12/05/2026
करिब १ वर्ष अघि, हाम्रो पहलमा पालुङ्टार नगरपालिकाका १० वडाभित्र रहेका १२ वटा माध्यमिक विद्यालयहरूमा निःशुल्क सेनेटरी प्याड भेन्डिङ मेसिन जडान गरिएको थियो।
त्यो केवल एउटा मेसिन राख्ने कार्यक्रम मात्र थिएन।
त्यो किशोरीहरूको सम्मान, आत्मविश्वास, स्वास्थ्य र भविष्यसँग जोडिएको एउटा सानो तर अर्थपूर्ण कदम थियो।
आज १ वर्षपछि, हामी फेरि ती विद्यालयहरूमा पुग्ने तयारीमा छौं।
हाम्रो उद्देश्य केवल “आशा गर्ने” होइन, जिम्मेवारीलाई निरन्तरता दिने हो।
अब हामी:
• सबै मेसिनहरूको अवस्था निरीक्षण गर्नेछौं
• आवश्यक मर्मत तथा अपग्रेड गर्नेछौं
• विद्यालयहरूसँग समन्वय गरेर किशोरीहरूका लागि विशेष सशक्तिकरण तथा भविष्य निर्माण कक्षाहरू सञ्चालन गर्ने प्रस्ताव राख्नेछौं
किनकि हामी विश्वास गर्छौं —
“समाज पुरुष र महिलाको दुई पांग्रामा चल्छ।”
यदि हाम्रो छोरीहरू आत्मविश्वासी, सक्षम, सचेत र मानसिक रूपमा बलियो भए भने मात्र पालुङ्टारको भविष्य वास्तवमै उज्यालो बन्न सक्छ।
यो अभियान कुनै एक व्यक्तिको होइन, समुदायको अभियान हो।
यदि तपाईं यस यात्रामा कुनै पनि रूपमा हातेमालो गर्न चाहनुहुन्छ भने —
स्वागत छ।
सहयोग विचारबाट पनि हुन सक्छ,
समयबाट पनि,
स्रोतबाट पनि,
वा केवल एउटा सकारात्मक साथबाट पनि।
आउनुहोस्, पालुङ्टारलाई केवल सडक र भवनले होइन,
सक्षम, सम्मानित र आत्मविश्वासी पुस्ताले चिनिने नगर बनाऔं। ❤️
