Ekata Nepal

Directions

Ekata Nepal Ekata Nepal is an emerging organization working for the rights of LBT people in the Far west province of Nepal.

We work for LBT people to ensure equal rights, economic empowerment, livelihood support, and protection.

IGFF काेण सभा भिमदत्त नगरपालिका वडा नं.8
06/10/2026

IGFF काेण सभा भिमदत्त नगरपालिका वडा नं.8

फिल्ड भिजिट बेलाैरी
06/10/2026

फिल्ड भिजिट बेलाैरी

अवि रोकाया र रमा बिष्टज्यू दुवैलाई हार्दिक बधाई! 🏳️‍🌈💐समलिङ्गी विवाह दर्ता गरी आफ्नो प्रेम र सम्बन्धलाई कानुनी मान्यता द...
03/09/2026

अवि रोकाया र रमा बिष्टज्यू दुवैलाई हार्दिक बधाई! 🏳️‍🌈💐
समलिङ्गी विवाह दर्ता गरी आफ्नो प्रेम र सम्बन्धलाई कानुनी मान्यता दिनुभएकोमा हार्दिक बधाई तथा शुभकामना। तपाईंहरूको प्रेम, साथ, सम्मान र समानताको यात्रा सधैं सुखमय रहोस्। ❤️
सुखी, समृद्ध एवं सफल दाम्पत्य जीवनको हार्दिक शुभकामना! 🌈💍Durgathali bajhang

तीन वर्षीया बालिकामाथि भएको बलात्कार तथा हत्याको घटनाप्रति गम्भीर ध्यानाकर्षणतीन वर्षीया अबोध बालिकामाथि बलात्कार गरी हत...
22/08/2026

तीन वर्षीया बालिकामाथि भएको बलात्कार तथा हत्याको घटनाप्रति गम्भीर ध्यानाकर्षण
तीन वर्षीया अबोध बालिकामाथि बलात्कार गरी हत्या गरिएको अत्यन्तै दुःखद, जघन्य र अमानवीय घटनाप्रति हाम्रो गम्भीर ध्यानाकर्षण भएको छ। यस घटनाले हामी सबैलाई स्तब्ध र मर्माहत बनाएको छ।
यति सानी बालिकामाथि भएको यस्तो क्रूर हिंसा मानवता र सभ्य समाजकै लागि गम्भीर चुनौती हो। बालबालिकाको सुरक्षा तथा संरक्षण सुनिश्चित गर्नु राज्य, स्थानीय सरकार, परिवार र सम्पूर्ण समाजको साझा दायित्व हो। यस्ता घटनाले बालबालिका कति असुरक्षित अवस्थामा छन् भन्ने गम्भीर प्रश्नसमेत खडा गरेको छ।
यस घटनाको निष्पक्ष, शीघ्र र प्रभावकारी अनुसन्धान गरी संलग्न दोषीलाई कानुनबमोजिम हदैसम्मको कारबाही गर्न सम्बन्धित सुरक्षा निकाय तथा राज्यका जिम्मेवार निकायसमक्ष जोडदार माग गर्दछौँ। साथै, पीडित परिवारलाई आवश्यक न्याय, मनोसामाजिक सहयोग तथा उचित राहतको व्यवस्था गर्न पनि सम्बन्धित निकायको ध्यानाकर्षण गराउँदछौँ।
आगामी दिनमा यस्ता जघन्य घटना दोहोरिन नदिन बालबालिकाको सुरक्षा, संरक्षण र अधिकार सुनिश्चित गर्ने प्रभावकारी संयन्त्र निर्माण तथा विद्यमान कानुनको कडाइका साथ कार्यान्वयन गर्न सम्बन्धित सबै पक्षलाई आग्रह गर्दछौँ।
अबोध बालिकाको दुःखद निधनप्रति हार्दिक श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गर्दछौँ।
न्यायका लागि आवाज उठाऔँ।
बालबालिकालाई हिंसामुक्त र सुरक्षित वातावरण निर्माण गरौँ।

लालझाडी गाउँपालिकामा लैंगिक तथा यौनिक अल्पसंख्यक समुदायप्रति सकारात्मक सोच विकास सम्बन्धी अभिमुखीकरण सम्पन्नकञ्चनपुर — ए...
16/07/2026

लालझाडी गाउँपालिकामा लैंगिक तथा यौनिक अल्पसंख्यक समुदायप्रति सकारात्मक सोच विकास सम्बन्धी अभिमुखीकरण सम्पन्न
कञ्चनपुर — एकता नेपालको आयोजनामा लालझाडी गाउँपालिकामा लैंगिक तथा यौनिक अल्पसंख्यक समुदायप्रति सकारात्मक सोच विकास गर्ने उद्देश्यले अभिमुखीकरण कार्यक्रम सम्पन्न भएको छ।
कार्यक्रममा गाउँपालिकाका जनप्रतिनिधि, कर्मचारी तथा सरोकारवाला निकायका प्रतिनिधिहरूको सहभागिता रहेको थियो। लालझाडी गाउँपालिकामा यस प्रकारको कार्यक्रम पहिलो पटक आयोजना गरिएको हो। कार्यक्रममा सहभागीहरूले समाजमा लैंगिक तथा यौनिक अल्पसंख्यक समुदायका व्यक्तिहरू पनि रहेका छन् र उनीहरूको पहिचान, अधिकार तथा सम्मानको सुनिश्चितता आवश्यक रहेको विषयमा जानकारी प्राप्त गरेका थिए।
कार्यक्रमलाई सम्बोधन गर्दै गाउँपालिका अध्यक्ष निर्मल राना तथा उपाध्यक्ष सपना चौधरी रानाले लैंगिक तथा यौनिक अल्पसंख्यक समुदायका सवाललाई गाउँपालिकाको नीति तथा कार्यक्रममा समावेश गर्दै उनीहरूको अधिकार सुनिश्चित गर्न विशेष जोड दिए। उहाँहरूले सबै नागरिकलाई समान व्यवहार र अवसर प्रदान गर्ने समावेशी स्थानीय शासनको विकासमा गाउँपालिका प्रतिबद्ध रहेको पनि बताउनुभयो।
एकता नेपालले यस्ता अभिमुखीकरण कार्यक्रमले लैंगिक तथा यौनिक अल्पसंख्यक समुदायप्रति रहेको गलत धारणा हटाई सम्मान, स्वीकार्यता र समावेशी समाज निर्माणमा महत्वपूर्ण योगदान पुग्ने विश्वास व्यक्त गरेको छ।

स्वास्थ्य स्वयंसेवकहरूसँग लैंगिक तथा यौनिक अल्पसंख्यक समुदायको यौन तथा प्रजनन स्वास्थ्य सम्बन्धी अभिमुखीकरण कार्यक्रम सम...
16/07/2026

स्वास्थ्य स्वयंसेवकहरूसँग लैंगिक तथा यौनिक अल्पसंख्यक समुदायको यौन तथा प्रजनन स्वास्थ्य सम्बन्धी अभिमुखीकरण कार्यक्रम सम्पन्न
एकता नेपालको आयोजनामा स्वास्थ्य स्वयंसेवकहरूसँग लैंगिक तथा यौनिक अल्पसंख्यक (LGBTIQ+) समुदायको यौन तथा प्रजनन स्वास्थ्य अधिकार सम्बन्धी अभिमुखीकरण कार्यक्रम सफलतापूर्वक सम्पन्न भएको छ।
कार्यक्रममा स्वास्थ्य स्वयंसेवकहरूलाई लैंगिक पहिचान, यौनिक अभिमुखीकरण तथा यौन विशेषता (SOGIESC), LGBTIQ+ समुदायले स्वास्थ्य सेवा प्राप्त गर्ने क्रममा भोग्ने चुनौतीहरू, समावेशी तथा भेदभावरहित स्वास्थ्य सेवा, गोपनीयताको महत्व तथा सम्मानजनक व्यवहारका विषयमा जानकारी प्रदान गरिएको थियो।
सहभागीहरूले समुदायप्रति सकारात्मक दृष्टिकोण विकास गर्दै सबै सेवाग्राहीलाई समान र सम्मानजनक स्वास्थ्य सेवा उपलब्ध गराउन आफ्नो भूमिका अझ प्रभावकारी बनाउने प्रतिबद्धता व्यक्त गरेका छन्।
एकता नेपालले आगामी दिनहरूमा पनि लैंगिक तथा यौनिक अल्पसंख्यक समुदायको स्वास्थ्य, अधिकार र सामाजिक समावेशीकरणका लागि यस्ता सचेतनामूलक तथा क्षमता अभिवृद्धि कार्यक्रमहरूलाई निरन्तरता दिने जनाएको छ।

सुदूरपश्चिम प्रदेशका माननीय सांसदहरूसँग लैंगिक पहिचान, यौनिक अभिमुखीकरण तथा यौन विशेषता (SOGIESC) सम्बन्धी अभिमुखीकरण का...
15/07/2026

सुदूरपश्चिम प्रदेशका माननीय सांसदहरूसँग लैंगिक पहिचान, यौनिक अभिमुखीकरण तथा यौन विशेषता (SOGIESC) सम्बन्धी अभिमुखीकरण कार्यक्रम सफलतापूर्वक सम्पन्न।
कार्यक्रममा लैंगिक तथा यौनिक अल्पसंख्यक समुदायका अधिकार, चुनौती, सेवा पहुँच तथा समावेशी नीति निर्माणमा प्रदेश सभाको भूमिकाबारे अन्तरक्रियात्मक छलफल गरिएको थियो। सहभागी माननीय सांसदज्यूहरूको सक्रिय सहभागिता र सकारात्मक प्रतिबद्धताले समावेशी समाज निर्माणतर्फ थप ऊर्जा प्रदान गरेको छ।
समान अधिकार, सम्मान र समावेशिताका लागि हाम्रो साझा प्रयास। 🌈

15/07/2026

पहुरा समाचारदाताधनगढी, ३० असार । सुदूरपश्चिम प्रदेश सभा सदस्यहुक्रे लैगिङक तथा यौनिक अल्पसंख्यक समुदायके अवाज .....

📢 अभिमुखीकरण कार्यक्रम सम्पन्नएकता नेपालको आयोजना तथा WOREC र सशस्त्र प्रहरी बल बाल फुलवारीको समन्वय तथा सहकार्यमा श्री ...
12/07/2026

📢 अभिमुखीकरण कार्यक्रम सम्पन्न
एकता नेपालको आयोजना तथा WOREC र सशस्त्र प्रहरी बल बाल फुलवारीको समन्वय तथा सहकार्यमा श्री चन्द्रोदय माध्यमिक विद्यालयमा लैंगिक तथा यौनिक अल्पसंख्यक समुदाय, लैंगिक हिंसा तथा लागू औषध दुव्र्यसन सम्बन्धी अभिमुखीकरण कार्यक्रम सफलतापूर्वक सम्पन्न भएको छ।
कार्यक्रममा विद्यार्थी तथा सहभागीहरूलाई SOGIESC (S*xual Orientation, Gender Identity and Expression, and S*x Characteristics) सम्बन्धी आधारभूत जानकारी, लैंगिक हिंसाका प्रकार, त्यसको असर तथा रोकथामका उपायहरूबारे जानकारी प्रदान गरिएको थियो। साथै लागू औषध दुव्र्यसनले व्यक्ति, परिवार र समाजमा पार्ने नकारात्मक प्रभाव तथा त्यसबाट बच्ने उपायहरूबारे पनि सचेतना फैलाइएको थियो। सहभागीहरूले कार्यक्रमलाई अत्यन्तै उपयोगी र ज्ञानवर्धक रहेको बताएका छन्। यस्ता कार्यक्रमहरूले विद्यालयस्तरमै समावेशी सोचको विकास गर्नुका साथै हिंसा र दुव्र्यसन न्यूनीकरणमा महत्वपूर्ण योगदान पुर्‍याउने विश्वास लिइएको छ।

🌈 सरकारी निकायसँग LGBTIQ+ समुदाय सम्बन्धी सचेतना तथा अभिमुखीकरण कार्यक्रम सम्पन्नएकता नेपालले सरकारी निकायका पदाधिकारीहर...
11/07/2026

🌈 सरकारी निकायसँग LGBTIQ+ समुदाय सम्बन्धी सचेतना तथा अभिमुखीकरण कार्यक्रम सम्पन्न
एकता नेपालले सरकारी निकायका पदाधिकारीहरूलाई LGBTIQ+ समुदाय, यौनिक अभिमुखीकरण, लैङ्गिक पहिचान तथा लैङ्गिक अभिव्यक्तिबारे जानकारी प्रदान गर्ने उद्देश्यले अभिमुखीकरण कार्यक्रम सञ्चालन गरेको छ।
समाजमा अझै पनि LGBTIQ+ समुदायप्रति पर्याप्त जानकारी र सकारात्मक दृष्टिकोणको अभावका कारण समुदायका सदस्यहरूले सरकारी सेवा प्राप्त गर्दा विभिन्न असहजता र विभेदको सामना गर्नुपरेको अवस्था छ। यही अवस्थालाई परिवर्तन गर्दै सबै नागरिकले सम्मानपूर्वक र समान रूपमा सेवा प्राप्त गर्न सकून् भन्ने उद्देश्यले यो कार्यक्रम आयोजना गरिएको हो।
कार्यक्रमपछि सहभागी सरकारी पदाधिकारीहरूले "हामीलाई यस विषयमा पर्याप्त जानकारी थिएन। अबदेखि LGBTIQ+ समुदायका व्यक्तिहरूलाई सम्मानजनक, विभेदरहित र सहज वातावरणमा सेवा प्रदान गर्ने प्रतिबद्धता व्यक्त गर्दछौं।" भन्ने धारणा राख्नुभएको छ।
एकता नेपाल सबैका लागि समानता, सम्मान र समावेशी सार्वजनिक सेवाको सुनिश्चितताका लागि निरन्तर प्रतिबद्ध रहनेछ। 💙🏳️‍🌈

Address

Dhangadhi

Website

Alerts

Be the first to know and let us send you an email when Ekata Nepal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Nearby non profit organizations

Other Non-Governmental Organizations (NGOs) in Dhangadhi

Show All