06/19/2026
“गुरोराज्ञा गरीयसी” — गुरुको आज्ञा नै सर्वोपरि हो भन्ने यस दिव्य गुरु-वचनलाई हृदयङ्गम गर्दै, परम पूज्य श्रीयोगिराज स्वामीजीको पावन निर्देशनअनुसार निरन्तर सञ्चालन हुँदै आएको दैनिक पुष्पमाला अर्पणको पुण्यमयी परम्परामा आज १४८औँ दिन श्रद्धेय श्री किरण सुबेदीज्यू, धर्मपत्नी श्रीमती दुर्गा पोखरेलज्यू, तथा सुपुत्र अभिषेक सुबेदी, सुपुत्री एलिशा सुबेदी र आर्या सुबेदीका तर्फबाट श्रद्धा, भक्ति र समर्पणपूर्वक अर्पित सुगन्धित पुष्पमालाले श्रीभगवानको दिव्य विग्रहलाई अझ शोभायमान तथा मनोहर बनाएको अनुभूति सम्पूर्ण भक्तजनहरूले गरेका छन्।
श्रीभगवानको सेवामा समर्पित यस पुण्यमयी पुष्पमाला अर्पणले श्रीवैष्णव जीवनका आदर्शहरू—भगवद्भक्ति, आचार्य-निष्ठा, शरणागति तथा भगवत्-कैङ्कर्य—लाई जीवन्त रूपमा अभिव्यक्त गरेको छ। यस पावन सेवाका लागि श्रीवैष्णव परिषद् अमेरिका हार्दिक मंगलाशासन अर्पण गर्दछ।
श्रद्धेय श्री किरण सुबेदीज्यूका पुज्य परिवारको मूल थातथलो भूटानको चिराङ जिल्लास्थित बिचगाउँ हो। पछि उहाँहरूको परिवार गेलफु, भूटानमा बसोबास गर्नुभएको थियो। भूटानबाट विस्थापित भई शरणार्थी जीवन व्यतीत गर्नुपरेको कठिन परिस्थितिमा उहाँको परिवार नेपालस्थित झापा जिल्लाको गोलधाप शरणार्थी शिविरमा आश्रित हुन पुगेको थियो। त्यसपश्चात् उहाँहरू बेलडाँगी–३ शरणार्थी शिविरमा बसोबास गर्दै संघर्षपूर्ण जीवनयात्रालाई अगाडि बढाउनुभएको थियो।
संघर्ष, परिश्रम, धैर्य र संस्कारयुक्त वातावरणमा हुर्किनुभएका श्री किरण सुबेदीज्यूले पुनर्वास कार्यक्रमअन्तर्गत आफ्नो परिवारसहित संयुक्त राज्य अमेरिकाको न्युयोर्क राज्यस्थित न्यू अल्बानीमा नयाँ जीवन प्रारम्भ गर्नुभएको थियो। केही समयपछि पारिवारिक तथा व्यावसायिक आवश्यकताअनुसार उहाँहरू ओहायो राज्यमा बसाइँ सरी हाल पटास्कला, ओहायोमा आफ्नो परिवारसहित सुखपूर्वक बसोबास गर्दै आउनुभएको छ।
धर्म, संस्कार र आचार्य-सम्प्रदायप्रतिको गहिरो श्रद्धाले प्रेरित भई श्री किरण सुबेदीज्यू तथा धर्मपत्नी श्रीमती दुर्गा पोखरेलज्यूले परम पूज्य श्रीयोगिराज स्वामीजीका उत्तराधिकारी श्री वासुदेवाचार्य स्वामीजीबाट श्रीवैष्णव परम्पराअनुसार पञ्चसंस्कार तथा दीक्षा ग्रहण गर्नुभएको छ। त्यसैगरी उहाँहरूका सुपुत्र अभिषेक सुबेदी, सुपुत्री एलिशा सुबेदी तथा आर्या सुबेदीले परम पूज्य श्री दामोदराचार्य स्वामीजीबाट पञ्चसंस्कार तथा दीक्षा प्राप्त गरी आचार्यकृपाबाट धन्य बन्नुभएको छ। आचार्यकृपाबाट प्राप्त यी दिव्य संस्कारहरूले सम्पूर्ण परिवारको आध्यात्मिक जीवनलाई अझ दृढ, अनुशासित र भगवद्सेवामुखी बनाएको छ।
उहाँ तथा उहाँको परिवार श्रीभगवान, आचार्य-परम्परा र धार्मिक गतिविधिहरूप्रति सदैव समर्पित रहँदै विभिन्न आध्यात्मिक तथा सामुदायिक सेवाकार्यमा सक्रिय सहभागिता जनाउँदै आउनुभएको छ। पारिवारिक उत्तरदायित्व, सामाजिक सद्भाव, धार्मिक संस्कार तथा सेवाभावलाई समान रूपमा आत्मसात् गर्दै सुबेदी–पोखरेल परिवार धर्ममार्गमा निरन्तर अग्रसर रहँदै आएको छ। परिवारको यही श्रद्धा, सदाचार, विनम्रता र भगवद्भक्तिले समाजमा सकारात्मक प्रेरणा प्रवाह गरिरहेको छ।
श्रीमन्नारायण भगवानको असीम कृपा, श्रीमहालक्ष्मी माताको मंगलमयी अनुग्रह तथा आचार्य-परम्पराको दिव्य आशीर्वाद सदा सुबेदी–पोखरेल परिवारमा अविरल रूपमा वर्षिरहोस्। उहाँहरूलाई उत्तम स्वास्थ्य, दीर्घायु, सुख, शान्ति, समृद्धि तथा भगवद्भक्ति, आचार्य-निष्ठा र भगवत्-कैङ्कर्यमा दिनप्रतिदिन अभिवृद्धि प्राप्त भइरहोस् भन्ने हार्दिक मंगलकामना व्यक्त गर्दछौँ।
जय श्रीमन्नारायण। 🙏🌺
