18/06/2026
جناب محترم رضوان راجہ صاحب کی پوسٹ کو غفور احمد گل صاحب نے شئر کیا ہے پڑھ کر بہت خوشی ہوئی لکھتے ہیں کہ جناب محترم چوہدری ساجد یونس صاحب جو سریعہ نزد کوٹلہ تحصیل کھاریاں کے رہنے والے ہیں نے پہلے قبرستان کے راستے کے لیے اٹھ فٹ راستہ چھوڑا ہوا تھا جسے انہوں نے محسوس کیا کہ یہ تنگ ہے کیوں نہ مزید پانچ فٹ جگہ اور چھوڑ دی جائے اتنی اچھی سوچ والدین کی تربیت کا نتیجہ ہوا کرتی ہے۔
انہوں نے اپنے گھر کی دیوار کو گرا کر مزید پانچ فٹ جگہ چھوڑ دی اس طرح قبرستان کا راستہ 13 فٹ ہو گیا ، یوں تو ہم سب لوگ یہی کہتے ہیں کہ ساتھ کوئی چیز نہیں جائے گی مگر عملی مظاہرہ سینکڑوں میں کوئی کوئی کرتا ھے ۔ دیکھا جائے تو یہ جگہ جناب محترم چوہدری ساجد یونس صاحب نے گاؤں کے لیے نہیں چھوڑی بلکہ آپنے نام امر کر لی ہے یہ ایسا صدقہ جاریہ ہے کہ جب تک لوگ استفادہ اٹھائیں گے محترم ساجد صاحب اور ان کے والدین کے لیے ایصال ثواب کا ذریعہ بنے گا۔
یہ تو ہم سب لوگ جانتے ہیں کہ زمین ، کوٹھیاں ، جائیداد اور بینک دولت یہیں رہیں گیں مگر اللہ پاک کے فضل و کرم سے اس راستے کا اجر چوہدری ساجد یونس صاحب کے ساتھ جائے گا اور ان کے والدین کے لیے بھی بخشش کا ذریعہ بنے گا۔ جناب محترم چوہدری ساجد یونس صاحب کو میں سلام پیش کرتا ہوں اور دعا کرتا ہوں کہ اللہ پاک ہمیں اسی طرح کے نیک عمل کرنے کی توفیق عطا فرمائے جو ہمارے لئے اور والدین کے لئے صدقہ جاریہ کا ذریعہ بنیں۔
ہمیں گاؤں محلے میں اگر کوئی بندہ مالی طور پر کمزور ہے تو اس کی سپورٹ کرنی جائے ، انتظامیہ یونائٹڈ ویلفیئر فاؤنڈیشن بھمبر کی طرف سے نہ صرف برادر محترم چوہدری ساجد یونس صاحب کو مبارکباد دیتا ہوں بلکہ ان کی وساطت سے گزارش کرتا ہوں کہ آپ کے گاؤں یا گرد و نواح میں کوئی خاتون جو بیوہ ہو طلاق یافتہ ہو اور اس کے بیٹے 18 سال سے کم ہوں۔ محتاجی کی زندگی گزار رھی ھوں تو انہیں انتظامیہ یونائیٹڈ ویلفیئر فاؤنڈیشن بھمبر کی طرف سے الیکٹرک سلائی مشین دی جائے گی۔
اس وٹسایپ نمبر پر رابطہ کر سکتے ھیں 03005338296
اللہ پاک ہم سب کا حامی و ناصر ہو۔
امین یا رب العالمین
عبدالرشید
یونائٹڈ ویلفیئر فاؤنڈیشن
راک لینڈ کاؤنٹی نینوٹ
نیویارک امریکہ
