14/05/2026
World Thalassemia Day 2026
Thalassaemia International Federation - TIF
Organized By IDARA E KHUDI
ورلڈ تھیلیسیمیا ڈے 2026 کے موقع پر ادارہ خودی ، ہمدرد بلڈ ڈونر سوسائٹی و ملتان کی دیگر سماجی و تعلیمی تنظیموں کے زیرِ اہتمام تھیلیسیمیا فری پاکستان واک اور بلڈ ڈونیشن کیمپ ماڈل ٹاؤن چوک میں کامیابی سے منعقد ہوا، جس میں سول سوسائٹی، تعلیمی اداروں، سماجی تنظیموں، تھیلیسیمیا فائٹرز، نوجوانوں، مرد و خواتین اور مختلف شعبہ ہائے زندگی سے تعلق رکھنے والے افراد نے بھرپور شرکت کی۔
تقریب میں ادارہ خودی کے چیئرمین فضل نقوی ایڈووکیٹ، پرنسپل خودی سکول سسٹم میڈم سندس نواز، انجینئر شعیب، جواد جوئیہ اور سید عاصم رضا شاہ، مینیجر پبلک ریلیشن ادارہ خودی نے دیگر اراکین اور ننھے بچوں کے ہمراہ معزز مہمانوں کا پرتپاک استقبال کیا۔ واک کی سب سے خوبصورت اور متاثر کن بات تھیلیسیمیا فائٹرز کی بڑی تعداد میں شرکت تھی، جنہوں نے ہدیہ فاؤنڈیشن کے سی ای او شیخ عمیر سعید اور ان کی اہلیہ کی سربراہی میں واک اور بلڈ ڈونیشن کیمپ میں بھرپور شرکت کی۔
دیگر معزز مہمانوں میں ڈاکٹر صائم اور ڈاکٹر بلال اپنی ٹیم پیشنٹ ویلفیئر الائنس کے ہمراہ شریک ہوئے۔ انیقہ وردہ اور ان کی ٹیم باکسز آف کائنڈنیس نے بھی پروگرام میں بھرپور شرکت کی۔ عداس نجم، سی ای او الخیر خدمت فاؤنڈیشن اپنی میڈیا ٹیم کے ہمراہ موجود تھے جبکہ میاں احمد نواز چاون، مینیجر اخوت فاؤنڈیشن نے اپنی ٹیم کے ساتھ شرکت کی۔
اسامہ چغتائی، سی ای او رائل سٹوڈنٹس، اپنی ٹیم کے ہمراہ شریک ہوئے جنہوں نے تھیلیسیمیا آگاہی کے لیے شاندار ویڈیو کمپین بھی چلائی۔ میاں وقاص فرید قریشی، کوآرڈینیٹر نیشنل ایجوکیشن اسمبلی نے بھی شرکت کی۔ ڈاکٹر مرزا ندیم بیگ، برانچ سیکرٹری سوئی ناردرن گیس پائپ لائن، معروف ٹرینر، استاد اور سوشل سائنٹسٹ نے پروگرام میں شرکت کے ساتھ تھیلیسیمیا فائٹرز کے لیے خون کا عطیہ بھی پیش کیا۔
ملتان کے ادبی و سماجی حلقوں کا معتبر نام عبدالمحسن شاہین نے شرکت کرتے ہوئے تھیلیسیمیا آگاہی مہم کو سراہا اور آئندہ بھی اس مشن کے ساتھ کھڑے رہنے کے عزم کا اظہار کیا۔ بلڈ نیٹ ورک پاکستان ملتان کی کوآرڈینیٹر مس حرا اور ان کی ٹیم نے بھرپور شرکت کی اور بلڈ کیمپین کے لیے مختلف مارکیٹس کا دورہ بھی کیا۔
مخدوم شعیب اکمل ہاشمی نے بھی تقریب میں شرکت کی جبکہ ملک اکمل وینس، مکس نیوز اور بدلتا زمانہ اخبار کے روحِ رواں اور ملتان کے سماجی و ادبی حلقوں کا معتبر نام، نے تھیلیسیمیا فائٹرز کے لیے خون کا عطیہ دے کر انسان دوستی کی مثال قائم کی۔ نادر خان، سی ای او مین اسٹریم ایسوسی ایشن آف پرسنز ودھ ڈس ایبلٹیز نے اپنی ٹیم کے ہمراہ شرکت کرتے ہوئے خون کا عطیہ پیش کیا۔
ملتان کے اسٹیج اور محفلوں کی جان، “ملنگز” کے روحِ رواں معروف گلوکار رومان ملک نے بھی واک اور بلڈ کیمپ میں شرکت کی اور خون عطیہ کر کے انسانیت سے محبت کا عملی ثبوت دیا۔
بلڈ ڈونیشن کیمپ کا افتتاح شیخ عمیر سعید، صدر ملتان سمال ٹریڈ چیمبر اینڈ انڈسٹری، تھیلیسیمیا فائٹرز اور دیگر معزز مہمانوں نے مشترکہ طور پر کیا۔ تقریب کے دوران مقررین نے تھیلیسیمیا سے بچاؤ، بروقت تشخیص اور رضاکارانہ خون عطیہ کرنے کی اہمیت پر زور دیا۔
آخر میں ریجنل بلڈ سنٹر ملتان کی ٹیم کو بہترین انتظامات پر خراجِ تحسین پیش کیا گیا جبکہ آذان علی کاظمی فاؤنڈیشن، اظہر کاظمی، مس انیلہ اور فالکن آرگنائزیشن کی سوشل میڈیا اور انتظامی معاونت کو بھی سراہا گیا۔ مقررین نے اس عزم کا اظہار کیا کہ پاکستان کو تھیلیسیمیا فری بنانے کے لیے آگاہی مہمات، تعلیمی سرگرمیوں اور بلڈ ڈونیشن کیمپس کا سلسلہ جاری رکھا جائے گا۔
Today, we raise our voices for every person affected by .
2026
Together, we are .
