “Qamil Guranjaku” dhe falë kontributit të nxënësve të kësaj shkolle, u gjend pranë familjeve në nevojë përmes shpërndarjes së pakove ushqimore, duke përcjellë mesazhin e solidaritetit dhe kujdesit për ata që kanë më shumë nevojë. 🤝❤️

Çdo kontribut ka vlerë dhe çdo gjest solidariteti sjell shpresë. Së bashku mund të ndërtojmë një komunitet më të bashkuar, ku askush të mos mbetet pas!

16/10/2026

🩸❤️ Programi i Shëndetit – Dhurimi Vullnetar i Gjakut

Dhuro gjak, shpëto jetë! 🩸

Kryqi i Kuq Dega Elbasan zhvilloi një seancë dhurimi vullnetar të gjakut pranë Xhamisë Umar, duke ftuar komunitetin të kontribuojë në këtë akt humanitar në ndihmë të fëmijëve talasemikë. 🤝❤️

Mirënjohje për çdo dhurues që, përmes këtij gjesti solidariteti, ndihmon në shpëtimin e jetëve!

15/10/2026

⚽⛑️ UEFA CONFERENCE LEAGUE

Në stadiumin “Elbasan Arena” u zhvillua ndeshja e vlefshme për UEFA Conference League ndërmjet ekipeve KF Egnatia dhe FC Midtjylland.

Vullnetarët e Kryqit të Kuq Shqiptar – Dega Elbasan ishin të pranishëm me shërbimin e Ndihmës së Parë, duke qëndruar në gatishmëri gjatë zhvillimit të ndeshjes. ❤️🤝

13/10/2026

https://albaniaexpress.al/elbasani-ne-gatishmeri-per-emergjencat-e-dimrit-apel-per-kujdes-dhe-siguri/

NGA FATMIR POPJA Java Kombëtare e Ndërgjegjësimit për Zvogëlimin e Riskut nga Fatkeqësitë ka sjellë në Elbasan aktivitete informuese dhe praktike. Drejtoria e Emergjencave Civile konfirmon gatishmërinë për ndërhyrje, ndërsa qytetarët këshillohen të tregojnë kujdes gjatë motit të ...

13/10/2026

🚨🌍 Java Kombëtare e Ndërgjegjësimit për Zvogëlimin e Riskut nga Fatkeqësitë

Kryqi i Kuq Shqiptar u bë pjesë e fushatës ndërgjegjësuese, në bashkëpunim me Agjencinë Kombëtare të Mbrojtjes Civile, me synim rritjen e ndërgjegjësimit për parandalimin, përgatitjen dhe përballimin e situatave emergjente.

Sot, Kryqi i Kuq Dega Elbasan, në bashkëpunim me strukturat e Emergjencave Civile, zhvilloi një simulim të një situate zjarri në shkollën “Dhaskal Todri”, ku u demonstrua dhënia e Ndihmës së Parë për personat e dëmtuar. 🚒🩺

Aktivitetet vijuan edhe në qytetin e Elbasanit, për të ndërgjegjësuar qytetarët mbi rëndësinë e përgatitjes dhe reagimit të koordinuar ndaj emergjencave. 🤝

Të jemi të përgatitur sot, për të qenë më të sigurt nesër! ❤️

12/10/2026

🏠❤️ PROGRAMI SOCIAL – HOME CARE

Kujdesi dhe solidariteti marrin kuptim përmes gjesteve të vogla që bëjnë diferencën në jetën e të tjerëve. 🫶

Kryqi i Kuq Dega Elbasan, përmes programit Home Care, vijon të mbështesë të moshuarit që jetojnë të vetmuar, duke u ofruar ndihmë ushqimore dhe duke përcjellë mesazhin se askush nuk duhet të ndihet i harruar. 🤝❤️

Sepse edhe një dorë e shtrirë me dashamirësi mund të sjellë ngrohtësi dhe shpresë.

09/10/2026

🧠 10 Tetor – Dita Botërore e Shëndetit Mendor

Kryqi i Kuq Dega Elbasan, zhvilloi një aktivitet promovues dhe informues me nxënësit e shkollës “Vasil Kamami”, me qëllim rritjen e ndërgjegjësimit mbi rëndësinë e shëndetit mendor, kujdesit për veten dhe mbështetjes ndaj njëri-tjetrit. 💚

Të dëgjojmë pa paragjykim, të mbështesim me mirëkuptim dhe të kujtojmë se çdo histori ka vlerë! 🤝

04/10/2026

❤️ 4 Tetor 1921 – Dita e Themelimit të Kryqit të Kuq Shqiptar

Sot, përkujtojmë me krenari 105-vjetorin e krijimit të Kryqit të Kuq Shqiptar, shoqata më e vjetër dhe më e madhe humanitare ne vend.

105 vite përkushtim, humanizëm dhe solidaritet, gjithmonë pranë njerëzve dhe komuniteteve në nevojë. 🤝

105 vite humanizëm.
105 vite në krah të njerëzve.
Dhe rruga jonë vazhdon.

Gëzuar 105-vjetorin, Kryqi i Kuq Shqiptar!🇦🇱

01/10/2026

❤️👵 1 TETOR – DITA BOTËRORE E TË MOSHUARVE

Në kuadër të Ditës Botërore të të Moshuarve, Kryqi i Kuq Dega Elbasan ishte pranë të moshuarve pjesë e programit Home Care, duke përcjellë kujdes, vëmendje dhe mbështetje përmes ndihmës ushqimore. 🏠❤️

Përmes vizitave dhe përkujdesjes, vullnetarët tanë sjellin jo vetëm ndihmë konkrete, por edhe ngrohtësi njerëzore e shoqëri për të moshuarit që jetojnë të vetmuar. 🤝

Sepse çdo i moshuar meriton të ndihet i vlerësuar, i dëgjuar dhe i kujdesur. ❤️

Pranë tyre, me kujdes dhe humanizëm.

17/09/2026

🩸❤️ DHURIM VULLNETAR I GJAKUT

Në ambientet e kompanisë Grimer SHPK, u zhvillua një seancë dhurimi vullnetar të gjakut, e organizuar nga Kryqi i Kuq Dega Elbasan.

Punonjësit e kompanisë iu përgjigjën me solidaritet kësaj nisme, duke dhuruar gjak në mbështetje të fëmijëve talasemikë. 🤝🩸

Mirënjohje për çdo dhurues që kontribuon me një gjest kaq të çmuar human. ❤️

Dhuro gjak, shpëto jetë!