International Chib Rajput Forum - ICRF

19/04/2026

راجہ فاخر جبران چِب، وزیراعظم نیشنل یوتھ کونسل کے رکن اور انٹرنیشنل چِب راجپوت فورم کے سیکرٹری جنرل نے اقوامِ متحدہ ہیڈکوارٹرز میں ایشیا پیسفک ریجنل سیشن کے دوران ایک مضبوط اور دوراندیش مؤقف پیش کیا۔
انہوں نے ایک مضبوط، جامع اور پائیدار مستقبل کی تشکیل میں نوجوانوں کے مرکزی کردار پر زور دیا۔ راجہ فاخر جبران چِب نے ڈیجیٹل رسائی، ماحولیاتی اقدامات، اور نوجوانوں کی بامعنی شمولیت جیسے اہم نکات کو اجاگر کیا، جبکہ قومی اقدامات کے ذریعے پاکستان کے عزم کو بھی نمایاں کیا۔
انہوں نے اس بات پر زور دیا کہ علاقائی شمولیت اور ترقی، قومی اور عالمی سطح پر مثبت اور مؤثر اثرات پیدا کرنے کے لیے نہایت اہم ہے۔

08/03/2026

(گوجر خان)سابق وزیر اعظم پاکستان راجہ
پرویز اشرف سے چیف آف چب ٹرائب و پیٹرن
چیف "آئی سی آر ایف" راجہ محمد یوسف
خان،ڈائریکٹر ایڈمنسٹریشن(ر) راجہ کلیم اللہ
خان،پرنسپل (ر) پروفیسر راجہ ایاز خان ،
صدر "آئی سی آر ایف" ضلع میرپور راجہ نصر
اللہ خان و دیگر کی انتہائی خوشگوار ماحول
میں ملاقات،مسلم امہ کو درپیش چیلنجز ،
عصر حاضر کے تقاضے اور ہماری ذمہ داریاں
اور باہمی دلچسپی کے امور پر گفتگو۔
اس موقعہ پر چیف آف چب ٹرائب و پیٹرن
چیف "آئی سی آر ایف" راجہ محمد یوسف
خان صاحب نے سابق وزیر اعظم پاکستان راجہ
پرویز اشرف صاحب کو "چب ہاؤس جہلم"
آنے کی دعوت دی۔جو انھوں نے قبول کرتے ہوئے
آنے کا وعدہ کیا۔
اس دوران سابق وزیر اعظم پاکستان راجہ
پرویز اشرف کا کہنا تھا کہ چیف آف چب ٹرائب و پیٹرن چیف "آئی سی آر ایف" راجہ محمد یوسف خان کے بڑوں کی ریاست جموں و کشمیر
اور اس خطے کیلئے لازوال قربانیوں کی ایک
تاریخ ہے۔اپنے محسنین اور قومی ہیروز کو
ہمیشہ نہ صرف یاد رکھنا چاہئے بلکہ ان قربانیوں
اور جہد مسلسل سے نوجوان نسل کو بھی
روشناس کروانا چاہیے۔جو قومیں اپنے محسنین
اور قومی ہیروز کو بھول جاتی ہیں۔ وقت انھیں
حرف غلط کی طرح ،دنیا کے جغرافیے/نقشے
سے مٹا دیتا ہے #

26/02/2026

انٹر نیشنل چب راجپوت فورم کے سیکرٹری جنرل انجینئر راجہ فاخر جبران چب کو کامن ویلتھ یوتھ ایوارڈز فار ایکسیلینس اِن ڈیولپمنٹ ورک 2026 میں بطور جج خدمات انجام دینے پر دل کی گہرائیوں سے مبارکباد۔

26/02/2026

چیف آف چِب ٹرائب راجہ محمد یوسف خان چِب، سیکرٹری فنانس انٹرنیشنل چِب راجپوت فورم راجہ فضل الرحمٰن چِب، مرکزی صدر انٹرنیشنل چِب راجپوت فورم حاجی راجہ اقبال چِب اور صدر چِب میچنگ فورم انٹرنیشنل چِب راجپوت فورم صوبیدار (ر) عرفان ظفر چِب نے بابائے چِب، مشہور مؤرخ و ایڈووکیٹ راجہ افتخار علی خان چِب صاحب سے ان کی رہائش گاہ موضع بڑھنگ میں ملاقات کی۔

اس موقع پر معزز وفد نے راجہ افتخار علی خان چِب صاحب کی علمی، سماجی اور قبائلی خدمات کو خراجِ تحسین پیش کیا اور چِب برادری کی تاریخ، روایات اور موجودہ حالات پر تفصیلی تبادلۂ خیال کیا۔

وفد نے کہا کہ بابائے چِب کی حیثیت سے راجہ افتخار علی خان چِب صاحب کی خدمات چِب قبیلے کے لیے ایک قیمتی سرمایہ ہیں، اور ان کی تحقیق و رہنمائی آنے والی نسلوں کے لیے مشعلِ راہ ہے۔

آخر میں وفد نے ان کی صحت و سلامتی اور درازیٔ عمر کے لیے نیک تمناؤں کا اظہار کیا اور چِب برادری کے اتحاد و اتفاق کے عزم کو دہرایا۔

26/02/2026

چیف آف چِب ٹرائب راجہ محمد یوسف خان چِب، سیکرٹری فنانس انٹرنیشنل چِب راجپوت فورم راجہ فضل الرحمٰن چِب، مرکزی صدر انٹرنیشنل چِب راجپوت فورم حاجی راجہ اقبال چِب اور صدر چِب میچنگ فورم انٹرنیشنل چِب راجپوت فورم صوبیدار (ر) عرفان ظفر چِب نے چِب راجپوت کونسل پاکستان کے سیکرٹری جنرل جناب راجہ عادل حمید چِب کے والدِ محترم، ساجد حمید چِب، یاسر حمید چِب اور عاطف حمید چِب کے والد جبکہ جناب فیصل عبداللہ چِب آف یوکے کے تایا جان کی وفات پر ان کی رہائش گاہ پر جا کر تعزیت کی اور فاتحہ خوانی کی۔

مرحوم رضائے الٰہی سے وفات پا گئے ہیں۔ وفد نے سوگوار خاندان کے ساتھ دلی ہمدردی اور گہرے دکھ کا اظہار کیا اور مرحوم کے ایصالِ ثواب کے لیے خصوصی دعا کی۔

اس موقع پر وفد نے کہا کہ ہم اپنے معزز ساتھی سیکرٹری جنرل جناب راجہ عادل حمید چِب اور تمام اہلِ خانہ کے غم میں برابر کے شریک ہیں۔ اللہ تعالیٰ مرحوم کی کامل مغفرت فرمائے، انہیں جنت الفردوس میں اعلیٰ مقام عطا کرے، ان کے درجات بلند فرمائے اور پسماندگان کو صبرِ جمیل عطا فرمائے۔ آمین۔

22/02/2026

🔴 Old Logo vs 🔺 New Logo

The old logo of International Chib Rajput Forum was based on a general symbolic design featuring a horse-mounted warrior. While it represented bravery and strength, it did not directly reflect the specific history, leadership, or regional identity of the Chib Rajput Tribe.

The new logo, however, is deeply rooted in our heritage and identity. It features the portrait of the Chief of Chib Tribe Raja Muhammad Akbar Khan (Late), making it historically authentic and leadership-centered.

The triangular shape symbolizes the three rivers of our ancestral land. The royal sword with the name Chibhal reflects the historic Chibhal State and our warrior legacy. Additionally, the colors are inspired by the traditional flags of the Katoch Dynasty, highlighting our ancestral lineage.

Overall, the new logo transforms a symbolic identity into a historically meaningful emblem that truly represents the legacy, leadership, and roots of the Chib Rajput Tribe.

21/02/2026

یہ ایک اے ائی سے تیار کردہ تصویر ہے جس میں بھمبر کے مرکزی چوک پر راجہ سلطان خان چب کا ایک شاندار گھڑ سوار مجسمہ دکھایا گیا ہے۔ اس تصویر میں انہیں ایک بہادر، باوقار اور خودمختار حکمران کے طور پر پیش کیا گیا ہے، جو اپنی قیادت اور جرأت کی علامت ہیں۔ مجسمے کے نیچے ان کا تعارف درج ہے:

RAJA SULTAN KHAN CHIB
Last Independent Ruler of Bhimber

حکومتِ پنجاب نے دینہ میں موجود شیر شاہ سوری کا مجسمہ ہٹا کر مقامی ہیرو سردار سارنگ خان گکھڑ کا مجسمہ نصب کیا، جو اس علاقے کی تاریخ سے براہِ راست تعلق رکھتے ہیں۔ یہ ایک نہایت مثبت اور قابلِ تحسین اقدام ہے کیونکہ اس سے مقامی ثقافت، علاقائی شناخت اور تاریخی ورثے کو فروغ ملتا ہے۔ جب ریاستیں اپنے خطے کے اصل ہیروز کو نمایاں کرتی ہیں تو اس سے نوجوان نسل میں تاریخ سے وابستگی اور فخر کا جذبہ پیدا ہوتا ہے۔

اسی طرح بھمبر کی تاریخ میں راجہ سلطان خان چب ایک اہم مقام رکھتے ہیں۔ وہ بھمبر کے آخری خودمختار حکمران تھے اور انہوں نے اپنی ریاست کے دفاع میں غیر معمولی جرات کا مظاہرہ کیا۔ تاریخ کے مطابق، انہوں نے بھمبر پر حملہ آور پنجاب کے مشہور حکمران مہاراجہ رنجیت سنگھ کی افواج کا مقابلہ کیا اور انہیں شکست دی، جو ان کی عسکری صلاحیت اور قیادت کا واضح ثبوت ہے۔ یہ واقعہ بھمبر کی مزاحمتی تاریخ کا ایک اہم باب سمجھا جاتا ہے۔

لہٰذا آزاد کشمیر حکومت کو بھی چاہیے کہ بھمبر میں راجہ سلطان خان چب کا مجسمہ نصب کرے تاکہ اس خطے کی تاریخ کو زندہ رکھا جا سکے۔ ایسے یادگاری مجسمے صرف آرائش نہیں ہوتے بلکہ یہ ایک قوم کی شناخت، قربانیوں اور تاریخی شعور کی علامت ہوتے ہیں۔ اس اقدام سے نہ صرف سیاحت کو فروغ ملے گا بلکہ نئی نسل کو بھی اپنے ماضی کے عظیم کرداروں کے بارے میں آگاہی ملے گی اور ان میں فخر اور خود اعتمادی کا جذبہ مضبوط ہوگا۔

26/01/2026

25/01/2026

نوٹیفیکیشن
بڑھنگ راجگان سے بابائے چب جیسے تاریخی خاندان کے چشم و چراغ راجہ کلیم ارشاد صاحب کو طویل مشاورت کے بعد انٹرنیشنل چب راجپوت فورم کے سر پرست اعلی و چیف آف چب ٹرائب راجہ محمد یوسف خان صاحب نے ضلع بھمبر کا نائب صدر منتخب کرنے کی منظوری صادر فرمائی ہے
راجہ کلیم ارشاد ایک آئی ٹی پروفیشنل ہیں اور مشہور مورخ راجہ محمد افتخار علی خان ایڈووکیٹ کے بھتیجے اور نامزد جانشین ہیں۔
ان کا تعلق Barhing کے ایک معزز اور ممتاز خاندان سے ہے۔

انہوں نے میٹرک اور انٹرمیڈیٹ کی تعلیم بھمبر سے حاصل کی جبکہ بی ایس آئی ٹی کی ڈگری لاہور سے مکمل کی۔
پیشہ ورانہ کیریئر کے دوران وہ ورچوئل یونیورسٹی، ویٹین ٹیلیکام اور MCB اسلامی بینک میں خدمات انجام دے چکے ہیں۔
اس وقت وہ یونائیٹڈ بینک لمیٹڈ (UBL) کے آئی ٹی ڈیپارٹمنٹ میں اپنی پیشہ ورانہ ذمہ داریاں نبھا رہے ہیں۔
انٹرنیشنل چب راجپوت فورم کی طرف سے نو منتخب نائب صدر برائے ضلع بھمبر راجہ کلیم ارشاد صاحب کو مبارکباد
منجانب
انجینئر راجہ فاخر جبران
مرکزی سیکرٹری جنرل
انٹرنیشنل چب راجپوت فورم

17/01/2026

سالانہ عرس بابا شادی شہید رح

راجہ شاداب خان المعروف بابا شادی شہید کے سالانہ عرس کی تقریبات شایان شان انداز میں اختتام پذیر ہوئیں سرپرست اعلی انٹرنیشنل چب راجپوت فورم راجہ محمد یوسف خان صاحب اور فورم کے مرکزی چیرمین کیپٹن خان ندیم خان ، فورم کے مرکزی صدر حاجی راجہ محمد اقبال صاحب ، سیکٹریری جنرل انجینئر راجہ فاخر جبران اور سیکرٹری مالیات راجہ فضل الرحمن صاحب نے بطور مہمانان خاص شرکت کی۰ راجہ محمد یوسف خان صاحب اور کیپٹن ریٹائیر ڈ خان ندیم خان نے تقریب سے اپنے اپنے خطاب میں وزیر حکومت جناب چوہدری رفیق نئیر صاحب کی توجہ جنڈی چونترہ تا دربار بابا شادی شہید سٹرک کی طرف دلاتے ہوئے کہا کہ مزار شریف سے حاصل ہونے والی صرف ایک ماہ کی آمدنی بھی اگر خرچ کر دی جائے تو یہ سٹرک بنائی جا سکتی ہے ۰ تاہم وزیر حکومت نے دونوں راہنماؤں کو یقین دلایا کہ اس نہایت اہم ایشو پر وہ اپنا کردار ضرور ادا کریں گے ۰ کیپٹن خان ندیم خان نے شرکاء تقریب اور زائرین کو بابا شادی شادی کی تاریخ سے روشناس کروایا جسے شرکاء کی طرف سے بہت سراہا گیا ۰انٹرنیشنل چب راجپوت فورم سرپرست اعلی و چیف آف چب ٹرائب راجہ یوسف صاحب اور مرکزی چرمین کیپٹن خان صاحب نے محکمہ اوقاف کی انتظامیہ اور مینجر اوقاف علامہ قاری نثار احمد صاحب کی خدمات کی تعریف کی ۰
چیف آف چب ٹرائب جہلم سے ایک بڑے قافلے کے ساتھ سالانہ عرس کی تقریبات میں شریک ہوئے اور انہوں نے فورم کے زعماء بشمول اپنے قافلے کے مزار پر پھولوں کی چادر بھی چڑھائی۰ چیف آف چب ٹرائب کے بھائی راجہ ثاقب صاحب بھی قافلے میں شریک تھے