Link Shtime

09/05/2026

Sot, në ambientet e OJQ LINK në Shtime, u mbajt workshopi për orientim në karrierë me psikologun Leotrim Edipi, ku nxënësit e shkollave të mesme patën mundësinë të diskutojnë dhe të mësojnë më shumë rreth zhvillimit personal, zgjedhjes së karrierës dhe planifikimit të së ardhmes së tyre.
Gjatë aktivitetit u trajtuan tema me rëndësi për:

✅ njohjen e potencialit personal
✅ orientimin profesional
✅ vendimmarrjen për të ardhmen
✅ motivimin dhe zhvillimin e vetes

Falënderojmë psikologun Leotrim Edipi për kontributin dhe përvojën e ndarë me të rinjtë tanë, si dhe të gjithë pjesëmarrësit për angazhimin dhe energjinë pozitive gjatë workshopit.

30/04/2026

🎓 WORKSHOP PËR ORIENTIM NË KARRIERË

OJQ LINK organizon workshop për orientim në karrierë me psikologun Leotrim Edipi, MA.
Leotrim Edipi ka përfunduar studimet master në Psikologji dhe Këshillim Shkollor në Universitetin e Prishtinës dhe është i certifikuar si psikoterapist për fëmijë dhe adoleshentë. Aktualisht ushtron funksionin e koordinatorit në organizatën “Vizioni”, psikolog në Qendrën Psikologjike “Introspektri” dhe psikolog shkollor në “Horizon School”.
Me përvojë të gjerë në shëndetin mendor dhe orientimin në karrierë, ai do të ndajë njohuri praktike për të ndihmuar të rinjtë në zgjedhjen e rrugës së tyre profesionale.

📅 Data: 09.05.2026 (e shtunë)
🕙 Ora: 10:00
📍 Vendi: Zyret e OJQ LINK (Objekti i Fitores – Shtime)

👥 Workshopi është i dedikuar për nxënësit e shkollave të mesme.

19/03/2026

09/03/2026

Krahasimi i arritshmërisë së rezultateve ndërmjet viteve 2024 dhe 2026

“Rezultatet e këtij viti tregojnë përmirësim të dukshëm. Nga 2100 pikë të mundshme, këtë vit janë arritur 1738 pikë (82.8%), ndërsa vitin e kaluar 1483 pikë (70.6%). Kjo paraqet rritje prej 12.2 pikë përqindje, përkatësisht 255 pikë më shumë në total.”

08/03/2026

Testimi u zhvillua në tri lëndë: Gjuhë Shqipe, Matematikë dhe Njeriu dhe Natyra, ku në secilën lëndë u shpall nga një nxënës fitues sipas rezultateve të arritura.

08/03/2026

Sonte, OJQ “Link” pati kënaqësinë të shtrojë një iftar me aktivistët e saj dhe me disa nga të rinjtë e qytetit tonë.

Në një atmosferë të ngrohtë ramazani, kaluam momente të mira bashkëbisedimi, reflektimi dhe afrimi mes njëri-tjetrit. Këto takime na kujtojnë rëndësinë e solidaritetit, bashkëpunimit dhe angazhimit për të mirën e shoqërisë sonë.

Falënderojmë të gjithë ata që morën pjesë dhe kontribuan që kjo mbrëmje të jetë kaq e bukur.

07/03/2026

Sot në komunën e Shtimes u mbajt testi i diturisë për nxënësit e klasave të pesta në nivel komunal, në lëndët: Gjuhë Shqipe, Matematikë dhe Njeriu dhe Natyra.

Procesi i organizimit dhe zhvillimit të testit ka shkuar shumë mirë dhe në një atmosferë të rregullt e bashkëpunuese. Nxënësit treguan përgatitje të mirë, seriozitet dhe frymë garuese shumë pozitive.

Falënderojmë Komunën e Shtimes për bashkëpunimin dhe mbështetjen në realizimin e këtij aktiviteti. Mirënjohje të veçantë për drejtorët e shkollave dhe mësimdhënësit, të cilët me përkushtim përgatisin dhe mbështesin nxënësit e tyre.

Gjithashtu falënderojmë nxënësit pjesëmarrës në garë, të cilët me dijen dhe angazhimin e tyre i dhanë kuptim këtij aktiviteti, si dhe nxënësit që kontribuan në programin artistik, duke e bërë aktivitetin edhe më të bukur.

Një falënderim i veçantë shkon për ekipin e OJQ “Link”, për angazhimin dhe organizimin e shkëlqyer gjatë gjithë aktivitetit.

Urime për të gjithë pjesëmarrësit dhe suksese të mëtejshme në rrugën e dijes!

13/11/2025

LINK nikoqir i turit “RYCO Tour – In Motion With Youth”

Të shtunën në ambientet e organizatës sonë u mbajt aktiviteti “RYCO Tour – In Motion With Youth” me qëllim që t’i afrojë të rinjtë me mundësitë e bashkëpunimit rajonal, të dëgjojë zërin e tyre dhe të nxisë ide që kontribuojnë në ndërtimin e një të ardhme më gjithëpërfshirëse dhe më të qëndrueshme.

Pjesë e takimit ishin edhe përfaqësuesit e Odës Ekonomike Gjermano-Kosovare, të cilët promovuan programin Kosovo Generation Unlimited – një iniciativë që synon fuqizimin dhe punësimin e të rinjve përmes trajnimeve dhe mundësive konkrete profesionale.

Prezent në këtë takim ishte edhe nënkryetari i Komunës së Shtimes z.Faruk Beqa.

LINK do të vazhdojë agazhimin dhe bashkëpunimin me akter të ndryshëm për zhvillimin e kapaciteteve të të rinjëve të komunës së Shtimes.