Ekata Nepal

Ekata Nepal Ekata Nepal is an emerging organization working for the rights of LBT people in the Far west province of Nepal.

We work for LBT people to ensure equal rights, economic empowerment, livelihood support, and protection.

लालझाडी गाउँपालिकामा लैंगिक तथा यौनिक अल्पसंख्यक समुदायप्रति सकारात्मक सोच विकास सम्बन्धी अभिमुखीकरण सम्पन्नकञ्चनपुर — ए...
16/07/2026

लालझाडी गाउँपालिकामा लैंगिक तथा यौनिक अल्पसंख्यक समुदायप्रति सकारात्मक सोच विकास सम्बन्धी अभिमुखीकरण सम्पन्न
कञ्चनपुर — एकता नेपालको आयोजनामा लालझाडी गाउँपालिकामा लैंगिक तथा यौनिक अल्पसंख्यक समुदायप्रति सकारात्मक सोच विकास गर्ने उद्देश्यले अभिमुखीकरण कार्यक्रम सम्पन्न भएको छ।
कार्यक्रममा गाउँपालिकाका जनप्रतिनिधि, कर्मचारी तथा सरोकारवाला निकायका प्रतिनिधिहरूको सहभागिता रहेको थियो। लालझाडी गाउँपालिकामा यस प्रकारको कार्यक्रम पहिलो पटक आयोजना गरिएको हो। कार्यक्रममा सहभागीहरूले समाजमा लैंगिक तथा यौनिक अल्पसंख्यक समुदायका व्यक्तिहरू पनि रहेका छन् र उनीहरूको पहिचान, अधिकार तथा सम्मानको सुनिश्चितता आवश्यक रहेको विषयमा जानकारी प्राप्त गरेका थिए।
कार्यक्रमलाई सम्बोधन गर्दै गाउँपालिका अध्यक्ष निर्मल राना तथा उपाध्यक्ष सपना चौधरी रानाले लैंगिक तथा यौनिक अल्पसंख्यक समुदायका सवाललाई गाउँपालिकाको नीति तथा कार्यक्रममा समावेश गर्दै उनीहरूको अधिकार सुनिश्चित गर्न विशेष जोड दिए। उहाँहरूले सबै नागरिकलाई समान व्यवहार र अवसर प्रदान गर्ने समावेशी स्थानीय शासनको विकासमा गाउँपालिका प्रतिबद्ध रहेको पनि बताउनुभयो।
एकता नेपालले यस्ता अभिमुखीकरण कार्यक्रमले लैंगिक तथा यौनिक अल्पसंख्यक समुदायप्रति रहेको गलत धारणा हटाई सम्मान, स्वीकार्यता र समावेशी समाज निर्माणमा महत्वपूर्ण योगदान पुग्ने विश्वास व्यक्त गरेको छ।

स्वास्थ्य स्वयंसेवकहरूसँग लैंगिक तथा यौनिक अल्पसंख्यक समुदायको यौन तथा प्रजनन स्वास्थ्य सम्बन्धी अभिमुखीकरण कार्यक्रम सम...
16/07/2026

स्वास्थ्य स्वयंसेवकहरूसँग लैंगिक तथा यौनिक अल्पसंख्यक समुदायको यौन तथा प्रजनन स्वास्थ्य सम्बन्धी अभिमुखीकरण कार्यक्रम सम्पन्न
एकता नेपालको आयोजनामा स्वास्थ्य स्वयंसेवकहरूसँग लैंगिक तथा यौनिक अल्पसंख्यक (LGBTIQ+) समुदायको यौन तथा प्रजनन स्वास्थ्य अधिकार सम्बन्धी अभिमुखीकरण कार्यक्रम सफलतापूर्वक सम्पन्न भएको छ।
कार्यक्रममा स्वास्थ्य स्वयंसेवकहरूलाई लैंगिक पहिचान, यौनिक अभिमुखीकरण तथा यौन विशेषता (SOGIESC), LGBTIQ+ समुदायले स्वास्थ्य सेवा प्राप्त गर्ने क्रममा भोग्ने चुनौतीहरू, समावेशी तथा भेदभावरहित स्वास्थ्य सेवा, गोपनीयताको महत्व तथा सम्मानजनक व्यवहारका विषयमा जानकारी प्रदान गरिएको थियो।
सहभागीहरूले समुदायप्रति सकारात्मक दृष्टिकोण विकास गर्दै सबै सेवाग्राहीलाई समान र सम्मानजनक स्वास्थ्य सेवा उपलब्ध गराउन आफ्नो भूमिका अझ प्रभावकारी बनाउने प्रतिबद्धता व्यक्त गरेका छन्।
एकता नेपालले आगामी दिनहरूमा पनि लैंगिक तथा यौनिक अल्पसंख्यक समुदायको स्वास्थ्य, अधिकार र सामाजिक समावेशीकरणका लागि यस्ता सचेतनामूलक तथा क्षमता अभिवृद्धि कार्यक्रमहरूलाई निरन्तरता दिने जनाएको छ।

सुदूरपश्चिम प्रदेशका माननीय सांसदहरूसँग लैंगिक पहिचान, यौनिक अभिमुखीकरण तथा यौन विशेषता (SOGIESC) सम्बन्धी अभिमुखीकरण का...
15/07/2026

सुदूरपश्चिम प्रदेशका माननीय सांसदहरूसँग लैंगिक पहिचान, यौनिक अभिमुखीकरण तथा यौन विशेषता (SOGIESC) सम्बन्धी अभिमुखीकरण कार्यक्रम सफलतापूर्वक सम्पन्न।
कार्यक्रममा लैंगिक तथा यौनिक अल्पसंख्यक समुदायका अधिकार, चुनौती, सेवा पहुँच तथा समावेशी नीति निर्माणमा प्रदेश सभाको भूमिकाबारे अन्तरक्रियात्मक छलफल गरिएको थियो। सहभागी माननीय सांसदज्यूहरूको सक्रिय सहभागिता र सकारात्मक प्रतिबद्धताले समावेशी समाज निर्माणतर्फ थप ऊर्जा प्रदान गरेको छ।
समान अधिकार, सम्मान र समावेशिताका लागि हाम्रो साझा प्रयास। 🌈

15/07/2026

पहुरा समाचारदाताधनगढी, ३० असार । सुदूरपश्चिम प्रदेश सभा सदस्यहुक्रे लैगिङक तथा यौनिक अल्पसंख्यक समुदायके अवाज .....

📢 अभिमुखीकरण कार्यक्रम सम्पन्नएकता नेपालको आयोजना तथा WOREC र सशस्त्र प्रहरी बल बाल फुलवारीको समन्वय तथा सहकार्यमा श्री ...
12/07/2026

📢 अभिमुखीकरण कार्यक्रम सम्पन्न
एकता नेपालको आयोजना तथा WOREC र सशस्त्र प्रहरी बल बाल फुलवारीको समन्वय तथा सहकार्यमा श्री चन्द्रोदय माध्यमिक विद्यालयमा लैंगिक तथा यौनिक अल्पसंख्यक समुदाय, लैंगिक हिंसा तथा लागू औषध दुव्र्यसन सम्बन्धी अभिमुखीकरण कार्यक्रम सफलतापूर्वक सम्पन्न भएको छ।
कार्यक्रममा विद्यार्थी तथा सहभागीहरूलाई SOGIESC (S*xual Orientation, Gender Identity and Expression, and S*x Characteristics) सम्बन्धी आधारभूत जानकारी, लैंगिक हिंसाका प्रकार, त्यसको असर तथा रोकथामका उपायहरूबारे जानकारी प्रदान गरिएको थियो। साथै लागू औषध दुव्र्यसनले व्यक्ति, परिवार र समाजमा पार्ने नकारात्मक प्रभाव तथा त्यसबाट बच्ने उपायहरूबारे पनि सचेतना फैलाइएको थियो। सहभागीहरूले कार्यक्रमलाई अत्यन्तै उपयोगी र ज्ञानवर्धक रहेको बताएका छन्। यस्ता कार्यक्रमहरूले विद्यालयस्तरमै समावेशी सोचको विकास गर्नुका साथै हिंसा र दुव्र्यसन न्यूनीकरणमा महत्वपूर्ण योगदान पुर्‍याउने विश्वास लिइएको छ।

🌈 सरकारी निकायसँग LGBTIQ+ समुदाय सम्बन्धी सचेतना तथा अभिमुखीकरण कार्यक्रम सम्पन्नएकता नेपालले सरकारी निकायका पदाधिकारीहर...
11/07/2026

🌈 सरकारी निकायसँग LGBTIQ+ समुदाय सम्बन्धी सचेतना तथा अभिमुखीकरण कार्यक्रम सम्पन्न
एकता नेपालले सरकारी निकायका पदाधिकारीहरूलाई LGBTIQ+ समुदाय, यौनिक अभिमुखीकरण, लैङ्गिक पहिचान तथा लैङ्गिक अभिव्यक्तिबारे जानकारी प्रदान गर्ने उद्देश्यले अभिमुखीकरण कार्यक्रम सञ्चालन गरेको छ।
समाजमा अझै पनि LGBTIQ+ समुदायप्रति पर्याप्त जानकारी र सकारात्मक दृष्टिकोणको अभावका कारण समुदायका सदस्यहरूले सरकारी सेवा प्राप्त गर्दा विभिन्न असहजता र विभेदको सामना गर्नुपरेको अवस्था छ। यही अवस्थालाई परिवर्तन गर्दै सबै नागरिकले सम्मानपूर्वक र समान रूपमा सेवा प्राप्त गर्न सकून् भन्ने उद्देश्यले यो कार्यक्रम आयोजना गरिएको हो।
कार्यक्रमपछि सहभागी सरकारी पदाधिकारीहरूले "हामीलाई यस विषयमा पर्याप्त जानकारी थिएन। अबदेखि LGBTIQ+ समुदायका व्यक्तिहरूलाई सम्मानजनक, विभेदरहित र सहज वातावरणमा सेवा प्रदान गर्ने प्रतिबद्धता व्यक्त गर्दछौं।" भन्ने धारणा राख्नुभएको छ।
एकता नेपाल सबैका लागि समानता, सम्मान र समावेशी सार्वजनिक सेवाको सुनिश्चितताका लागि निरन्तर प्रतिबद्ध रहनेछ। 💙🏳️‍🌈

✊समावेशी विकासका लागि स्थानीय सरकारसँग सहकार्यआज एकता नेपालले धनगढी उपमहानगरपालिका वडा नं. ४ मा लैङ्गिक तथा यौनिक अल्पसं...
07/07/2026

✊समावेशी विकासका लागि स्थानीय सरकारसँग सहकार्य
आज एकता नेपालले धनगढी उपमहानगरपालिका वडा नं. ४ मा लैङ्गिक तथा यौनिक अल्पसंख्य (LGBTIQ+) समुदायका अधिकार, सम्मान र समावेशी विकास सुनिश्चित गर्न विभिन्न मागहरू समेटिएको मागपत्र वडा सचिवसमक्ष पेश गरेको छ।
भेटघाटका क्रममा समुदायका आवश्यकता, विभेद न्यूनीकरण, रोजगारी, शिक्षा, स्वास्थ्य सेवा तथा स्थानीय नीति तथा कार्यक्रममा LGBTIQ+ समुदायको अर्थपूर्ण सहभागिता सुनिश्चित गर्नुपर्ने विषयमा रचनात्मक छलफल गरिएको थियो। हामी विश्वास गर्छौं कि स्थानीय सरकार र समुदायबीचको सहकार्यले सबैका लागि समान अवसर, सम्मान र समावेशी समाज निर्माणमा महत्वपूर्ण योगदान पुर्‍याउनेछ।
🤝समावेशी स्थानीय शासन, समान अधिकार र सामाजिक न्यायका लागि एकता नेपाल निरन्तर प्रतिबद्ध छ।

"प्रत्येक व्यक्तिको गोपनीयताको रक्षा गर्नु हाम्रो साझा दायित्व हो।"

विद्यालयमा लैंगिक तथा यौनिक अल्पसंख्यक समुदायसम्बन्धी सचेतनामूलक शिक्षा कार्यक्रम सम्पन्नधनगढी, असार १९, २०८३ – एकता नेप...
04/07/2026

विद्यालयमा लैंगिक तथा यौनिक अल्पसंख्यक समुदायसम्बन्धी सचेतनामूलक शिक्षा कार्यक्रम सम्पन्न
धनगढी, असार १९, २०८३ – एकता नेपालले धनगढीस्थित श्री राष्ट्रिय तुलसी राम माध्यमिक विद्यालयमा कक्षा ७, ८, ९ र १० मा अध्ययनरत विद्यार्थीहरूका लागि लैंगिक तथा यौनिक अल्पसंख्यक (LGBTIQA+) समुदायसम्बन्धी सचेतनामूलक शिक्षा कार्यक्रम सञ्चालन गरेको छ।
कार्यक्रमको उद्देश्य विद्यार्थीहरूमा लैंगिक विविधता, यौनिक अभिमुखीकरण, लैंगिक पहिचान तथा अभिव्यक्तिबारे सही जानकारी प्रदान गर्नुका साथै सम्मान, समानता र समावेशी व्यवहारको विकास गर्नु रहेको थियो।
सहजीकरणका क्रममा सहभागी विद्यार्थीहरूलाई लैंगिक तथा यौनिक अल्पसंख्यक समुदायका बारेमा रहेका भ्रम, पूर्वाग्रह र विभेदका असरबारे जानकारी दिइएको थियो। साथै, सबै व्यक्तिको मानवअधिकारको सम्मान गर्दै विद्यालयलाई सबैका लागि सुरक्षित, समावेशी र विभेदरहित सिकाइ वातावरण बनाउने विषयमा छलफल गरिएको थियो।
विद्यार्थीहरूले कार्यक्रमप्रति उत्साहजनक सहभागिता जनाउँदै आफ्ना जिज्ञासा तथा अनुभवहरू खुलेर राखेका थिए। अन्तरक्रियात्मक शैलीमा सञ्चालन गरिएको कार्यक्रममा विद्यार्थीहरूले लैंगिक विविधताबारे नयाँ ज्ञान प्राप्त गरेको र यसले सबैप्रति सम्मानपूर्ण व्यवहार गर्न प्रेरित गरेको प्रतिक्रिया दिएका थिए।
एकता नेपालले विद्यालय तहदेखि नै मानवअधिकार, समावेशिता तथा विविधताप्रति सकारात्मक सोचको विकास गर्न यस्ता सचेतनामूलक कार्यक्रमहरूलाई निरन्तरता दिने जनाएको छ।

मागपत्र हस्तान्तरण सम्पन्नआज मिति २०८३ असार १८ गते, एकता नेपालले एलजीबीटीआईए+ समुदायका अधिकार, सम्मान र समावेशी विकाससँग...
02/07/2026

मागपत्र हस्तान्तरण सम्पन्न
आज मिति २०८३ असार १८ गते, एकता नेपालले एलजीबीटीआईए+ समुदायका अधिकार, सम्मान र समावेशी विकाससँग सम्बन्धित विभिन्न मागहरू समेटिएको मागपत्र धनगढी उपमहानगरपालिका वडा नं. २ का वडा अध्यक्ष धर्मराज ओझाज्यूलाई हस्तान्तरण गरेको छ।
मागपत्र ग्रहण गर्दै वडा अध्यक्ष ओझाज्यूले एलजीबीटीआईए+ समुदायका सवाल र अभियान वडा नं. २ बाटै सकारात्मक रूपमा अघि बढेको उल्लेख गर्दै यस समुदायप्रति आफ्नो दृष्टिकोण सकारात्मक रहेको बताउनुभयो। साथै, आगामी दिनमा पनि समुदायका अधिकार, समावेशी सहभागिता र सशक्तीकरणका लागि निरन्तर सहयोग र सहकार्य गर्ने प्रतिबद्धता व्यक्त गर्नुभयो।
स्थानीय सरकारसँगको सहकार्यमार्फत समावेशी, समानतामूलक र विभेदरहित समाज निर्माण गर्ने अभियानमा साथ दिनुभएकोमा वडा अध्यक्षज्यू तथा वडा कार्यालयप्रति एकता नेपाल हार्दिक धन्यवाद व्यक्त गर्दछ। समावेशी समाज निर्माणका लागि सबैको साथ, सबैको सहभागिता आवश्यक छ।

संस्थागत विकासका लागि प्रशंसामूलक खोज तालिम सम्पन्नधनगढी, असार १५ – एकता नेपालद्वारा संस्थागत विकासलाई थप सुदृढ, प्रभावक...
30/06/2026

संस्थागत विकासका लागि प्रशंसामूलक खोज तालिम सम्पन्न
धनगढी, असार १५ – एकता नेपालद्वारा संस्थागत विकासलाई थप सुदृढ, प्रभावकारी र दिगो बनाउने उद्देश्यले आयोजित तीनदिने प्रशंसामूलक खोज (Appreciative Inquiry) सम्बन्धी तालिम आइतबार सफलतापूर्वक सम्पन्न भएको छ।
असार १३ गतेदेखि १५ गतेसम्म सञ्चालन भएको उक्त तालिममा संस्थाका कर्मचारी तथा सदस्यहरूको उत्साहपूर्ण सहभागिता रहेको थियो। तालिममा संस्थाका सकारात्मक अभ्यास, उपलब्धि, क्षमता तथा सफल अनुभवहरूको पहिचान गर्दै तिनै सबल पक्षलाई आधार बनाई भविष्यको साझा परिकल्पना, संस्थागत सुदृढीकरण, नेतृत्व विकास, सहकार्य र सकारात्मक सोचको प्रवर्द्धनका विषयमा अन्तरक्रियात्मक छलफल गरिएको थियो।
तालिमले संस्थाभित्र आपसी विश्वास, टोली भावना, साझा जिम्मेवारी र नवप्रवर्तनमुखी कार्यसंस्कृतिलाई थप मजबुत बनाएको सहभागीहरूले अनुभव व्यक्त गरेका छन्। साथै, सकारात्मक सोच र सामूहिक प्रतिबद्धतामार्फत संस्थालाई अझ प्रभावकारी र समुदायप्रति उत्तरदायी बनाउने अठोटसमेत व्यक्त गरिएको छ।
एकता नेपालले आगामी दिनमा पनि यस्ता सिकाइमुखी तथा सहभागितामूलक कार्यक्रमलाई निरन्तरता दिँदै संस्थागत विकास र समुदायमा गुणस्तरीय सेवा प्रवाहलाई थप सशक्त बनाउने जनाएको छ।

Address

Dhangadhi

Website

Alerts

Be the first to know and let us send you an email when Ekata Nepal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category