Fondacioni Dritë për të Gjithë është një organizatë e krishterë e cila ka për synim ofrimin e asistencës në fushën shpirtërore, sociale, psikologjike dhe humanitare ndaj grupeve të ndryshme sociale dhe integrimin e tyre në shoqëri. Fondacioni Dritë për të Gjithë tashmë është duke e zhvilluar veprimtarine e tij në katër drejtime.
-Familja e Dritës
-Bashkësia e Jezusit
-Aftësim Profesional
-Ndihma
Humanitare
Familja e Dritës
Familja e Dritës është një shërbesë nëndihmë të personave me aftësi të kufizuar të shikimit. Ka filluar duke parë nevojen e integrimit të tyre në shoqëri dhe për të lehtësuar pjesmarrjen e tyre në jetën normale nëpërmjet përfshirjes në aktivitete të ndryshme të karakterit trajnues, profesional por edhe clodhës dhe argëtues që mundësojnë lidhjen dhe forcimin e miqësisë ndërmjet tyre. Fondacioni Dritë për të Gjithë hartoi dhe hapi këtë aktivitet për arritjen e këtyre objektivave në mënyrë që këta persona të ndihen të aftë dhe të vlefshëm pavarësisht nga mungesa e të parit. Qellimi i kësaj nisme është rehabilitimi dhe integrimi i të verbërve në shoqëri nëpërmjet:
Edukimit dhe Mesimdhënies profesionale që konsiston në mësimin e shkrimit Braile, mësimin e gjuhëve të huaja, aftësimin në përdorimin e kompjuterit,
Zhvillimit të aktiviteteve argëtuese si koncerte, organizime festash dhe kampe verore, ku synohet të arrihet krijimi i kushteve për forcimin e lidhjeve miqësore dhe krijimin e një atmosfere sa më familjare. Aktiviteti i këtij grupi ka filluar për herë të parë në Korrik të vitit 2000 me zhvillimin e kurseve trajnuese për mësimin e shkrimit Braile dhe gjuhës Angleze. AKTUALISHT KURSET PER MESIMIN E GJUHES ANGLEZE DHE KOMPJUTERIT ZHVILLOHEN CDO DITE TE MERKURE NE OREN 10.00
Bashkësia e Jezusit
Eshtë një pjesë e rëndësishme e e veprimtarisë së Fondacionit. Ka një kohë të gjatë që ushtron aktivitetin në rrethin e Elbasanit duke dhënë kontribut të konsiderueshëm në ngritjen shpirtërore, morale dhe edukative të njerëzve të shtresave, traditave, racave dhe etnive të ndryshme pa asnjë dallim. BASHKESIA E JEZUSIT është kishë e krishterë Ungjillore dhe Anëtare e Vëllazerisë Ungjillore Shqiptare (VUSh)
Takimet e Javes
E Marte,Ora 17.00 Kursi i Bibles
E Premte, Ora 16.30 Grupi i te Rinjve
E Diele, Ora 10.00 Sherbesa
Aftësim Profesional
Kurse Aftësimi në përdorimin e kompjuterit dhe programit JAWS dhe gjuhës Angleze. Ndihma Humanitare
Mbështetje jo të vazhdueshme për familje të varfera me veshje, ushqime.
