07/10/2026
TINGNAN: Ang Pagdalaw ng Virgen Milagrosa del Rosario del Pueblo de Orani sa Aming Parokya
Noong Oktubre 2 hanggang 5, naging isang dakilang biyaya at kagalakan para sa aming parokya ang pagdalaw ng Mahal na Virgen Milagrosa del Rosario del Pueblo de Orani, kasabay ng pagbubukas ng Buwan ng Santo Rosaryo.
Sa bawat panalangin at pagninilay na ating inialay, nawa’y sa tulong at paggabay ng Mahal na Birhen, mas lalo tayong mailapit sa kanyang Anak na si Hesukristo. Nawa’y patuloy niyang ipamagitan ang aming mga panalangin at pangangailangan, at pagkalooban ng pagpapala, pagkakaisa, at kapayapaan ang aming pamayanan.
Higit sa lahat, nawa’y ang pagdalaw ng Mahal na Birhen ay maging paalala sa aming mga kabataan na manatiling malapit sa Diyos, maging matatag sa pananampalataya, at maging mga kabataang may pusong handang maglingkod, magmahal, at maging ilaw sa kapwa.
Maraming Salamat sa pagdalaw Mahal na Birhen ng Santo Rosaryo.
Viva La Virgen!
Mahal na Birhen ng Orani, ipanalangin mo kami.
Ina ng Santo Rosaryo, akayin mo kami patungo kay Hesus.
