Mongolian Business Council of Chicago

Mongolian Business Council of Chicago Contact information, map and directions, contact form, opening hours, services, ratings, photos, videos and announcements from Mongolian Business Council of Chicago, Nonprofit Organization, 5005 Newport Drive, Suite 100, Rolling Meadows, IL.

Mongolian Business Council of Chicago (MBCC) serves Mongolian Businesses including small businesses, start-ups, entrepreneurs, professionals, and students in the Chicago and Chicago area members of MBCC.

Шинийн 3-ны билэгт сайн өдөр Чикагогийн Монголчуудын Бизнесийн Зөвлөлийн (MBCC) уламжлалт золголт хүндэтгэл, бэлгэдэл дү...
02/23/2026

Шинийн 3-ны билэгт сайн өдөр Чикагогийн Монголчуудын Бизнесийн Зөвлөлийн (MBCC) уламжлалт золголт хүндэтгэл, бэлгэдэл дүүрэн сайхан боллоо.

Монгол түмний төрт ёсны хүндэтгэлт заншлын дагуу ахмад буурлаа дээдлэн золгож, эв эеэ эрхэмлэн, шинэ оны өнгийг тодорхойлох ерөөл, бэлгэ дэмбэрэлтэй үгс солилцсон утга төгөлдөр уулзалт болов. Золголт нь зөвхөн мэндчилгээний ёслол бус, харин хамтын үнэт зүйл, итгэлцэл, харилцан хүндэтгэлийг бататгасан бэлгэдлийн чухал арга хэмжээ байлаа.

Бид өнгөрсөн оны ололт амжилтаа билэгдэн дурсаж, ирэх жилийн зорилго тэмүүллээ нэгтгэн эв нэгдлээ бэхжүүлэв.

Сар шинэдээ сайхан шинэлж, төрт ёсны уламжлал дэлгэрч, хийморь лундаа бадарч, үйл хэрэг бүхэн тань өөдлөн дэвжиж, хамтын ажиллагаа тань батжин өргөжих болтугай.

02/18/2026

17-р жарны Саран жаран дахь Гал Морь жилийн
Сар шинийн баярын мэндийг өргөн дэвшүүлье!
Гал мэт бадарсан эрч хүчтэй,
Морь мэт хурдтай хийморьтой,
Ажил үйлс өөдрөг,
Амьдрал аз жаргалаар дүүрэн байх болтугай.
Айлыг инээдээр
Амьдралыг амжилтаар
Сэтгэлийг баяраар дүүргэх
Сайхан жил байхыг ерөөе.

02/16/2026

Америкийн Нэгдсэн Улсын Чикаго хотод “Цагаан сар” үзэсгэлэн амжилттай боллоо

Чикаго хотноо зохион байгуулагдсан “Цагаан сар” үзэсгэлэн худалдаа монголчуудыг нэгэн дор цуглуулж, үндэсний өв соёл, уламжлалаа түгээн дэлгэрүүлсэн өргөн цар хүрээтэй арга хэмжээ болж өндөрлөлөө.

Энэхүү арга хэмжээг дэмжин ажилласан Ерөнхий ивээн тэтгэгчиддээ гүн талархал илэрхийлье:

Содномын Баяржарал
S.B. Express Inc - Захирал

Тагарсүрэнгийн Лхамдулам
ALT Insurance Agency Алт даатгалын агентлагийн захирал

Оросоогийн Оюунаа
Realtor Yuna Johnson Berkshire Hathaway компани үл хөдлөх хөрөнгийн зуучлагч

Батсүхийн Жавхлан
Batsukh CPA Батсүх СПА компанийн захирал

Занын Насандэлгэр
Nasa Munkhjargal Mainline Benefits Эрүүл Мэнд, Амь даатгалын агент

Та бүхний үнэтэй дэмжлэг, итгэл сэтгэлийн ачаар арга хэмжээ маань амжилттай зохион байгуулагдлаа.

Сар шинэдээ сайхан шинэлээрэй.

Монгол Улсаас АНУ-д суугаа Элчин сайд Ө.БатбаярынИЛГЭЭЛТ"Цагаан сар - Үзэсгэлэн худалдаа - Чикаго 2026"арга хэмжээний тө...
02/13/2026

Монгол Улсаас АНУ-д суугаа Элчин сайд Ө.Батбаярын

ИЛГЭЭЛТ

"Цагаан сар - Үзэсгэлэн худалдаа - Чикаго 2026"
арга хэмжээний төлөөлөөгчдөд

Эрхэм хүндэт Зочид, Төлөөлөгчид өө,

"Цагаан сар - Үзэсгэлэн худалдаа - Чикаго 2026" арга хэмжээнд хүрэлцэн ирсэн Та бүхэнд халуун мэндчилгээ дэвшүүлье.

XVI жарны "Сүрээр дарагч " гал улаан морин жилийн Сар шинийн баярыг угтан Чикагогийн Монголчуудын Бизнесийн Зөвлөлөөс энэхүү арга хэмжээг санаачлан уламжлал болгон дөрөв дэх жилдээ амжилттай зохион байгуулж буйд гүн талархал илэрхийлье. Тус Бизнесийн Зөвлөл өнгөрсөн онд бизнес эрхлэгчдэд чиглэсэн олон чухал арга хэмжээг, тухайлбал, МХАҮТ-тэй хамтран " Монгол Улсыг АНУ-тай холбох худалдаа, хөрөнгө оруулалт, түншлэлийн боломжууд " дугуй ширээний уулзалт, "Business Expo and Job Fair 2025", "Safety First 2025" зэрэг олон арга хэмжээг амжилттай зохион байгуулж, Монголчуудынхаа бизнесийн орчныг дэмжин манлайлан ажиллаж байгааг онцлон тэмдэглэж байна.

Түүнчлэн энэхүү "Цагаан сар - Үзэсгэлэн худалдаа - Чикаго 2026" арга хэмжээг ивээн
тэтгэж дэмжлэг үзүүлэн хамтран ажилласан байгууллага, хувь хүн бүрт талархал илэрхийлж, ажил үйлсийн дээдийг хүсье. Энэхүү арга хэмжээ нь Монголын өв соёл, үндэсний урлаг, гар урлал, уламжлалт хоол хүнсээ дэлхийн олон үндэстэнд таниулж, эх орныхоо үнэт өвийг сурталчлах онцгой ач холбогдолтой бөгөөд Монгол Улсад үйлдвэрлэсэн бараа бүтээгдэхүүнийг олон улсын зах зээлд гаргах боломжийг нэмэгдүүлж, бизнесийн хамтын ажиллагааг өргөжүүлэхэд чухал хувь нэмэр оруулж байгаагаараа онцлог юм.

Үзэсгэлэн худалдаа нь зөвхөн худалдаа арилжааны талбар бус, харин монголчууд бидний өв соёл, уламжлалт зан заншлыг хойч үедээ өвлүүлэн үлдээх, эх түүхээ нандигнан хадгалах соёлын томоохон гүүр болж байгаагаараа үнэ цэнтэй. Энэ удаагийн арга хэмжээнд урлагийн тоглолт болон зураач С.Заяасайханы уран бутээлийн үзэсгэлэн зэрэг соёлын хөтөлбөр багтсан нь арга хэмжээний агуулгыг улам баяжуулж байгаа юм.

Монголчууд бид эх орноосоо алс хол амьдарч байгаа ч сэтгэл зүрх, зорилго тэмүүллээрээ нэгэн ард түмэн билээ. Та бүхний эх оронч сэтгэл, эв нэгдэл, хамтын оролцоо нь Монгол Улсын нэр хүндийг дэлхийд өргөж, эх орныхоо хөгжилд үнэтэй хувь нэмэр оруулж байдгийг онцлон тэмдэглэж байна.

Та бүхний ажил үйлс үргэлж өөдрөг, өрнүүн байхыг хүсэн ерөөе! Сар шинэдээ сайхан
шинэлээрэй!

ЭЛЧИН САЙД Ө.БАТБАЯР

ЦАГААН САР Үзэсгэлэн худалдаа - ЧИКАГО 2026
Consulate of Mongolia in Chicago
Mongolian Embassy to the USA

02/11/2026

Malchin TV хот айл мэдээллийн хөтөлбөр

ЦАГААН САР Үзэсгэлэн худалдаа - ЧИКАГО 2026
Adilzaya Dashbaljir ЦАГААН САР Үзэсгэлэн худалдаа - ЧИКАГО 2026

02/11/2026

ЦАГААН САР Үзэсгэлэн худалдаа - ЧИКАГО 2026
#МонголынМэдээ #МОНГОЛ #ҮндэснийТВ

Тусгайлан Adilzaya Dashbaljir -д баярлалаа

I've just reached 2K followers! Thank you for continuing support. I could never have made it without each one of you. 🙏🤗...
02/10/2026

I've just reached 2K followers! Thank you for continuing support. I could never have made it without each one of you. 🙏🤗🎉

Монгол Улсаас Чикаго хотод суугаа Консулын газар болон The American Mongolian Association хамтран зохион байгуулж буй, С...
02/04/2026

Монгол Улсаас Чикаго хотод суугаа Консулын газар болон The American Mongolian Association хамтран зохион байгуулж буй, Сар шинийн баярыг тохиолдуулсан Монголын уламжлал, өв соёлыг түгээн дэлгэрүүлэх зорилготой олон нийтийн ач холбогдол бүхий соёл, уламжлалтын арга хэмжээ зохион байгуулагдах гэж байна.

Арга хэмжээ
• Сар шинийн Хүчит бөхийн барилдаан
• Сар шинэд зориулсан Хүндэтгэлийн ажиллагаа болно.

Энэхүү арга хэмжээнд Чикагогийн Монголчуудын Бизнесийн Зөвлөл нь албан ёсны ивээн тэтгэгч (Sponsor)-оор 3 дах жилдээ оролцож, арга хэмжээг дэмжин ажиллаж байгааг та бүхэнд дуулгахад таатай байна.

Ахмад буурлууддаа эрүүл энх, урт удаан наслахын өлзийтэй ерөөлийг дэвшүүлье!

02/02/2026

ЦАГААН САР Үзэсгэлэн худалдаа - ЧИКАГО 2026

📍 930 National Pkwy, Schaumburg, IL 60173
🗓️ 02/07-02/08 10am-8pm

Үзэсгэлэн худалдаанд оролцох сонирхолтой компани, хувь хүн 312-934-6000 утсаар бүртгүүлээрэй.
бүртгүүлэх линк:
https://docs.google.com/.../1FAIpQLSc6Lvv7nTl.../viewform...

Home Buyer Workshop – Амжилттай зохион байгуулагдлаа! Энэхүү workshop нь анх удаа орон сууц худалдан авах гэж буй иргэд,...
01/26/2026

Home Buyer Workshop – Амжилттай зохион байгуулагдлаа!

Энэхүү workshop нь анх удаа орон сууц худалдан авах гэж буй иргэд, мөн үл хөдлөх хөрөнгийн салбарт хөрөнгө оруулалт хийх сонирхолтой оролцогчдод зориулсан мэдлэг, мэдээлэл олгох зорилготой байв.

Арга хэмжээнд үл хөдлөх хөрөнгөтэй холбоотой мэргэжлийн зочин илтгэгчид оролцож дараах үндсэн сэдвүүдээр дэлгэрэнгүй мэдээлэл өглөө. Үүнд:

• Bayanmunkh Dash Mortgage Loan Officer NMLS NO 2666206 – орон сууцны зээлийн төрөл, зээл авахад тавигдах шаардлага, санхүүжилтийн боломжууд

• Batsukh CPA (Certified Public Accountant) – татварын зохицуулалт, үл хөдлөх хөрөнгийн татварын нөлөөлөл, хөрөнгө оруулалтын татварын төлөвлөлт

• Duka Baatarchuluun Хуульч – үл хөдлөх хөрөнгө худалдан авахтай холбоотой хууль эрх зүйн асуудал, гэрээ хэлцлийн онцлог

• Realtor Yuna Johnson Nora Locklear, Realtor – зах зээлийн бодит нөхцөл байдал, байршил сонголт, худалдан авалтын үеийн практик зөвлөмж, хэлцэл хийх стратеги

• ALT Insurance Agency, Bolor Lochingalsan & Associates Inc- American Family Insurance – орон сууц болон хөрөнгийн даатгалын төрөл, ач холбогдол, эрсдэлийн хамгаалалт

Эдгээр илтгэл, танилцуулгаар дамжуулан оролцогчид үл хөдлөх хөрөнгөтэй холбоотой санхүү, татвар, хууль, даатгал болон зах зээлийн бодит мэдээллийг нэг дороос цогцоор нь авах боломж бүрдсэн юм. Мөн асуулт, хариултын хэсэгт оролцогчид өөрсдийн бодит нөхцөлд тохирсон мэргэжлийн зөвлөгөө авч, цаашдын худалдан авалт болон хөрөнгө оруулалтын шийдвэрээ илүү тодорхой, бодитой төлөвлөх нөхцөл бүрдлээ.

Үл хөдлөх хөрөнгө авах дараагийн алхмаа хийхээр зорьж буй хэн бүхэнд энэхүү workshop бодит дэмжлэг болсон гэдэгт итгэлтэй байна.

Хэрэв танд нэмэлт зөвлөгөө, туслалцаа хэрэгтэй бол энэхүү арга хэмжээнд оролцсон Монгол мэргэжилтнүүдтэй холбогдон, нүүр тулан уулзаж, өөрийн нөхцөлд тохирсон шийдлийг хамтдаа олохыг урьж байна. Бидний хамтын мэдлэг, туршлага таны зөв шийдвэрийн бат бөх суурь болно гэдэгт итгэлтэй байна.

Зохион байгуулагч:
Чикагогийн Монголчуудын Бизнесийн Зөвлөл
(Mongolian Business Council of Chicago) MBCC

ШИНЭ ГИШҮҮНИЙГ ТАНИЛЦУУЛЖ БАЙНАЧикагогийн Монголчуудын Бизнесийн Зөвлөлд Nori Sushi - Wicker Park, Chicago🍣 албан ёсоор ...
12/27/2025

ШИНЭ ГИШҮҮНИЙГ ТАНИЛЦУУЛЖ БАЙНА

Чикагогийн Монголчуудын Бизнесийн Зөвлөлд Nori Sushi - Wicker Park, Chicago🍣 албан ёсоор нэгдэж байгааг та бүхэнд баяртайгаар дуулгаж байна.

Sushi – Wicker Park нь Чикаго хотод амжилттай үйл ажиллагаа явуулж буй Монгол эзэнтэй бизнесүүдийн нэгэн тод төлөөлөл бөгөөд чанартай хоол, орчин үеийн үйлчилгээ, мэргэжлийн баг хамт олноороо олон үйлчлүүлэгчдийн талархлыг хүлээсэн билээ.

✨ Mongolian Business Council of Chicago (MBCC)-ийн хамт олонд нэгдсэнд баяр хүргэж,
цаашдын бизнесийн үйл ажиллагаанд нь их амжилт, өргөжин тэлэхийн ерөөл дэвшүүлье!

🔗 Дэлгэрэнгүй мэдээлэл:
👉 https://www.norichicago.com

#МонголБизнес

АНУ–Монголын бизнесийн хамтын ажиллагааг бэхжүүлэх ньЧикагогийн Монголын Бизнесийн Зөвлөлийн (MBCC) төлөөлөгчдийг Монгол...
11/25/2025

АНУ–Монголын бизнесийн хамтын ажиллагааг бэхжүүлэх нь

Чикагогийн Монголын Бизнесийн Зөвлөлийн (MBCC) төлөөлөгчдийг Монголын Бизнесийн Зөвлөлийн (MBC) Удирдах зөвлөлийн дарга Цэвэгмид Түмэнцогт хүлээн авч уулзлаа.

Уулзалтын үеэр хоёр байгууллага Монгол, АНУ-ын бизнесийн орчинд хамтын ажиллагаагаа өргөжүүлэн хөгжүүлэхтэй холбоотой асуудлаар санал солилцож, худалдаа, хөрөнгө оруулалт болон эдийн засгийн хамтын ажиллагааг гүнзгийрүүлэх боломжуудыг хэлэлцэв.

Уулзалтын гол сэдвүүд
• Хоёр улсын худалдааны урсгалыг нэмэгдүүлэх, экспорт–импортын шинэ боломжуудыг нээх
• Хамтарсан бизнес форум, уулзалт, сүлжээний арга хэмжээг зохион байгуулах
• Хөрөнгө оруулалт, технологийн түншлэл болон инновацын чиглэлд хамтын ажиллагааг дэмжих
• Монгол–Америкийн бизнесийн сүлжээг өргөжүүлэн бэхжүүлэх

Хоёр талын нийтлэг зорилго нь бизнесийн салбарын уялдаа холбоог сайжруулж, шинэ боломжуудыг нээх, эдийн засгийн хамтын ажиллагааг дараагийн түвшинд хүргэх явдал юм.

Энэ уулзалт нь хоёр зөвлөлийн хамтын ажиллагааг шинэ шатанд гаргах, цаашдын бүтээлч санаачилга болон хамтарсан төслүүд хэрэгжих эхлэл болно гэдэгт хоёр тал итгэлтэй байна.

Энхбат Баатаржав

Чикагогийн Монголын Бизнесийн Зөвлөл (MBCC) Ерөнхийлөгч

Address

5005 Newport Drive, Suite 100
Rolling Meadows, IL
60008

Telephone

+13128906222

Website

Alerts

Be the first to know and let us send you an email when Mongolian Business Council of Chicago posts news and promotions. Your email address will not be used for any other purpose, and you can unsubscribe at any time.

Shortcuts

Share

Category